Jeremiya 8:5 - Bhibhiliya Nya Guage

⁵ Gasi khu ginani vathu vava va Jerusalema va simamago gu banga mihungo va dzi ndreyisa? Va simama ndzilani nya guwegele va si dzumeli gu wuya gambe!

Jeremiya 8:5 Iomraidhean Croise

Mavingu 4:13

Vegedza gwadi sihevbudzo, u nga si digi si sayise, kholu khiso womi wago.

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Isaya 30:10

Avo va gu embela vama nya liwoni va tugulago misihalo, khavo: “Mu nga woni gambe siwoniso!” Va embela vaprofeti, khavo: Mu nga hi gireli siphrofeto nya lisine! Aholu hi embeleni iso si na gu hi tsakisago, profetani milotelote;

Isaya 44:20

Muthu nya kharato, a gu hodza nguma, a gu kanganyiswa ni gu dzimedzwa khu maalakanyo yaye; kha dzi kodzi guvbulugisa hefemulo waye, ambari gu ganela, khuye: “Esi nyi si pharidego khu mandzani gwangu ga nyamudye, ina khandri malipha, gani?”

Jeremiya 14:7

Ambari hi konwago khu sighoho sathu, kholu milandru yathu mingi ngudzu; kholu hi gu ghohedego, ambari khu guralo, Pfhumu Nungungulu, hi phase khu lihaladzo nya lina lago.

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Jeremiya 3:5

“U na vegedza likhulo laye gikhati gyatshavbo, gani? Mwendro u na mu sayisa gikhati gyatshavbo? Wona, u ganede esi khu likana basi, aholu u di simama gu ghoha.”

Jeremiya 5:27

Dzinyumba dzawe dzi tade khu wukanganyisi, kha nga gikayela nya gutale khu sinyoni si modwego, khu kotani nya isoso va engedzelago gu khala sitetema.

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Jeremiya 6:17

Nyi vegide gambe vawoneleli vbakari gwanu, nyi va embela, kheni: “Yingisani gudzuma nya pundru!” Aholu avo va di nyi hakha, khavo: Kha hi dzumeli gu gu yingisa.

Jeremiya 6:19

Yingisa, uwe litigo! Wonani nya gukhenu nyi na resa libango vbatshani nya vathu vava, gasi va mane mihandro nya mapimo yawe nya guvivbe, kholu kha va yingisa magana yangu, va yeyiside gambe nayo wangu.

Jeremiya 9:6

Va gu vbanya vbakari nya guvivbe; khu kotani nya isoso, kha va khathali khu Eni; a ngu ganela Pfhumu Nungungulu.

Dhaniyeli 9:11

Ina, vatshavbo va na Israyeli va ndragide nayo wago, va ndreya ndzilani, va yeyisa va si vbweti gu yingisa. Khu kotani nya isoso hi thegedwe khu libango, mitungu yi nga lowago Nayo ga Mosi, githumi gya Nungungulu, yi thegede vbatshani gwathu, kholu hi gu ghohede.

Hoseya 11:5

Kha va na bwelela gambe tigoni ga Egipito, aholu va na fumedwa khu Asiriya, kholu va nga bomba gu vbindrugedza mavbanyelo.

Hoseya 11:7

Kholu vathu vangu va thendregedzide va nyi pfhurarela; ambari va gu ranwa khuye a Khusegidego Ngudzu, mwalo ni moyo a dzumelago gu mu ninga githawo.

Hoseya 13:2

Olu, va gu engedzela gu andrisa sighoho; khu parata yawe, va gu gira sifananiso nya gupfhudwe, sifananiso nya guwumbwe khu mapimo nya wugengeli, a gu thumo nya mandza ya vameseri, va bwelo khavbo va ganela, khavo: Va gireleni miphaso. Vathu va ninga dzibesu sifananiso nya simombyana.

Hoseya 4:16

Va na Israyeli va bangide mihungo nga gimombyana nya gigaha, a na dzi kodza kharini Pfhumu Nungungulu gu va havisa nga nvuta malangani nya mahavo nya mangi, na?

Zakariya 7:11

Aholu, avo kha va dzina gu nyi yingisa, va di hatha gu nyi pfhurarela, va nyi wugela, va tshika dzindzeve dzawe gasi va sipwi magana yangu.

Johane 5:40

Aholu enu kha mu dzini guta gwangu, gasi muta mana guvbanya.

1 Vatesalonika 5:21

Khedzani gwadi satshavbo; mu vegisa esi nya sadi,

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.

Gutuledwa 2:25

Aholu, vegisani eyi milayo mu gu nayo kala nyi gu wuya.