Jeremiya 8:18 - Bhibhiliya Nya Guage

¹⁸ Oh! Nari gukhwatshi nyi ngu kodza gu dzi tangadzisa wuvini gwangu! Kholu monyo wangu wu vbede tshivba.

Jeremiya 8:18 Iomraidhean Croise

Dzindzimo 143:7

Olu Pfhumu Nungungulu, vbiredza u nyi hakha; nyi ngu vbela tshivba; u nga nyi siheli khovbe yago, gasi nyi si fanani ni avo va fudego.

Isaya 22:4

Khu guralo, nyi ganede, kheni: Mu nga nyi khedzi; nyi digeni nyi lila khu wuvi, mu nga zami gu nyi tangadzisa khu kotani nya gumbembiswe ga nyamahegyane wa tigoni gwangu.

Jeremiya 23:9

Mayelano khu vaprofeti; nyi ngu garadzega ngudzu ni monyo wangu wu ngu vila ni givili gyangu gyatshavbo gya gu ndrendremela gufanane ni muthu a dhedherekago khu gu leva khu wadwa, khu kotani ya Pfhumu Nungungulu ni magana yaye nya guage.

Jeremiya 4:19

Yowe, libango langu! Monyo wangu guvbisega khu gupwa wuvi. Monyo wangu wu tade khu gikhuma, kha nyi kodzi gu hefemula! Aholu kha nyi na degula, kholu dzindzeveni gwangu gupwala ligwaha ni pundru nya nyimbi.

Jeremiya 6:24

Avbo hi nga pwa ndruma yawe, mawogo yathu ma di vbela tshivba hi gu saniseka khu wuvi wathu watshavbo, kha nga nyamayi a lumwago.

Jeremiya 9:1

Nari gupwani hungo wangu wu di vbindrugedzide wu khala nambo nya mati, ni maho yangu ma khala gifefe nya marongo! Khavbo avbo, nyi di hadza gu lila wutshigu ni mihani khu kotani nya gusongwe ga nyamahegyane wa vathu vangu.

Gililo 5:17

Myonyo yathu yi tade khu wuvi, maho yathu ma tade khu marongo.

Habhakuka 3:16

Avbo nyi nga mupwago, monyo wangu wu di ndrendremela, khu lito laye, sigundru sangu si di ndrendremela, maramboni gwangu gu bela guhina, eni na nyi gu ndrendremela; a na nyi hefemudze litshigu nya wuvi na nyi tangade, avbo a na gutago ata wugela vathu a va tsayisa.