Jeremiya 8:17 - Bhibhiliya Nya Guage

¹⁷ Kholu wonani nya gukhenu nyi na mi rumelani dzinyoga nya wuhungu nya gusonge, nyamba kodzwa gu vbedzwa tshivba khu muthu, dzi na mi hodzani; a ngu ganela Pfhumu Nungungulu.

Jeremiya 8:17 Iomraidhean Croise

Dzindzimo 58:6

Nungungulu, gulela magwaha yawe, u hatshulela sihaya nya singhalana sesi, Pfhumu Nungungulu!

Muhevbudzi 10:11

Wa gu hodzwa khu nyoga nu si gu thumwi khu nyanga, kha gu phasi gilo gu rana nyanga.

Isaya 14:29

Enu Vafilisitiya mwatshavbo mu nga nengeli, kholu yi fanyeledzedwego ndronga yi nga bani yi mi tshanisa, kholu girumbi nya nyoga gya gu dusa wuhungu, ni umo nya litandra nya nyoga gu duga mwamilambo.

Amosi 5:19

Li na gira kha nga muthu a thavago mbeli nya nghala, bwelo khavbo a manana ni gikankanka, mwendro gu muthu a gu bela nyumbani gwaye, mandza yaye a gu phara vbandzaritunu a hodzwa khu nyoga.

Amosi 9:3

Va guya sihala tshokhatunu nya gigomo gya Karimelo, nyi naya va dusa khiyoyo, nyi va rinya vbavbatshi. Ambari va guya sihala nondrwani nya linene, va dzimela mahoni gwangu, nyi na rumela Nyoga nya yikhongolo yi ya va hodza.

Mitengo 21:6

Aholu, Pfhumu Nungungulu a di va rumela dzinyoga nya guthise nya wuhungu nya gusonge, dzi nga hodzago vathu, khu kharato gu difa va na Israyeli nya vangi.

Dhewuteronome 32:24

Va na mbemba khu ndzala, ni gu hodzwa khu dzingumbe ni mitungu nya guvbise, nyi na va rumela magwaha nya sirengo nya likhabi, ni wuhungu nya gusonge nya sirengwanana nya gukhwirire khu lididi.

Gutuledwa 9:19

Kholu tshivba nya dzikavalu dzakone yi diromo kanani ni vbamigilatunu gwawe. Migila yi di gu fanana ni dzinyoga, yi diri mihungo yi hodzago khiyo vathu.