Jeremiya 8:14 - Bhibhiliya Nya Guage

¹⁴ Khu ginani hi nga gu khalago gambe avba? Tombanani hi thavela madhoropani nya makhokhola, hi ya fela iyoyo, kholu Pfhumu Nungungulu wathu a hi konede gufa, ni gu hi sedza mati nya wuhungu nya gusonge, kholu hi ghohede Pfhumu Nungungulu.

Jeremiya 8:14 Iomraidhean Croise

2 Samuweli 20:6

Khavbo avbo, Dhavhidhe a di embela Abhisayi, khuye: Wona nya gukhuwe Sebha, mwamana wa Bhikiri, a na hi tshanisa ngudzu guvbindra Abhisalamo; khu guralo, dzega sithumi sa mune wago, mu mu landra, a nga kala a mana madhoropa nya makhokhola, a mwalalega mahoni gwathu.

Dzindzimo 39:2

Eni nyi di degula heni kape; aholu wuvi wangu wu di engedzelana khu gu vbisa monyo.

Dzindzimo 69:21

Va nyi thelede guhodza nya guthedwe wuhungu nya gusonge, na nyi gupwa lidora va nyi ninga ginageri.

Isaya 47:5

Khala vbavbatshi huwe kape, u bela vbakari nya gidema, uwe nyamahegyane wa Vakalidhiya, kholu gima khu na ranwa gambe pfhumugadzi nya mifumo.

Jeremiya 14:20

Oh! Pfhumu Nungungulu! Sighoho sathu hi ngu siti, ni sighoho sa vababe vathu; kholu hi gu ghohede.

Jeremiya 14:7

Ambari hi konwago khu sighoho sathu, kholu milandru yathu mingi ngudzu; kholu hi gu ghohedego, ambari khu guralo, Pfhumu Nungungulu, hi phase khu lihaladzo nya lina lago.

Jeremiya 23:15

Khu guralo, Pfhumu Nungungulu nya Tshivba Yatshavbo a ngu ganela kharati mayelano khu vaprofeti, khuye: “Nyi na va ninga va hodza mihandro nya guvave, bwelo khavbo va sela wuhungu; kholu khu ga vaprofeti va Jerusalema gu yadwe sighoho tigoni gwatshavbo.”

Jeremiya 3:25

Dzitshoni dzi na khale lidawu lathu, hi fenengedzwa khu milandru yathu, ethu gumogo ni vababe vathu; kholu gukhugela wudzahani wathu kala na muhuno, ethu gumogo ni vababe vathu hi ghohede Pfhumu, Nungungulu wathu, gambe kha ha yingisa lito la Pfhumu Nungungulu wathu.

Jeremiya 35:11

Aholu, avbo Nabhukodhonosori, mufumeli wa Bhabhiloni, a nga saselago litigo leli, hi di khethu: Hongoleni hi khuge hiya Jerusalema, gasi hi vbuluge gu sasedwa khu Vakalidhiya, ni Vaasiriya, khigyo gighelo hi manegago khigyo eno Jerusalema.”

Jeremiya 9:14

Va di landra gulemela nya myonyo yawe, va landrisela sifananiso sa Bhahali, gukhedza khedzi va hevbudzidwego khidzo khu vavelegi vawe.”

Jeremiya 9:15

Khu guralo, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Wonani, nyi na hodzisa vathu vangu guhodza nya guvave, nyi bwelo khavbo nyi va sedza mati nya wuhungu nya gusonge.

Gililo 3:19

Alakanya gutshaniseka ni wusiwana wangu, wuvi ni guvbisega gwangu.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Amosi 6:10

A gu manega muthu, nya gute dzega girumbi gya nongo waye, gasi guya gi vbisa, gikhati a tago a ta bela nyumbani, a na embela uye a guromo dzikhonani nya nyumba, khuye: “Ina a nga guromo mumbe muthu omu, gani?” Uye a na khuye ahihi! Aholu uye a na khuye: Degula! Kholu hi mwalo fanelo nya gu dundruge khu lina la Pfhumu Nungungulu.

Habhakuka 2:20

Khu guralo, Pfhumu Nungungulu, womo nyumbani gwaye nya gukatege; mbeli gwaye litigo latshavbo li na degule.

Zakariya 2:13

Vathu vatshavbo va na degule mbeli ga Pfhumu Nungungulu, kholu uye khugide a dzi wonegisa khu Wulangani gwaye nya Guage.

Matewu 27:34

va di mu ninga wadwa nya gupatwe ni nyongwe gasi gu a sele; aholu, na wu lingide, a di wu bomba.

Dhewuteronome 29:18

Ni wevbini a na pwago magana nya givalo gegi a nga dzi khusedzi khu monyoni gwaye, khuye: Nyi na mana gurula, ambari nya gu gimbila khu ndzila nya guwegele yi godwago khu monyo wangu; kholu, talo nya mati wu na tshima lidora.

Dhewuteronome 32:32

Kholu lithembwe lawe nya miuvha la gu dugela tigoni ga Sodhoma, ni mahangeni ga Ghomora; dziuvha dzawe khya wuhungu, sitsatsa sakone khya guvava;