Jeremiya 7:34 - Bhibhiliya Nya Guage

³⁴ Nyi na degudza madhoropani ya Judha ni dzindzilani dza Jerusalema, malito nya gutsake ni malito nya mihagano, malito ya mudzegi ni uye a dzegwago; kholu litigo li na bani liri giwula.

Jeremiya 7:34 Iomraidhean Croise

Joba 3:7

Wutshigu wowo wu na khale gyumba, gusi pwali mikulungwane nya gutsake ga wutshigu wowo.

Dzindzimo 78:63

Madzaha ma di dagarela khu nilo, vanyamahegyane va hamuga vama nya gudzegwe khavo.

Isaya 1:7

Litigo lanu li khade marumbi, madhoropa yanu, ma rothidwe khu nilo; va nya mayigo va mi dzegede litigo lanu na mu gu va wona; litigo li khade marumbi gukhwatshi li di phangwa khu va nya mayigo.

Isaya 3:26

Dzinyangwani nya lidhoropa lago, gu na pwala dzihuwa; u na tshala nyambana gilo, Siyoni a khala vbavbatshi huye hokohoko.

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Jeremiya 16:9

Kholu, Pfhumu Nungungulu nya Tshivba Yatshavbo, Nungungulu wa na Israyeli, a ngu ganela kharati, khuye: Wona nya gukhuwe ga matshigu yanu, nyi na fuvisa mbeli gwanu wulanga wowu, malito nya gutsake ni malito nya gunengele, malito ya mudzegi ni ya oyu a dzegwago.

Jeremiya 22:6

Kholu Pfhumu Nungungulu a ngu ganela kharati, mayelano khu ndranga ya mufumeli wa Judha, khuye: “Uwe avbo gwangu wa gu fanana ni gigomo gya Gileyadhi, u nyi tsakisa gu fanana ni gigomo gya Libhanoni; aholu nyi ngu sambanya gukheni nyi na gu vbindrugedza u khala giwula, lidhoropa nyamba khadwa khu muthu.”

Jeremiya 25:10

Nyi na degudza mikulungwane yawe nya litsako ni gunengela, ni malito ya vadzegani kha ma na pwala, ni ligwaha nya gitshindro ni safa nya kandriya.

Jeremiya 27:17

“Mu nga va yingisi, thumelani mufumeli wa Bhabhiloni mu na vbanya; khu ginani mu vbwetago gukhenu lidhoropa leli li khala marumbi?”

Jeremiya 33:10

Pfhumu Nungungulu a ngu ganela kharati, khuye: Wulanga wowu mu wu ranago khenu giwula nyamba khadwa khu muthu ambari sirengo, khu guralo, madhoropani ya Judha ni dzindzilani ga Jerusalema, gu ghohetedwego nyamba manega muthu ambari gu khadwa khu vathu ni sirengo, gu nga na gu pwala gambe

Jeremiya 33:11

malito nya gutsake ni gunengela, malito ya mudzegi ni ya oyu a dzegwago, malito ya vale va resago miningelo nya gubonge, na va gukhavo: Rungudzani Pfhumu Nungungulu, nya Tshivba Yatshavbo, kholu uye khwadi, wuhindzi waye wu ngu simama kala gupindruga; ni malito ya avo va resago rungudzo Nyumbani ga Pfhumu Nungungulu; kholu, nyi na va wuyisa khu wugumbitunu va wuya tigoni vata khala kha nga guhegulani, a ngu ganela Pfhumu Nungungulu.

Jeremiya 4:26

Nyi di wona litigo nya gunone li vbindrugedza li khala giwula, madhoropa yaye yatshavbo ma di pfhungumudwe mbeli ga Pfhumu Nungungulu, khu kotani nya likhulo laye.

Jeremiya 4:27

Kholu Pfhumu Nungungulu a ngu ganela kharati, khuye: Litigo latshavbo li na pfhungumudwa li khala giwula; aholu kha nyi na li mbembisela muphelo.

Jeremiya 44:6

Kotani nya isoso, nyi di guhula likhulo ni khorodza yangu si ta vbisa madhoropa ya Judha gumogo ni dzindzila dza Jerusalema; muhuno ma khade marumbi ni giwula nyambana muthu kha nga mu si wonago.”

Gililo 5:14

Madhota kha ma khali gambe dzinyangwani; ni madzaha kha ma embeleli gambe dzindzimo.

Ezekiyeli 26:13

Nyi na fuvisa dzindzimo dzago nya litsako, ni gudzuma nya sitendre gima kha gu na pwala gambe.

Ezekiyeli 7:11

Dzihanyi dzi vbindrugedzide dzi khala lipitso nya gutsayise khilo silo nya guvivbe; mwalo ni moyo nya vathu a na digwago, ambari ni moyo nya gidzemo gile, ambari thomba yaye, mwalo muthu a na gu yi khathalelago.

Hoseya 2:11

Khu guralo, khu gikhati nya guvbwere, nyi na mu dzegela tirigu yangu, ni vhinya yangu khu gikhati nyi gi emisedego, Nyi na mu wandrela myendra nya gufurumele neyi nya seda, a nga bani na gufenengedza khiso wumbwiri waye.

Hoseya 2:13

Nyi na fuvisa gutsaka gwaye gwatshavbo, ni mibuzo yaye, nya Gumege nya Ngima, nya dzisabhadho, ni yatshavbo mibuzo yaye.

Levhi 26:33

Nyi na mi phalalegisa vbakari nya va nya mayigo, nyi mi fuvisa khu matshari; litigo lanu li na khala giwula, ni madhoropa yanu ma na khala marumbi.

Mikeya 7:13

Aholu, litigo leli li na khala giwula, khu kotani nya wuvivbi wu giridwego khu vathu va vbanyago umo ni kotani nya mihandro yawe va giridego.

Gutuledwa 18:23

Wenengedzo nya kandriya gima kha wu na wenengedza gambe ndrani gwago, kha li na pwala gambe dzinyumbani gwago lito la mwama ni ngadzi, khaguva vasundzi vago va diri vafumeli nya mayigo, kholu mafu yatshavbo ma pengisidwe khu wuloyi wago.”