Jeremiya 7:3 - Bhibhiliya Nya Guage

³ Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Lulamisani dzindzila dzanu, mu diga mavbanyelo yanu nyambasi yadi, gasi nyi kodze gu mi vega mu vbanye wulanga wowu.

Jeremiya 7:3 Iomraidhean Croise

2 Dzipfhumu 17:13

Pfhumu Nungungulu a di embede va na Israyeli ni va na Judha, khu vaprofeti vaye vatshavbo ni vatuguli nya misihalo vaye vatshavbo, khuye: “Vbindrugedzani dzindzilani gwanu nya guvivbe, mu landrisa sileletelo sangu ni milayo yangu, kha nga idzo wu rumago khidzo Nayo nyi ningidego vababe vanu, owu nyi mu rumedego khu ga sithumi sangu, a gu vaprofeti.”

Ezira 10:11

Khu guralo, olu, dzi layeni mu dawulela ga Pfhumu Nungungulu wa vababe vanu, mu gira gugola gwaye mu dzi hambanisani ni vathu va mambe mayigo, ni ga vanyamayi va mambe mayigo mu dzeganidego navo.”

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Jeremiya 17:25

Khu guralo, va na simama va bela khu dzinyangwa nya lidhoropa leli la Jerusalema, vafumeli ni manganagana, na va khilede dzikareta ni dzikavalu, gasi guya khala vbagikhalotunu nya wufumu wa Dhavhidhe. Va bela ni manganagana yawe, vathu va Judha gumogo ni vavbanyi va Jerusalema; lidhoropa leli li na bani liri ni vathu kala gupindruga.

Jeremiya 18:11

Gasi olu, embela vathu va na Judha ni vavbanyi va Jerusalema, khuwe: Pfhumu Nungungulu a ngu ganela kharati, khuye: “Wonani nya gukhenu nyi ngu mi dongisela dzimhango ni gikungo nya gu mi wugele; dzi woneleni olu vbindrugedzani mavbanyelo yanu nya guvivbe, muthu ni muthu a ndreya ndzilani gwaye mu lulamisa dzindzila dzanu ni sigiro sanu.”

Jeremiya 18:8

vathu nya litigo lolo va gu dzi laya, va vbindrugedza mavbanyelo, va diga sighoho va girago, eni neni, nyi na dzi laya, nyi si va rumeli tsayiso nyi wu dongisedego gu va rumela.

Jeremiya 26:13

Gasi olu, vbindrugedzani mavbanyelo yanu ni sigiro sanu mu yingisani lito la Pfhumu Nungungulu wanu; khavbo uye a na gu bweledzago tsayiso a wu ganedego khu kotani yanu.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 35:16

Situgulwana sa Jonadhabhi, mwamana wa Rekabhi, sa gu landrisa sileletelo va ningidwego khu kokwe wawe, aholu vathu vava kha va nyi yingisi.”

Jeremiya 4:1

Pfhumu Nungungulu a ngu ganela, khuye: Wa gu vbindrugedza mavbanyelo uwe Israyeli, u na wuya avbo gwangu. Wa gu ndreyisa mbeli gwangu manyala yago, khu na legalega gambe,

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.