Jeremiya 7:26 - Bhibhiliya Nya Guage

²⁶ Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Jeremiya 7:26 Iomraidhean Croise

1 Dzipfhumu 14:22

Va na Judha va di gira ugo gu vivbidego mahoni ga Pfhumu Nungungulu; va di mu gorosa ngudzu guvbindra iso si nga girwago khu vavelegi wawe, khu gu ghoha va ghohidego.

1 Dzipfhumu 14:9

aholu, uwe u di nyi girela guvivba guvbindra vatshavbo va gu hegudzidego guta mafuni momu, kholu u di dzi girela vambe vanungungulu ni sifananiso nya gunyiviligiswe, u nyi pfhurarela gasi u wusa likhulo langu.

2 Dzipfhumu 17:14

Aholu avo kha va tula dzindzeve dzawe va yingisa; va bangisa dzithamo dzawe, kha nga vababe vawe, va ngamba khodwa ga Pfhumu Nungungulu wawe.

2 Dzipfhumu 17:15

Va di bomba sileletelo saye ni gidzumeledzwano gyaye a giridego ni vababe vawe, ni gululeka a va lulekidego khugo, va landrisela mithumo ya manyala, va khala sipumbu, va landrisela mavbanyelo ya mayigo ya vaakelane vawe, esi Pfhumu Nungungulu a va layidego gumba gira kha nga avo.

2 Dzikoronika 30:8

Mu nga bangisini myonyo yanu, kha nga idzo va giridego vababe vanu; pharani mandza ya Pfhumu Nungungulu, mu belani Nyumbani gwaye nya Guage, a yi agisedego kala gupindruga, mu thumela Pfhumu Nungungulu wanu, gasi a ndreyise vbakari gwanu guvila nya likhulo laye.

2 Dzikoronika 33:10

Pfhumu Nungungulu a di ganela ni Manasi gumogo ni vathu vaye, aholu avo gima kha va nga mu yingisa.

2 Dzikoronika 33:23

Uye gima kha nga dzi nogisa mbeli ga Pfhumu Nungungulu, kha nga idzo a nga girago babe waye Manasi, a nga dzi nogisago; aholu Amoni, a di andrisa sighoho saye.

Nehemiya 9:29

U va dundrugiside va bwelela nayoni gwago, aholu avo khu kotani nya gu dzi dandrise gwawe, kha va yingisa milayo yago, va di hambana ni sileletelo sago, si vbanyisago muthu wule a si landrisago; aholu va di gu pfhurarela va sega dzindzeve dzawe va si gu yingisi.

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Isaya 48:4

Kholu nyi di gu dziti gukheni u muganedzi, ni gukheni misivba ya thamoni gwago khya gikete, ni giwombo gyago gi bangide nga sugu.

Isaya 5:4

Hwane nya gu bani nyi giride satshavbo sesi, ginani gambe nyi nga yela gu gira ga lithembwe langu, nyi ngamba gi gira? Eni nyi di gu lirela gu hakha dziuvha nya dzadi, khu ginani olu ilo li nga velega idzo nya guvave, na?

Jeremiya 11:8

Aholu avo kha va nga yingisa, ambari gu neredza ndzeve; muthu ni muthu a di gimbila khu ndzila nya gugodwe khu monyo waye nya guvivbe; khu guralo, nyi nga va girelago sitsayiso satshavbo si lovidwego umo nya gidzumeledzwano nyi va rumedego gu si landrisa; aholu avo kha va si landrisa.

Jeremiya 16:12

Khu guralo, mu dzi nyenyeziside guvbindra vababe vanu, wonani nya gukhenu muthu ni muthu a gu landrisa iso si godwago khu monyo waye nya guvivbe a si dzumeli gu nyi yingisa.

Jeremiya 17:23

Aholu avo kha va nyi yingisa, va di bangisa mihungo, va si landrisi ni gu hakha gulaya gwangu.

Jeremiya 19:15

“Pfhumu Nungungulu nya Tshivba Yatshavbo, Nungungulu wa na Israyeli, a ngu ganela kharati, khuye: Wonani nya gukhenu nyi na resa libango dhoropani momu; ni sidhoropanani gwatshavbo ga Jerusalema ni mambe ya vbafuvbyana nyi mi tivisidego, kholu vathu va tigoni momu va bangiside mihungo yawe va si dzumeli gu yingisa magana yangu.”

Jeremiya 22:21

Nyi ganede nago na si nga gu gu gimbilela gwadi, aholu u di ganela, khuwe: “Kha nyi na nga yingisa.” Gukhugela wudzhahani gwago, mapimo yago ma di khala kharati; gima kha wa nga yingisa lito langu.

Jeremiya 25:3

Gukhugela khu mwaga nya likhumi na wuraru nya gufume ga Josiya, mwamana wa Amoni, mufumeli wa Judha, kala muhuno a gu magumavili na miraru myaga, Pfhumu Nungungulu a gu nyi rumela magana, eni nyi pinyama gu mi tivisa gikhati gi nga gu dzumela, aholu enu kha mwa nyi yingisa.

Jeremiya 25:7

“Enu kha mwa nyi yingisani, a ngu ganela Pfhumu Nungungulu, aholu mu di nyi wusela likhulo khu mithumo ya mandza yanu, gasi mu dzi wuselani libango.”

Jeremiya 26:5

mwa gumba yingisa gambe magana ya sithumi sangu, vaprofeti, a gu avo nyi mi rumelago gikhati gyatshavbo, gambe kala ni olu mu si va yingisago,

Jeremiya 29:19

Pfhumu Nungungulu a ngu ganela, khuye: Nyi di va rumela sithumi sangu vaprofeti gikhati gyatshavbo, aholu, avo kha va yingisa magana yangu.

Jeremiya 3:13

Gu vbwetega basi gu dzumela gighoho gyago, kholu khwa tumbega gilo ga Pfhumu Nungungulu wago, u di khozela vanungungulu va nya mayigo vbavbatshi nya misimbo nya gunyuge, gambe khwa yingisa gilo lito langu; a ngu ganela Pfhumu Nungungulu.

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Jeremiya 34:14

Hwane nya livbandre na mivili myaga, muthu ni muthu a ngu yela gu tshula ndriyaye nya Muhebheru nga rengisedwago, na gu thumede livbandre na moyo myaga, u ngu yela gu mu tshula. Aholu, vababe vanu kha va nyi yingisa, ambari gu khathala.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 35:17

Khu guralo, Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “Nyi na resa ga va na Judha ni ga vatshavbo vavbanyi va Jerusalema libango nyi va tivisidego; kholu nyi va embede, aholu kha va nyi yingisa; nyi va ranide, kha va nyi hakha.”

Jeremiya 44:16

“Magana u hi embelago nya gukhuwe ma guta khu ga Pfhumu Nungungulu, ethu gima kha hi na gu yingisa!

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Jeremiya 6:10

Nyi na ganela ni gu fakaza ga mani gasi va kodza gu nyi yingisa? Wona nya gukhuwe dzindzeve dzawe dzi tshimegide, kha va yingisi; mahungu ya Pfhumu Nungungulu givalo avbo gwawe; kha va khathali khayo.

Jeremiya 6:17

Nyi vegide gambe vawoneleli vbakari gwanu, nyi va embela, kheni: “Yingisani gudzuma nya pundru!” Aholu avo va di nyi hakha, khavo: Kha hi dzumeli gu gu yingisa.

Jeremiya 7:24

Kholu kha va yingisa, ambari gu neredza dzindzeve, aholu va di gimbila khu dzindzila nya gutidwe khu myonyo yawe nya guvivbe; va bwelelela hwane wulanga nya guye mbeli.

Jeremiya 9:13

Pfhumu Nungungulu a di phindrula, khuye: Kholu va hambanidego ni nayo nyi va ningidego, va si yingisi lito langu ni gu wu landrisa.

Ezekiyeli 12:2

“Mwamana wa muthu, uwe wa gu vbanya vbakari nya vathu nya gukanyise, avo va na ni maho gasi gu wona, aholu kha va woni; ni dzindzeve gasi gupwa, aholu kha vapwi, khu guralo, vathu nya gukanyise.

Ezekiyeli 12:3

Gasi, olu, uwe mwamana wa muthu, dongisela rwalo wago u hongola guvbagedwatunu, u ya wonana ni vatshavbo gipimo nya litshigu rumba, u hambana navo, u hongola wumbe wulanga. A gu dzina saye va na si wona, ambari a gu vathu nya gukanyise.

Ezekiyeli 20:30

Khu guralo, ganela u embela va na Israyeli, khuwe: Mune, Pfhumu Nungungulu a ngu ganela kharati, khuye: Ina enu khandri mwa gu dzi nyenyezisa gu fanana ni edzi va dzi nyenyezisidego khidzo vababe vanu, gani? Khandri mwa gu namarela ga sifananiso sawe nya gunyenyeze, gani?

Dhaniyeli 9:6

Kha ha yingisa malito ya vaprofeti, sithumi sago, va ganedego khu lina lago ga vafumeli vathu, ga vathangeli vathu, ga vababe vathu, kha nga gambe ga vathu vatshavbo va tigoni.

Hoseya 11:7

Kholu vathu vangu va thendregedzide va nyi pfhurarela; ambari va gu ranwa khuye a Khusegidego Ngudzu, mwalo ni moyo a dzumelago gu mu ninga githawo.

Zakariya 7:11

Aholu, avo kha va dzina gu nyi yingisa, va di hatha gu nyi pfhurarela, va nyi wugela, va tshika dzindzeve dzawe gasi va sipwi magana yangu.

Malakiya 3:7

Gukhugela matshiguni ya vakokwe vanu, mu hambanide ni sileletelo sangu mu si si landrisi; olu wuyani gwangu, eni nyi na wuya gwanu, a ngu ganela Pfhumu Nungungulu nya Tshivba Yatshavbo; aholu enu mu nga gukhenu: “Hi na wuya mawuyelo muni?”

Matewu 21:38

Aholu valimi, na va wone mwamana waye, va di embeledzelana, khavo: ‘Khuye oyu a na gu tshalago ni thomba. Hongoleni hi mu songe, gasi hi na tshala nayo ethu.’

Matewu 23:32

Tadziselani mwabune gipimo gya vababe vanu!

Mithumo 7:51

Vathu va nya gu banga mihungo, nya myonyo nyamba khodwa ni dzindzeve nyamba pwa. Mu ngu bomba Liphuvbo nya Guage gikhati gyatshavbo, nga edzi va nga bani va gu gira vababe vanu.

Varoma 2:5

Aholu uwe u na ni monyo nya guvivbe, khu dzini gu dzi laya. Wa gu engedzela gitsayiso a nga gu ningago khu litshigu nya likhulo avbo Nungungulu a nga resago gulamula gwaye nya gululame.

Dhewuteronome 8:20

U na mbemba gu fanana ni mayigo ma mbembisidwego mbeli gwanu khu Pfhumu Nungungulu; kholu kha wa vbweta gu yingisa lito la Pfhumu Nungungulu wanu.