Jeremiya 7:25 - Bhibhiliya Nya Guage

²⁵ Gukhugela litshigu va nga dugago khilo vababe vanu khu tigoni ga Egipito, kala muhuno, khu litshigu ni litshigu nyi mi rumede sithumi sangu nya vaprofeti.

Jeremiya 7:25 Iomraidhean Croise

2 Dzikoronika 24:19

Aholu Pfhumu Nungungulu a di va rumela vaprofeti gasi guta va wuyisa gwaye nyaluphye; vaprofeti vava, va ningide wufakazi, aholu avo kha va va yingisa.

2 Dzikoronika 36:15

Pfhumu Nungungulu wa vababe vawe, a di va rumela magana yaya khu ga sirumwa saye, gasi gu va dundrugisa; kholu a di gu pwela gisiro vathu vaye gumogo ni Nyumba yaye.

Ezira 9:7

Gukhugela matshiguni ya vababe vathu, kala litshigu la muhuno, hi rwade nandru nya wukhongolo, khu kotani nya sighoho sathu, ethu ni vafumeli vathu ni vaphasi vathu, hi ningedwe mandzani ga vafumeli nya va nya mayigo, hi sasedwa khu matshari, hi yiswa wugumbini, hi phangwa, ni gu thedwa dzitshoni dzi nga gu hi fenengedzago dzikhovbeni kha nga hi si wonago muhuno.

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Isaya 5:4

Hwane nya gu bani nyi giride satshavbo sesi, ginani gambe nyi nga yela gu gira ga lithembwe langu, nyi ngamba gi gira? Eni nyi di gu lirela gu hakha dziuvha nya dzadi, khu ginani olu ilo li nga velega idzo nya guvave, na?

Jeremiya 11:7

Kholu gukhugela litshigu nyi mi dusidego khu tigoni ga Egipito, kala muhuno, nyi phede khu gu embela vababe vanu, nyi simamide gu va embela kharati, kheni: Yingisani lito langu!

Jeremiya 25:3

Gukhugela khu mwaga nya likhumi na wuraru nya gufume ga Josiya, mwamana wa Amoni, mufumeli wa Judha, kala muhuno a gu magumavili na miraru myaga, Pfhumu Nungungulu a gu nyi rumela magana, eni nyi pinyama gu mi tivisa gikhati gi nga gu dzumela, aholu enu kha mwa nyi yingisa.

Jeremiya 25:4

Dzinyondro nya dzingi Pfhumu Nungungulu a mi rumedeni sithumi saye nya vaprofeti, aholu enu kha mwa va yingisani ambari gu neredza ndzeve gasi gu vapwa,

Jeremiya 29:19

Pfhumu Nungungulu a ngu ganela, khuye: Nyi di va rumela sithumi sangu vaprofeti gikhati gyatshavbo, aholu, avo kha va yingisa magana yangu.

Jeremiya 35:14

Magana ya Jonadhabhi, mwamana wa Rekabhi, a nga leletela sanana saye gu si si seli vbinyu, ma ngu landriswa, kholu kha va seli kala na muhuno. Avo vari khavo gu ngu yela gu yingisa milayo ya nyehe wawe, aholu eni nyi gu bwelebwele gu mi embelani, enu kha mu nyi yingisi.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 44:4

Gukhugela guhegulani nyi mi rumedeni vaprofeti, a gu sithumi sangu guta mi kawuka gukheni, mu nga giri silo nya gunyenyeze kholu Eni kha nyi si goli.

Jeremiya 7:13

Kha nga olu mu giridego silo satshavbo sesi, a ngu ganela Pfhumu Nungungulu, khuye: Dzinyondro nya dzingi na nyi gu mi kawukani, mu tshikani dzindzeve mu si nyi yingisi, nyi mi ranide mu si nyi hakhi,

Ezekiyeli 2:3

Uye a di nyi embela, khuye: “Mwamana wa muthu, nyi ngu gu rumela ga va na Israyeli, vathu nya guyeyise, va nyi wugedego; avo gumogo ni vababe vawe, kala na muhuno va nga gu nyi wugela.

Hoseya 11:7

Kholu vathu vangu va thendregedzide va nyi pfhurarela; ambari va gu ranwa khuye a Khusegidego Ngudzu, mwalo ni moyo a dzumelago gu mu ninga githawo.

Hoseya 12:10

Kheni kamwe nyi ganedego ni vaprofeti, nyi va ninga siwoniso nya singi, khu maganani gwawe, nyi di ganela khu sipimaniso.

Amosi 2:11

Nyi hathide gambe vambe vbakari nya sanana sanu, gasi va khala vaprofeti, ni vambe nya madzaha yanu, gasi va khala vanaziri. Ina isoso khandri lisine gwanu enu va na Israyeli, gani?

Malakiya 3:7

Gukhugela matshiguni ya vakokwe vanu, mu hambanide ni sileletelo sangu mu si si landrisi; olu wuyani gwangu, eni nyi na wuya gwanu, a ngu ganela Pfhumu Nungungulu nya Tshivba Yatshavbo; aholu enu mu nga gukhenu: “Hi na wuya mawuyelo muni?”

Luka 11:49

Khidzo kharati Guti ga Nungungulu gu nga khugo: ‘Nyi na va rumela vaprofeti ni vapostoli. Vambe va na va songa, vambe va na va sanisa.’

Dhewuteronome 9:7

Alakanyani, gambe mu nga divalini gukhenu mu goroside Pfhumu Nungungulu wanu, giwulani; gukhugela litshigu mu dugidego khu tigoni ga Egipito kala mu vboha ga wulanga wowu, mu di wugela Pfhumu Nungungulu;