Jeremiya 7:23 - Bhibhiliya Nya Guage

²³ Aholu, nyi di va laya, kheni: Dembani ndzeve mu yingisa lito langu, eni nyi na khala Nungungulu wanu, enu mu khala vathu vangu; gimbilani khu ndzila nyi na gu mi nonedzago, gasi si mu dugela gwadi.

Jeremiya 7:23 Iomraidhean Croise

Joba 36:11

Va gu mu yingisa ni gu mu thumela, va na vbanya na va khadzisegide kala mahegiso nya guvbanye gwawe.

Dzindzimo 119:3

Avo va thavago gu gira esi nya guvivbe, aholu va gimbilago ndzilani gwaye.

Dzindzimo 40:6

Uwe khwa vbweta miphaso ni miningelo, aholu u nyi tude dzindzeve; khwa lomba miphaso nya sirengo nya guvbiswe, gasi gu handza sighoho sathu.

Dzindzimo 81:13

Nari pwani vathu vangu va ngu nyipwa, ni Israyeli a ngu landrisa dzindzila dzangu,

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Ekisodha 16:32

Mosi a di khuye: “Pfhumu Nungungulu rumide gukhuye: Sayisani ghomeri nya gutale khu manaha ndrangani gwanu, gasi situgulwana sanu si ta wona guhodza nyi mi wundzidego khugo giwulani gikhati nyi mi dusidego khigyo khu tigoni ga Egipito.”

Isaya 3:10

Embelani va nya gululama khenu satshavbo si na va dugela gwadi, kholu, va na hodza handro nya sigiro sawe.

Jeremiya 11:4

nyi ningidego vababe vanu gikhati nyi va dusidego khu tigoni ga Egipito, gidhingiseloni nya dzisimbi, nyi nga va embela, kheni: Yingisani lito langu ni gu gira satshavbo nyi mi rumago; khu guralo, enu mu na bani muri vathu vangu, eni neni nyi na khala nyiri Nungungulu wanu;

Jeremiya 11:7

Kholu gukhugela litshigu nyi mi dusidego khu tigoni ga Egipito, kala muhuno, nyi phede khu gu embela vababe vanu, nyi simamide gu va embela kharati, kheni: Yingisani lito langu!

Jeremiya 13:11

Kholu, kha nga libhandri li hungwago giwununi nya muthu, khidzo kharato eni nyi dzi hungide ni nyumba yatshavbo ya Israyeli ni nyumba yatshavbo ya Judha, a ngu ganela Pfhumu Nungungulu, gasi va khala vathu vangu, lina, wuzundzo ni wudhumo wangu; aholu avo kha va nyi yingisa.

Jeremiya 22:21

Nyi ganede nago na si nga gu gu gimbilela gwadi, aholu u di ganela, khuwe: “Kha nyi na nga yingisa.” Gukhugela wudzhahani gwago, mapimo yago ma di khala kharati; gima kha wa nga yingisa lito langu.

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Jeremiya 24:7

Nyi na va ninga monyo nya gu nyiti gukhavo eni kheni Pfhumu Nungungulu; avo va na khala vathu vangu, eni nyi na khala Nungungulu wawe; kholu va na wuya avbo gwangu khu monyo wawe watshavbo.

Jeremiya 31:33

Kholu egi khigyo gidzumeledzwano nyi na gu girago ni ndranga ya Israyeli hwane nya matshigu yale, nyi na lova nayo wangu myonyoni gwawe nyi wu vega mapimoni gwawe; Eni nyi na khala Nungungulu wawe, avo va na khala vathu vangu; a ngu ganela Pfhumu Nungungulu.

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Jeremiya 38:20

Jeremiya a di hakha, khuye: Khu na ningedwa mandzani ga vathu vovo; yingisa magana ya Pfhumu Nungungulu nyi gu embedego; gimwalo gi na gu gu dugelelago ni gu gambe, u na vbanyisa womi wago.

Jeremiya 42:6

Ambari nari yadi mwendro nyamba yadi, hi na ma yingisa magana ya Pfhumu Nungungulu wathu hi gu rumelago avbo gwaye, gasi hi mana makategwa khu gu yingisa magana ya Pfhumu Nungungulu wathu.”

Sofoniya 3:2

Kha li yingisi lito, ambari gu yingisa gululekwa. Kha li vegi gitumbo ga Pfhumu Nungungulu, ambari gu hidzimela ga Nungungulu waye.

Zakariya 6:15

Ni avo va guromo hwindzo va nata va ta vbahedza Nyumba ya Pfhumu Nungungulu, khavbo mu na dzitigo gukhenu eni nyi rumedwe gwanu khu Pfhumu Nungungulu nya Tshivba Yatshavbo, isoso si na girega khu lisine mwa gu landrisa khu gutumbega lito la Pfhumu Nungungulu wanu.”

Zakariya 7:7

Kha mwa ma pwani magana ya Pfhumu Nungungulu a nga ma tivisago khu magana ya vaprofeti va gale, matshiguni yale Jerusalema gu nga bani gu vbanya vathu khu gurula gumogo ni madhoropa yaye ma mu randredego, gikhati sipandre nya mayigo ya Negebhi ni Sefela ma nga bani ma tade khu vathu, gani?”

Varoma 16:26

olu wu wonegisidwe khu Milowo ya vaprofeti khu guruma ga Nungungulu nya gupindruge. Mayigo yatshavbo ma tuledwe gu wuti sihalo wowu gasi ma hakhe gukhodwa.

2 Vakorinto 10:5

hi na khungumule matshandza yatshavbo ma wugelago guti gwa Nungungulu, hi wuyisela mapimo yatshavbo nya wuthu, ma ta yingisa Kristo.

Dhewuteronome 11:27

Mu na katega, mwa gu landrisani milayo ya Pfhumu Nungungulu wanu, nyi mi leletelago muhuno;

Dhewuteronome 13:4

Enu mu na landrela Pfhumu Nungungulu wanu, mu na mu ninga githawo; mu na vegedza milayo yaye, mu yingisa lito laye, mu hidzimela avbo gwaye.

Dhewuteronome 13:5

Muprofeti yoyo mwendro mutshamuseli yoyo nya miloro fanede gu songwa, kholu huwelede khu guwugela Pfhumu Nungungulu wanu, a mi dusidego khu tigoni ga Egipito a mi dzegisa nyumbani nya wugumbi, gasi gu mi hambanisa ni ndzila Pfhumu Nungungulu wanu, a mi ningidego gasi mu gimbila khiyo. Kharati u na vbedza wuvivbi vbakari gwago.

Dhewuteronome 30:2

wa gu vbindrugedza u wuya ga Pfhumu Nungungulu wago uwe gumogo ni sanana sago, khu monyo wago watshavbo ni hefemulo wago watshavbo, u yingisa lito laye mayelano khu satshavbo esi muhuno nyi gu leletelago;

Dhewuteronome 30:20

U na gola Pfhumu Nungungulu wago, U mu yingisa ni gu namarela avbo gwaye; kholu Uye khuye guvbanya gwago ni gulapha nya matshigu yago, gasi u fela guvbanya ga litigo eli Pfhumu Nungungulu a sambanyidego ga vababe vago, Abrahama, Isaki ni Jakobe.

Dhewuteronome 30:8

U na vbindrugedza mavbanyelo u yingisa lito la Pfhumu Nungungulu; u landrisa milayo yaye yatshavbo, eyi nyi gu leletelago muhuno.

Dhewuteronome 4:10

U nga divaledwi khu litshigu u nga bani uri mbeli ga Pfhumu Nungungulu wago, gigomoni ga Horebhi, gikhati Pfhumu Nungungulu a nyi embedego, khuye: Tombanisa vathu vatshavbo, gasi va tapwa magana yangu, gasi va hevbule gu nyi ninga githawo matshigu yatshavbo va na vbanyago mafuni, ni gu ma hevbudza ga sanana sawe.

Dhewuteronome 4:40

Khu guralo, vegedza milayo yaye ni sileletelo saye nyi gu leletelago muhuno, gasi si kodza gu gu dugela gwadi uwe gumogo ni sanana sago hwane gwago, ni gasi u engedzedwa matshigu yago tigoni mule Pfhumu Nungungulu wago, a na gu ningago kala gupindruga.”

Dhewuteronome 5:16

Rungudza babe ni mayi wago, kha nga idzo a gu rumidego khidzo Pfhumu Nungungulu wago, gasi matshigu yago ma engedzedwa u kodze guya khala gwadi ga litigo u ningwago khu Pfhumu Nungungulu wago.

Dhewuteronome 5:29

A diri gwadi ngudzu naripwani va gu mana monyo yoyu, nya gu va nyi ninga githawo ni gu sayisa gikhati gyatshavbo milayo yangu yatshavbo, gasi va katega avo ni sanana sawe kala gupindruga.

Dhewuteronome 5:33

Mu na gimbilani khu ndzila yatshavbo mu rumwago khu Pfhumu Nungungulu wanu, gasi mu kodza guvbanya ni sigiro sanu satshvbo si mi dugela gwadi. Mwa gu gira isoso, mu na katega mu vbanya matshigu nya gutale ga litigo mu na guya li fumelago.

Dhewuteronome 6:3

Yingisa, olu, uwe Israyeli, dzi vegisele gu si landrisa, gasi sigiro sago si gu dugele gwadi, u velegelana ngudzu tigoni gu gogago mahwe ni wulombe, kha nga a gu embedego Pfhumu Nungungulu wa vababe vago.

Vahebheru 5:9

Na tadzisegide thumoni gwaye, a di khala gibuga nya guvbanye nya gupindruge ga vale va mu yingelago.

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.