Jeremiya 7:18 - Bhibhiliya Nya Guage

¹⁸ Sanana sa gu funya dzikhuni, vavelegi va vasa nilo, vanyamayi va suga wuguvbi gasi gu gira sibaba nya gulumbe nungungulu nya nyamayi a ranwago pwani Pfhumugadzi ya Ndzadzini. Gu diga nya isoso, va guya ningela miningelo nya wadwa ga vambe vanungungulu, va fela gu nyi gorosa va nyi wusela likhulo.

Jeremiya 7:18 Iomraidhean Croise

1 Dzipfhumu 14:9

aholu, uwe u di nyi girela guvivba guvbindra vatshavbo va gu hegudzidego guta mafuni momu, kholu u di dzi girela vambe vanungungulu ni sifananiso nya gunyiviligiswe, u nyi pfhurarela gasi u wusa likhulo langu.

1 Dzipfhumu 16:2

“Nyi gu duside khumo nya kudzudzwane nyi gu emisa gu khala muthangeli wa vathu vangu va na Israyeli, aholu, uwe u di gimbila khu ndzila ya Jerobhowamo, u ghohisa vathu vangu, va na Israyeli, gu kala nyi gorogiswa khu sighoho sawe.

Dzindzimo 16:4

Avo va khozelago vanungungulu nya malipha, va gu dzi tadzela vanungungulu, va engedzela gutshaniseka gwawe. Eni gima kha nyi na hengela navo wughevenga wawe, likana langu gima kha li na rana malina yawe.

Isaya 3:8

Kholu Jerusalema gu tshunganede, Judha thegide, kholu magana ni mithumo yaye, khya gu wugela Pfhumu Nungungulu, va hembulula guwonega nya wudhumo waye.

Isaya 57:6

Kholu vanungungulu vanu vomo umo nya siwindri nya gukwirige sa sitsongwanani; khiyo thomba yago; khiso u si phaselago khu vbinyu, ni gu si girela miphaselo khu wuguvbi; ina nyi na salalegiswa khiso isoso, gani?

Isaya 65:11

Aholu enu mu si khathaligo khu Pfhumu Nungungulu, mu divala gigomo gyangu nya guage, enu mu dongiselago meza vanungungulu nya malipha va ranwago pwani Gadhi ni Meni,

Isaya 65:3

Vathu vava va nyi vbisisago monyo gikhati gyatshavbo, khu gu gira miphaselo marembweni ni gu vbisa libani vbatshani nya giluvelo nya sitini;

Jeremiya 1:16

Khu guralo, nyi na va lamula gukhedza khu guvivba gwatshavbo va giridego. Kholu, va hambanide ni eni, va vbisela libani vambe vanungungulu, ni gu khozela vanungungulu va nga girago khu mandza yawe.

Jeremiya 11:17

Kholu Pfhumu Nungungulu nya Tshivba Yatshavbo, Uye a gu yadego a tiviside gu gu resela mhango khu kotani nya sighoho si giridwego khu ndranga ya Israyeli ni ya Judha, kholu mu nyi wusede likhulo khu gu vbisela libani Bhahali.

Jeremiya 17:2

Sanana sawe sa gu alakanya siluvelo sawe, ni umo nya sifananiso sa Asera, ni vbavbatshi nya misimbo nya gunyuge ni musigomoni.

Jeremiya 19:13

Dzinyumba dza Jerusalema gumogo ni dzinyumba dza vafumeli va Judha, dzi na nyenyeziswa khu sirumbi nya vathu gu fanana ni wulanga wa Tofeti; kholu va na Israyeli va litide vbatshani nya sikoli nya dzinyumba va ya vbisa libani va phasela lidambo, ngima ni dzinyeledzi, vanungungulu nya malipha.

Jeremiya 25:7

“Enu kha mwa nyi yingisani, a ngu ganela Pfhumu Nungungulu, aholu mu di nyi wusela likhulo khu mithumo ya mandza yanu, gasi mu dzi wuselani libango.”

Jeremiya 32:29

Vakalidhiya va saselago lidhoropa leli va na bela umo va li vbisa khu nilo, va na vbisa ni dzinyumba edzi va na Israyeli va nga wusa khidzo likhulo langu khu gu lita khu vbatshani nya sikoli va vbisa libani gasi gu girela dzimhamba Bhahali ni gu ninga miphaso nya wadwa vambe vanungungulu nya malipha.

Jeremiya 44:25

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Enu gumogo ni vagadzi vanu mu sambanyide khu magana yanu, mu bwelo khavbo mu gira khu mandza yanu, khenu: Khu lisine hi na tadzisa gisambanyo gyathu hi giridego, nya guvbisele libani Pfhumugadzi ya Ndzadzini ni gu ninga miningelo nya miphaso nya wadwa; ina kamwe, tadzisani ni gu tiyisa gifungo gyanu!

Jeremiya 44:4

Gukhugela guhegulani nyi mi rumedeni vaprofeti, a gu sithumi sangu guta mi kawuka gukheni, mu nga giri silo nya gunyenyeze kholu Eni kha nyi si goli.

Jeremiya 7:17

Ina khu si woni iso va gimbilago va gira madhoropani ya na Judha ni dzindzilani ga Jerusalema, gani?

Gililo 5:13

Madzaha ma gu gurumedzwa gu tshindra sivbila, sanana si dhedherekela ni dzinyandra nya dzikhuni.

Ezekiyeli 16:26

U giride wubhayi ni vaakelane vago Vagipiti, vathu nya sivbango nya gugule, u engedzela wuphuphulu wago, gasi gu wusa likhulo langu.

Ezekiyeli 20:28

Kholu avbo nyi nga va resago ga litigo nyi va tumbiside gu va ninga, gikhati va nga wona vbale gigomo nya gulaphe, mwendro simbo nya khongolo, va di ya gira avbo miphaso yawe, va di gira miningelo yi nga bani yi wusa likhulo langu, va di gu bikela libani ni miningelo yawe nya mawadwa.

Ezekiyeli 8:16

Khu guralo, uye a di nyi dzega a gu nyi bedza ndrani nya likupakupa la Nyumbani ga Pfhumu Nungungulu; vbale, vbamwanyatunu nya Nyumba ya Pfhumu Nungungulu, vbakari ni vbakari nya mwanya ni giluvelo, gu diromo gipimo nya magumavili na livbandre (25) vama, na va pfhurarede Nyumba ya Pfhumu Nungungulu, dzikhovbe dzawe va khedza Khugadambo; avo va di gu khozela lidambo.

Ezekiyeli 8:17

Khavbo avbo, uye a di nyi embela, khuye: “Mwamana wa muthu, u si wone isoso, gani? Ina silo nya nga isoso, si vbevbugide ga va na Judha gu gira silo nya manyala nya nga esi, gani? Khandri va gu nyi gorosa? Wona! Avo va gu hidzimisa litamo vbafuvbi ni dzithonvu dzawe!

1 Vakorinto 10:22

Mwendro ha gu vbweta gukhethu Pfhumu a goroga? Mwa gu alakanya gukhenu hi na ni tshivba guvbindra uye, gani?

Dhewuteronome 32:16

Va Mu giride a khala wufu khu vanungungulu nya valombo. Va Mu wusede likhulo khu silo nya gunyenyeze.

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.

Dhewuteronome 4:19

Wa gu khusa maho u khedzisa ndzadzini wa gu wona lidambo, ngima ni dzinyeledzi, ni mabutho yatshavbo ya ndzadzini u nga tshuki u dzi nyenyezisa khu gu si khidzimela u si khozela ni gu si thumela. U thumela silo esi Pfhumu Nungungulu wago a si kabanisedego vathu nya mayigo yatshavbo ma guromo vbavbatshi nya mafu gasi si khala thomba yawe.