Jeremiya 7:17 - Bhibhiliya Nya Guage

¹⁷ Ina khu si woni iso va gimbilago va gira madhoropani ya na Judha ni dzindzilani ga Jerusalema, gani?

Jeremiya 7:17 Iomraidhean Croise

Jeremiya 1:16

Khu guralo, nyi na va lamula gukhedza khu guvivba gwatshavbo va giridego. Kholu, va hambanide ni eni, va vbisela libani vambe vanungungulu, ni gu khozela vanungungulu va nga girago khu mandza yawe.

Jeremiya 32:29

Vakalidhiya va saselago lidhoropa leli va na bela umo va li vbisa khu nilo, va na vbisa ni dzinyumba edzi va na Israyeli va nga wusa khidzo likhulo langu khu gu lita khu vbatshani nya sikoli va vbisa libani gasi gu girela dzimhamba Bhahali ni gu ninga miphaso nya wadwa vambe vanungungulu nya malipha.

Jeremiya 32:32

Khu wuvivbi watshavbo wowu va wu giridego va na Israyeli ni va na Judha, va nyi wusede likhulo langu, avo gumogo ni vafumeli vawe, manganagana, vaphasi nya mhamba ni vaprofeti vawe, kha nga gambe ni vathu vatshavbo va Judha gumogo ni vavbanyi va Jerusalema.

Jeremiya 44:17

Aholu, ethu hi na gira satshavbo iso hi hungidego gu gira, si gu esi: Gu vbisela libani Pfhumugadzi ya Ndzadzini, hi ningela gwaye miphaselo nya wadwa kha nga idzo hi nga bani hi gu gira ni vababe vathu, vafumeli ni manganagana yathu, madhoropani ya Judha ni dzindzilani dza Jerusalema; khu matshigu yoyo, ethu hi di gu mana guhodza nya gungi, hi di gimbila na hi tsakide nyamba garadzwa khu gilo.

Jeremiya 44:4

Gukhugela guhegulani nyi mi rumedeni vaprofeti, a gu sithumi sangu guta mi kawuka gukheni, mu nga giri silo nya gunyenyeze kholu Eni kha nyi si goli.

Jeremiya 44:6

Kotani nya isoso, nyi di guhula likhulo ni khorodza yangu si ta vbisa madhoropa ya Judha gumogo ni dzindzila dza Jerusalema; muhuno ma khade marumbi ni giwula nyambana muthu kha nga mu si wonago.”

Jeremiya 6:27

Gasi uwe Jeremiya, nyi gu vegide u khala mulingi nya vathu vangu, gasi uti mapimo ni mavbanyelo yawe.

Jeremiya 7:16

Gasi olu, uwe Jeremiya, u nga lombeleli khu vathu vava, u nga nyi reseli gambe gililo mwendro nombelo khu kotani nya vathu vava, ne u nga dzi garadzi, kholu eni kha nyi na gu yingisa.

Jeremiya 7:18

Sanana sa gu funya dzikhuni, vavelegi va vasa nilo, vanyamayi va suga wuguvbi gasi gu gira sibaba nya gulumbe nungungulu nya nyamayi a ranwago pwani Pfhumugadzi ya Ndzadzini. Gu diga nya isoso, va guya ningela miningelo nya wadwa ga vambe vanungungulu, va fela gu nyi gorosa va nyi wusela likhulo.

Ezekiyeli 14:23

“ Mu na tangala khu gu wona dzindzila dzawe ni mithumo yawe; khu guralo, mu na khodwa gukhenu satshavbo nyi giridego mule, khandri nyi di gira mahala. A ngu ganela Pfhumu Nungungulu.”