Jeremiya 7:10 - Bhibhiliya Nya Guage

¹⁰ Khu hwane nya ugo, mu nguta emani mbeli gwangu, nyumbani momu yi ranwago khu lina langu mu ganela, khenu: Hi vbanyisidwe! Khu hwane mu nga gu simama gu girani manyala yatshavbo yaya?

Jeremiya 7:10 Iomraidhean Croise

1 Dzipfhumu 9:3

Pfhumu Nungungulu a di mu embela, khuye: “Nyi pwide nombelo ni gilombo gyago, u lombidego mbeli gwangu. Nyi agiside nyumba yeyi u nyi giredego, gasi u kodze gu vega umo lina langu kala gupindruga; maho ni monyo wangu, si na khala avbo matshigu yatshavbo kala gupindruga.

2 Dzipfhumu 21:4

A di vbaha siluvelo Nyumbani ga Pfhumu Nungungulu, umo Pfhumu a nga ganelago, khuye: “Nyi na vega Lina langu Jerusalema.”

2 Dzikoronika 33:4

Vbahide giluvelo Nyumbani ga Pfhumu Nungungulu, avbo Uye Pfhumu Nungungulu a nga bani a ganede, khuye: “Lina langu li na khala Jerusalema kala gupindruga.”

2 Dzikoronika 33:7

A di emisa gambe gifananiso gya nungungulu nya malipha a nga gi gira uye, Nyumbani ga Nungungulu, omu Nungungulu a nga bani a ganede ga Dhavhidhe ni ga mwanaye Solomoni, khuye: “Nyumbani momu, Jerusalema, nyi gu hathidego vbakari ga mahundzu yatshavbo ya na Israyeli, nyi na vega umo lina langu kala gupindruga.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Isaya 48:2

Enu mu dzi ranago khu lina nya lidhoropa nya guage, mu sambanyago khu Nungungulu wa Israyeli, lina laye a gu uye Pfhumu Nungungulu nya Tshivba Yatshavbo.

Jeremiya 32:34

Va nyenyeziside nyumba yangu nya miphaso gu khozedwago umo lina langu, khu gu vega umo sifananiso nya vanungungulu vawe nya malipha.

Jeremiya 34:15

Enu mu di vbindrugedzide mu gira iso si lulamidego mbeli gwangu, khu gu tshulani wugumbini vandriyanu, kha nga gu landrisa gidzumeledzwano mu giridego mbeli gwangu nyumbani gu khozedwago lina langu;

Jeremiya 44:9

Gasi mu di divaledwa khu sighoho si giridwego khu vababe vanu, ni guvivba gu giridwego khu vafumeli va Judha, ni guvivba ga vanyamayi nugo ga vagadzi vanu va gu giridego tigoni gwa Judha ni dzindzilani dza Jerusalema, gani?

Jeremiya 7:11

Gasi nyumbani momu, li khozedwago umo lina langu, mahoni gwanu mwa gu li wona nari liphala nya gusihale umo dzimbafa, gani? Khalani na mu gu dziti nya gukhenu eni nyi si wone isoso, a ngu ganela Pfhumu Nungungulu.

Jeremiya 7:14

nyumbani momu li khozedwago umo lina langu, umo mu vegidego umo gitumbo gyanu, wulanga nyi mi ningidego enu ni vababe vanu, nyi na wu gira kha nga idzo nyi giridego lidhoropa la Silo.

Jeremiya 7:30

Kholu va na Judha va giride iso si vivbidego mbeli gwangu. A ngu ganela Pfhumu Nungungulu; va giride manyala nyumbani gu khozedwago umo lina langu va gu nyenyezisa.

Ezekiyeli 20:39

Gasi khu enu va na Israyeli, Mune Pfhumu Nungungulu, a ngu ganela kharati, khuye: Moyo ni moyo nya enu, a na simame guya khozela sifananiso saye, kholu kha mu dzini gu nyi yingisa; aholu mu nga nyenyezisi lina langu nya guage khu miningelo ni sifananiso sanu.

Ezekiyeli 23:29

Avo va na gu tshanisa khu livengo, va gu wandrela ni satshavbo sile u si manidego khu gu thuma. Va na gu tshulela dzitshalu va gu diga nuri wumbwiri; gu na tugulega dzitshoni nya wubhayi wago, isoso si na gu dugela khu kotani nya wudogodogo ni wuphuphulu wago,

Ezekiyeli 23:37

Kholu avo va giride wubhayi, mandza yawe ma kunede khu novba; va bhayide ni sifananiso sawe; kala ni sanana sawe va nyi velegedego, va si vbiside niloni va phasela sifananiso.

Ezekiyeli 23:39

Ga litshigu la limwedo va nga bani va gu phasela sanana sawe ga sifananiso sawe, avo va di gu bela nyumbani gwangu nya miphaso va gu nyenyezisa. Khiso va giridego nyumbani gwangu.

Ezekiyeli 33:25

Khu guralo, va tivise, khuwe: Mune Pfhumu Nungungulu, a ngu ganela kharati, khuye: Kha nga olu mu hodzago nyama ni novba wakone, mu bwelo khavbo mu khozela sifananiso ni gu vbaladza novba; ina mu nga na gu khala vamune litigo leli, gani?

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Ezekiyeli 5:11

Khu guralo, Mune, Pfhumu Nungungulu, a ngu ganela kharati, khuye: Nyi ngu sambanya khu guvbanya gwangu, khu kotani nya olu u nyenyezisidego Nyumba yangu nya miphaso khu sifananiso sago satshavbo nya gunyenyeze ni mithumo nya guvivbe, eni nyi na dusa gwago gikategiso gyangu. Kha nyi na gu khedza khu maho nya wuhindzi, gambe kha nyi na gu pwela gisiro.

Dhaniyeli 9:18

Nungungulu wangu, neredza ndzeve yago u yingisa; u tula maho yago u wona gu pfhungumudwa nya lidhoropa lago, li ranwago khu lina lago. Kholu kha hi giri gilombo gegi gwago khu gu na hiri valulami, aholu khu kotani nya wuhindzi wago nya wukhongolo.

Hoseya 6:9

Vaphasi nya mhamba va gu fanana ni sighevenga, si sihalelago vathu, si va songa ndzilani ga Sikemi; mithumo yawe khya gunyenyeza ni wughevenga.

Amosi 4:5

Ningelani miphaselo nya gubonge khu sibaba nya guthedwe mela, mu huwelela khu miphaso yanu nya guningele khu gugola; kholu khiso enu, sanana sa Israyeli, khiso mu si golago, a ngu ganela Pfhumu Nungungulu.

Sofoniya 1:5

Nyi na fuvisa ni avo va litago vbatshani nya dzilangwe, vaya khidzima gasi gu khozela sivangwa sa damboni; ni vale va nogago va sambanya khu lina la Pfhumu Nungungulu, aholu na va gu sambanya gambe khu lina la Malikani

Malakiya 3:15

Olu hi na khethu va kategide va nya matshandza, kholu ambari va gu gira guvivba, silo sawe sa gu va dugela gwadi; va gu linga Nungungulu, va gu khala nyamba hakha tsayiso.”

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Johane 13:18

“Kha nyi thuli enu mwatshavbo, nyi ngu vati avo nyi va hathidego, aholu nya gu ganela kharati gasi gutadzisega milowo, yi gu, khiyo: ‘Uye nyi hodzago naye mbiya mweyo a nyi wugede.’

Johane 18:28

Khavbo avbo, va di dzega Jesu khu ndrangani ga Khayifasi va gu hongola naye ga mufumeli. Gu di ngari dzimindru dzikhongolo. Avo kha va nga bela nyumbani nya gulamuledwe mahungu, gasi va si dzi loledzisi, vafela gu hodza Phasika.