Jeremiya 6:7 - Bhibhiliya Nya Guage

⁷ Wuvivbi waye wa gu fanana ni nambo wu dusago mati. Ilo nilo la gu dusa wuvivbi. Khiyo gwaye gupwala basi mayunga ni gupfhungumula; mbeli gwangu gikhati gyatshavbo nya gu wona basi wuvi ni silondra.

Jeremiya 6:7 Iomraidhean Croise

Mavingu 4:23

Guvbindra silo satshavbo, vegedza monyo wago, kholu khumo gu guromo guvbanya gwago.

Isaya 1:6

Gukhugela migondroni kala hungoni gu mwalo ni wulanga wu vbanyago gwadi, givili gyatshavbo sithunya, dzimbanga ni silondra nyamba handzwa ambari gu hungeledwa, mwendro gu nyegiswa khu mafura.

Isaya 57:20

Aholu avo va nya guvivbedwa khu myonyo, va gu fanana ni linene li vbenyago, li gumba dzi kodza gurula, mavimbi yakone ma gu vhilusa maraga ni liguvi.

Isaya 59:6

Wulelu wawe kha wu phasi gilo gu gira mwendra, mwalo a dzi kodzago gu dzi fenengedza khu sombo va girago; mithumo yawe khya guvivba, mandzani gwawe gu tade khu mithumo ya dzihanyi.

Jeremiya 20:8

Kholu gikhati gyatshavbo nyi ganelago nya gu keta ni gu womba huwa, kheni: “Wusaseli ni gu pfhungumudwa! Kholu magana ya Pfhumu Nungungulu ma khade gihegiso gwangu ni tshanisa matshigu yatshavbo!”

Jeremiya 30:12

Pfhumu Nungungulu a ngu ganela kharati, khuye: “Mbanga yago yikhongolo, kha yi vboli ni gilondra gyago khya gimange.

Jeremiya 30:13

Mwalo ni moyo a khathalago khuwe; ni gilondra gyago gi mwalo rendre nya gu gi vbodzise, ambari gu gi hungelela.

Jeremiya 30:15

Khu ginani u wombago huwa khu kotani nya gilondra gyago? Madwali yago kha ma halawugi. Khu kotani nya wuvivbi wago nya wukhongolo ni gutala nya sighoho sago, nyi gu girede silo sesi.

Jeremiya 32:31

Kholu gukhugela litshigu li phedwego gu vbahwa lidhoropa leli kala na muhuno, va nyi goroside va wusa likhulo langu nya likhongolo, khu guralo, Eni nyi na li dusa mbeli gwangu.

Jeremiya 8:22

Gasi Gileyadhi mwalo gambe mafura nya gugondredzele khayo, gani? Ina gu mwalo gambe nyanga iyoyo, gani? Khu ginani gu ngamba vbodziswa gilondra gya vathu vangu?

Ezekiyeli 21:29

gasi li vegwa thamoni ga va nya gu dzi nyenyezisa ni va nya guvivbedwa khu myonyo, avo litshigu lawe ni gikhati nya tsayiso wawe nya guhegise gi vbohidego, na va gu gu wonisa siwoniso nyamba phasa gilo, ni gu sasuledza malipha.

Ezekiyeli 24:7

Kholu novba a wu vbaladzidego womo vbakari gwaye; uye a wu vbaladzide vbagiwindritunu nya gutiye; kha wu vbaladza vbavbatshi, gasi gu wu futela khu mafu.

Ezekiyeli 45:9

Mune Pfhumu Nungungulu, a ngu ganela kharati, khuye: “Enu vafumeli va Israyeli, hegisani; digani dzihanyi ni gutshanisa, girani gululama ni wuwadi; digani gu wandra iso si gu sa vathu vangu; a ngu ganela Mune Pfhumu Nungungulu.

Ezekiyeli 7:11

Dzihanyi dzi vbindrugedzide dzi khala lipitso nya gutsayise khilo silo nya guvivbe; mwalo ni moyo nya vathu a na digwago, ambari ni moyo nya gidzemo gile, ambari thomba yaye, mwalo muthu a na gu yi khathalelago.

Ezekiyeli 7:23

Dongiselani makhetshe, kholu litigo li tade khu novba wu vbaladzidwego, ni lidhoropa li tade khu dzihanyi.

Sofoniya 3:1

Libango ga lidhoropa nya wuwugeli, nya gutale khu manyala ni dzihanyi!