Jeremiya 6:30 - Bhibhiliya Nya Guage

³⁰ “Va na ranwa gupwani parata nyamba phasa gilo, kholu Pfhumu Nungungulu a va digide.”

Jeremiya 6:30 Iomraidhean Croise

2 Dzipfhumu 17:20

Khu guralo, Pfhumu Nungungulu a di hambana ni livelego latshavbo la Israyeli, a va tshanisa, a va ningela mandzani ga vaphangi, kala a va dusa mbeli gwaye.

Dzindzimo 119:119

Va nya guvivba vatshavbo va tigoni wa gu va wona nari ndzilo, Khu guralo, eni nyi ngu gola sileletelo sago.

Dzindzimo 53:5

Va ngu tala khu hwanga nya wukhongolo, avbo gu gumwalo ni gilo nya guthavise; kholu Nungungulu a ngu phalalegisa marambo ya wule a gu randrelago; uwe u na va thela dzitshoni, kholu Nungungulu a va digide.

Mavingu 25:4

Dusa manyelo nya parata, muwumbi a na gira khayo khali.

Isaya 1:22

Parata yago yi pfhurede khandri ya gilo, ni vbinyu yago, yi vbindrugedzide yi khala huto.

Isaya 1:25

Nyi na gu wugela nyi gu veta khu mandza yangu, nyi na gu agisa u vbelela, nyi gu guha kha nga gikete nya gupfhurele, gi nyiviligago khu nilo. Ndzilo mu gu nayo, nyi na yi dusa yatshavbo.

Jeremiya 14:19

Ina va na Judha u va digede muphelo, gani? Ina kamwe monyo wago wa gu swihala khu Siyoni, gani? Khu ginani u hi podego dzimbanga dzi si vboligo, na? Ha gu lindrela gurula, aholu gimwalo nya gyadi hi gi wonago; Ha gu khedzisela gikhati nya guvbanyiswe, aholu ha guta mana wuvi.

Jeremiya 23:33

Pfhumu Nungungulu a ngu ganela, khuye: A gu dugelela moyo nya vathu vava, muprofeti mwendro muphasi nya mhamba ata gu wudzisa, khuye: Khu gevbini gilemedzo nya giphya nya magana hi rwegidwego khu Pfhumu Nungungulu u ma ganelago? U na mu hakha, khuwe: Gilemedzo khenu mu rwegago Pfhumu Nungungulu mirwalo. Uye a na mi dzudzuga mu ya hwindzo.

Jeremiya 7:1

Lito la Pfhumu Nungungulu li dita ga Jeremiya khu magirelo yaya, khilo:

Jeremiya 7:29

Vbalulani ndzudzu wa hungoni gwanu mu dzudzuga hwindzo; wombani huwa ni gu lila musigomoni nya gulaphe, kholu Pfhumu Nungungulu hambanide ni gitugulwana gegi gi wusidego likhulo laye, a gi diga.

Gililo 5:22

Ina kamwe u hi digede muphelo, gani? Ina u ngari ni likhulo ngudzu khethu, gani?

Hoseya 9:17

Nungungulu wangu a na va diga, kholu kha va mu yingisi. Va na khala valegalegi vbakari nya mayigo.

Zakariya 11:8

Khu ngima moyo basi nyi tutumiside vahavisi vararu, kholu hefemulo wangu wu di garade khu dzinvuta dzangu, idzo nidzo dzi di swihala khu eni.

Matewu 5:13

“Enu mu munyu nya litigo! Aholu munyu wa gu phusa, wu na lungwa khu ginani? Kha wu nga gu phasa gilo; wa gu vbaladzwa vbavbatshi, wu gandredzedwa khu vathu.

Varoma 11:1

Eni nyi na engedza gambe gu wudzisa, kheni: Ina Nungungulu a di tsukula vathu vaye, gani? Ahihi. Eni nyi ganelago, nyi wa na Israyeli, nyi gitugulwana gya Abrahama, gya nyumbani ga Bhejami.