Jeremiya 6:28 - Bhibhiliya Nya Guage

²⁸ Vatshavbo va bangide mihungo, sidambane; kholu avo va gu gimbila va phalalegisa milembo, myonyo yawe yi lemede kha nga sugu ni simbi.

Jeremiya 6:28 Iomraidhean Croise

Dzindzimo 14:1

Muthu nya giphuguphugu a gu ganela monyoni gwaye, khuye: “Nungungulu mwalo!” Mithumo yaye yi nyenyezide, mwalo na moyo a girago nya sadi.

Dzindzimo 50:20

Uwe wa gu khala gasi gu lemba ndriyago ni gu ganela guvivba khu gyanana gya mayi wago.

Mavingu 10:18

Uye a sihago livengo a na ni likana nya wudambane, ni wule a lembago vakwawe, gipumbu.

Isaya 31:6

Khu guralo, olu enu va na Israyeli vbindrugedzani mu wuya gwaye enu mu nga bani mu hambanide naye.

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 5:23

Vathu vava va bangide mihungo ni gu ganedza; va ndreyide mbeli gwangu va nyi pfhurarela.

Jeremiya 6:30

“Va na ranwa gupwani parata nyamba phasa gilo, kholu Pfhumu Nungungulu a va digide.”

Jeremiya 7:28

U na va embela esi, khuwe: Litigo leli, kha li yingisi lito la Pfhumu Nungungulu wawe, ambari gu dzumela gu kawukwa; lisine li fuvide myonyoni gwawe.

Jeremiya 9:3

Va gu peta lidimi li fanana ni wulaho wu ghwimbidwego, gasi gu ganela malipha; va gu dzi tiyisa tigoni, aholu khandri khu lisine, kholu va gu tsakela guvivba, kha va khathali khu Eni; a ngu ganela Pfhumu Nungungulu.

Jeremiya 9:4

Moyo ni moyo a na dzi wonele ga pari yaye, gambe a nga tumbi valongo vaye; kholu valongo vatshavbo gi mwalo va girago, vbavbandze nya gu zame gu kanganyisa basi, ni dzipari dzatshavbo nidzo dza gu gira milembo basi.

Ezekiyeli 2:7

Aholu uwe, u na va embela magana yangu, ambari va gu dzumela gu yingisa, mwendro gumba dzumela gu yingisa, kholu avo vathu nya guyeyise.

Ezekiyeli 24:13

Ndzilo yoyo khu mithumo yago nya gunyenyeze; eni nyi zamide gu gu agisa, aholu khwa dzina gu agiswa, uwe gima khu na agiswa gambe gunyenyeza gwago, na li si gu vbeli likhulo langu avbo gwago.

Levhi 14:43

Gibalavandza gya gu wonega gambe nyumbani, hwane nya gu bani si dusedwe siwindri, na gu rwerwidwe ni gu londredzwa ndzari,

Levhi 19:16

U nga gimbili u ganelela guvivba khu vathu va na gyanu, mwendro gusambanya malipha u songisa muthu kwanu. Eni kheni Pfhumu Nungungulu.

Gutuledwa 11:18

Mayigo ma di gu wugede khu tshivba, aholu gi vbohide gikhati gyago nya gu phodze. Khigyo egi gikhati nya gulamule avo vafudego ni gu tshatshazela sithumi sago, vaprofeti; ni sihathwa, ni vatshavbo vale va ningago githawo lina lago, sanana ni vakhongolo. Gi vbohide gikhati nya gumbembise vale va saselago litigo.”

Gutuledwa 19:2

Kholu gulamula gwaye khwa lisine ni gululama, khaguva tsayiside gibhayi gikhongolo gi nga mbembisa litigo khu wubhayi waye, gambe phodzede vbatshani ga igyo novba wa sithumi saye.”