Jeremiya 6:21 - Bhibhiliya Nya Guage

²¹ Khu guralo, Pfhumu Nungungulu a ngu ganela kharati, khuye: “Wona nya gukhuwe nyi na thela giphili mbeli ga vathu vava; va na tshunganela gu thega vavelegi gumogo ni sanana sawe; vaakelane gumogo ni dzipari va nafa.”

Jeremiya 6:21 Iomraidhean Croise

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Isaya 8:14

Uye a na bani ari wulanga wanu nya miphaso; kholu a na khala kha nga giwindri nya gutshunganise ni givalo nya dzinyumba dza dzimbili dza Israyeli, ni naphwi nya gutshunganise vavbanyi va Jerusalema.

Isaya 8:15

Nya vangi va na gyawe va na tshunganela va thega, va vbadzuledwa; va na modwa, khu naphwi va sindra ni gu dzi vbulugisa.

Jeremiya 13:14

Nyi na va vbadzulela va khala khu sipandre va pandrana khu gyawe, vavelegi gumogo ni sanana, a ngu ganela Pfhumu Nungungulu; gima kha nyi na va divalela ni gu va tsetsa ambari gupwa gisiro khu avo gasi nyi si va mbembisi.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Jeremiya 18:21

Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 18:23

“Gasi uwe Pfhumu Nungungulu, u ngu mati gwadi makungo yawe va vbwetago gu nyi songa khayo; u nga va divaleli gighoho gegi, ni milandru yawe yi nga khali hwindzo ni maho yago; aholu va na tshunganele mbeli gwago; va girele isoso litshiguni nya likhulo lago.”

Jeremiya 21:7

“Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 8:12

Va di yede gupwa dzitshoni khu mavbanyelo yawe nyambasi yadi; aholu ne ni vbadugwana kha va dzipwi dzitshoni; gambe kha va giti gilo muni gu khala dzitshoni. Khu guralo, va na thega gumogo ni vale va fudego; va na mbemba litshiguni nya gulamudwe; a ngu ganela Pfhumu Nungungulu.

Ezekiyeli 3:20

Khu magirelo ya mamowo, muthu nya gululame a digago gu gira gululama gwaye, a gira guvivba, eni nya gu vega mbeli gwaye giwindri nya gu mu tshunganise, uye a nafa; kholu khwa mu kawuka khu gighoho a ghohidego. Mithumo yaye nya gululame kha yi na alakanywa, khu guralo, eni nyi na hengula novba waye avbo gwago.

Ezekiyeli 5:10

Khu guralo, vbakari gwago, vavelegi va na hodza sanana sawe, ni sanana niso, si na hodza vavelegi vawe; nyi na gu tsayisa, nyi phalalegisa mitshaledwa yago khu maphuvbo yatshavbo.

Levhi 26:37

Va na thegela vbatshani ga vathu vakwawe gukhwatshi va gu thava matshari, nyamba lundrwa khu muthu; gima kha mu na wuga gambe vbatshani ga valala vanu.

Varoma 11:9

Dhavhidhe nuye a di ganela, khuye: “Mibuzo yawe yi na khale milaphwi, yi va kanganyisa, gasi va tshunganele va thega, va mana tsayiso.

Varoma 9:33

gi nga thudwa khu Milowo nya Guage, pwani: “Nyi ngu vega Siyoni giwindri gi tshunganisago gi thesa. Aholu, wule a khodwago ga egi giwindri gima kha na thedwa dzitshoni.”

1 Pedro 2:8

Gambe giwindri gi na gu tshunganisago vathu; giwindri gi na gu va thesago. Avo va tshunganede kholu va ngamba khodwa khu Mahungu, khiso si dongisedwego avo.