Jeremiya 6:17 - Bhibhiliya Nya Guage

¹⁷ Nyi vegide gambe vawoneleli vbakari gwanu, nyi va embela, kheni: “Yingisani gudzuma nya pundru!” Aholu avo va di nyi hakha, khavo: Kha hi dzumeli gu gu yingisa.

Jeremiya 6:17 Iomraidhean Croise

Isaya 21:11

Gitiviso ga litigo la Edhomi, khu Seyiri womo a nyi ranago, khuye: “Mukhedziseli, gikhati muni gi tshadego gasi guvbela wutshigu? Mukhedziseli, gasi gikhati muni gi tshadego?”

Isaya 56:10

Va woneleli vawe vatshavbo, sikhumu, kha vati gilo; vatshavbo va gu fanana ni dzimbwa nya sidudu, nyamba kodza gu huhula; va gu gola gu wotela, va khala na va lade, va lora dzindroro nya wugara.

Isaya 58:1

Womba gimima khu lito nya gukhugege, nyamba garala! Lito lago li na dzume kha nga pundru. Thuledza nandru wa vathu vangu, ni sighoho si girwago khu sanana sa Jakobe.

Isaya 62:6

Mabhiyoni gwago, uwe Jerusalema, nyi vegide vawoneleli, wutshigu ni mihani gima kha va na degula gambe; enu, mu alakanywago khu Pfhumu Nungungulu, mu nga garali,

Jeremiya 18:12

Aholu avo va gu hakha, khavo: “Ethu hi mwalo mahungu khu isoso! Gambe hi na simama ni mavbanyelo yathu, muthu ni muthu a na gira iso a rumwago khu monyo waye nya guvivbe.”

Jeremiya 25:4

Dzinyondro nya dzingi Pfhumu Nungungulu a mi rumedeni sithumi saye nya vaprofeti, aholu enu kha mwa va yingisani ambari gu neredza ndzeve gasi gu vapwa,

Jeremiya 6:18

Khu guralo, yingisani enu mayigo, yingisani! Enu nenu tshangano wonani iso si na va dugelelago!

Jeremiya 7:28

U na va embela esi, khuwe: Litigo leli, kha li yingisi lito la Pfhumu Nungungulu wawe, ambari gu dzumela gu kawukwa; lisine li fuvide myonyoni gwawe.

Jeremiya 8:5

Gasi khu ginani vathu vava va Jerusalema va simamago gu banga mihungo va dzi ndreyisa? Va simama ndzilani nya guwegele va si dzumeli gu wuya gambe!

Ezekiyeli 3:7

Aholu va na Israyeli kha va na nga gu yingisa, kholu avo kha va dzini gu nyi yingisa; kholu vathu vatshavbo va Israyeli, va bangide mihungo ni guvivbedwa khu myonyo.

Hoseya 8:1

Thela pundru kanani gwago! Kholu nala a nguta khu guvbuvba kha nga lighama, guta dhumela Nyumba ya Pfhumu Nungungulu, kholu mu hambanide ni gidzumeledzwano gyangu, mu wugela nayo wangu.

Habhakuka 2:1

Nyi na khala wulangani gwangu nya guwonelele, nyi na lita vbatshani nya likhokhola, gasi nyi khedzisela khu mani a ganelago, ni gukheni phindrulo muni nyi na mu ningago ga giwudziso gyangu.

Zakariya 1:4

Mu nga girini kha nga vababe vanu, va nga huweledwa khu vaprofeti nya guhegule, va nga ganela gwawe, khavo: Pfhumu Nungungulu nya Tshivba Yatshavbo, a ngu ganela kharati, khuye: Vbindrugedzani, mu diga dzindzila dzanu nya guvivbe ni mithumo yanu nya gunyenyeze. Aholu avo kha va nyi yingisa, gambe gima kha va thela kota khu eni, a ngu ganela Pfhumu Nungungulu.

Zakariya 7:11

Aholu, avo kha va dzina gu nyi yingisa, va di hatha gu nyi pfhurarela, va nyi wugela, va tshika dzindzeve dzawe gasi va sipwi magana yangu.

Vahebheru 13:17

Yingelani vathangeli vanu, mu landrisa sileletelo sawe. Kholu avo khavo va khedziselago gikhati gyatshavbo mihefemulo yanu, va na wudziswa khu Nungungulu khu kotani nya isoso. Mwa gu va yingelani, avo va na thuma na va tsakide, kholu, va gu thuma na va gu garadzega kha si na phasa gilo gwanu.