Jeremiya 6:16 - Bhibhiliya Nya Guage

¹⁶ Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Jeremiya 6:16 Iomraidhean Croise

1 Dzipfhumu 8:36

Uwe va yingise khu ndzadzini yoyo, u tsetselela sighoho sa vathu vago va na Israyeli, u va hevbudza gu gimbila khu ndzila nya yadi, u wisa ndzadzi tigoni gwatshavbo u ningidego vathu vago gu khala thomba yawe.

2 Dzikoronika 19:11

Kha mu mu woni oyu muphasi nya khongolo nya mhamba Amariya, emisidwe vbakari gwanu gasi gu gimbidzisa satshavbo si lumbago Pfhumu Nungungulu; ni Zebhadhiya, mwamana wa Ismayeli, muthangeli nya ndranga ya na Judha, oyu a na gimbidzisa satshavbo si lumbago mufumeli; vomo gambe vbakari gwanu va na Levhi, gasi gu khala vasayisi vanu. Khu guralo, tiyani longo mu thuma! Pfhumu Nungungulu a na khale ni vathu nya vadi.

Dzindzimo 116:7

Hefemulo wangu, waya gurulani gwago, kholu Pfhumu Nungungulu a gu kategiside.

Isaya 2:5

Enu livelego la Jakobe deluni, hi gimbile guwonegelani ga Pfhumu Nungungulu.

Isaya 28:12

avbo a nga va embela, khuye: “Owu wulanga nya guhefemule, digani a hefemula uye a garadego; owu wulanga nya gupepemele”; aholu avo kha va dzina gu yingisa.

Isaya 30:21

Wa gu dhedhereka u ndreyela nyamudye mwendro nyambade, u napwa mahungu dzindzeveni gwago ma tago khu hwane gwago, khayo: “Eyi khiyo ndzila; gimbilani khiyo.”

Isaya 46:9

Alakanyani silo si vbindridego gukhugela gale ngudzu! Wonani nya gukhenu Eni kheni Nungungulu, mwalo mumbe Nungungulu a fananago ni eni;

Isaya 57:2

A na bela gurulani; avo va gimbidego khu gululama va na hefemula dawuni gwawe.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Jeremiya 18:12

Aholu avo va gu hakha, khavo: “Ethu hi mwalo mahungu khu isoso! Gambe hi na simama ni mavbanyelo yathu, muthu ni muthu a na gira iso a rumwago khu monyo waye nya guvivbe.”

Jeremiya 18:15

Kholu vathu vangu va nyi divade, vaya vbisela libani vanungungulu nya sifananiso; si va tshunganisa ndzilani gwawe va thega va diga ndzila yawe ya gale, gasi va ndreya va gimbila khu dzindzila dza khabini nyamba lulama;

Jeremiya 2:25

Thela kota khu ngondro wago gasi wu si tshulegedwi khu gilato, ni ngolo wago wu si bangi khu lidora. Aholu, uwe wari, khuwe: “Kha gu phasi gilo; kholu nyi manide vambe vanungungulu nya valombo, khavo nyi yelago gu va landra.”

Jeremiya 22:21

Nyi ganede nago na si nga gu gu gimbilela gwadi, aholu u di ganela, khuwe: “Kha nyi na nga yingisa.” Gukhugela wudzhahani gwago, mapimo yago ma di khala kharati; gima kha wa nga yingisa lito langu.

Jeremiya 31:21

Vegani mitseneno ni misimbo nya gu layedze ndzila, khedzani gwadi mu gimbila khiyo. Li ngu wuya likendzi la Israyeli, li wuyela madhoropani gwaye.

Jeremiya 42:3

gasi Pfhumu Nungungulu wago, a hi nonedza ndzila hi yelago gu gimbila khiyo ni iso hi yelago gu gira.”

Jeremiya 44:16

“Magana u hi embelago nya gukhuwe ma guta khu ga Pfhumu Nungungulu, ethu gima kha hi na gu yingisa!

Jeremiya 50:5

Va na wudzisa ndzila yi hongolago Siyoni, siwombo sawe si na thonona iyo; va na dzi tshanganisa ga Pfhumu Nungungulu ga gidzumeledzwano nya gupindruge, gi na gumba divadwa gambe.

Jeremiya 7:23

Aholu, nyi di va laya, kheni: Dembani ndzeve mu yingisa lito langu, eni nyi na khala Nungungulu wanu, enu mu khala vathu vangu; gimbilani khu ndzila nyi na gu mi nonedzago, gasi si mu dugela gwadi.

Jeremiya 7:24

Kholu kha va yingisa, ambari gu neredza dzindzeve, aholu va di gimbila khu dzindzila nya gutidwe khu myonyo yawe nya guvivbe; va bwelelela hwane wulanga nya guye mbeli.

Jeremiya 7:3

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Lulamisani dzindzila dzanu, mu diga mavbanyelo yanu nyambasi yadi, gasi nyi kodze gu mi vega mu vbanye wulanga wowu.

Luka 16:29

Abrahama a di mu hakha, khuye: “Va na ni Mosi ni vaprofeti; va na va yingise!”

Johane 12:35

Khavbo avbo, Jesu a di va embela, khuye: “Gikhati gegi mu ngari ni guwonegela; gimbilani na mu ngari ni guwonegela gasi mu si manwi khu gidema. Uye a gimbilago gidemani kha guti umo a yago.

Johane 13:17

Kha nga olu mu sitigo silo sesi, mu na bani mu kategile mwa gu si landrisa.

Johane 5:39

Enu mwa gu fulugutela Milowo na mu gu alakanya gu mana guvbanya nya gupindruge; khiyo kamwe Milowo yi fakazago khu eni.

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

Varoma 4:12

Uye gambe khuye babe wa vale va hanago wugwera, vale va si hegeligo basi gu hana wugwera, aholu va landrago gambe gihevbudzo nya gukhodwe gwa Abrahama na si gu hani wugwera.

Dhewuteronome 32:7

Dundruga matshigu yago ya gale, alakanya myaga ya galegaleyo myaga ya situgulwana ni situgulwana si vbindridego wudzisa babe wago, uye a na gu tshamusela, ni madhota yago, ayo ma na gu hevbudza!

Vakolosi 2:6

Kha nga olu mu hakhidego Pfhumu Jesu Kristo, gu vbwetega mu vbanya khu gupwanana naye,

Vahebheru 11:2

Kholu khu gukhodwa, vathu va gale va mane guzundzwa khu Nungungulu.

Vahebheru 6:12

Kha hi vbweti gukhethu mu khale migara, aholu khalani vale va khodwego, muri ni gutimisela, gasi mu fela gu hakha esi mu tumbisidwego khu Nungungulu.

Valamuli 2:17

Ambari khu isoso, kha va nga yingisa valamuli vawe, aholu va di dzi ningedzela gu gira wubhayi ni vambe vanungungulu va va khidzimela. Va di vbiredza gu ndreya ndzilani va nga bani va gimbila khiyo vababe vawe, va nga bani va yingisa sileletelo sa Pfhumu Nungungulu, va si giri kha nga avo.