Jeremiya 6:15 - Bhibhiliya Nya Guage

¹⁵ Ina va na dzipwa dzitshoni, khu gu bani va giride gihoso nyi gi nyenyago, gani? Ahihi! Avo va mwalo dzitshoni. Gambe kha va giti gilo gi va thelago dzitshoni; khu guralo, va na thega gumogo ni vambe, va mbembiswa muphelo litshigu nya gulamudwe. A ngu ganela Pfhumu Nungungulu.

Jeremiya 6:15 Iomraidhean Croise

Genesi 19:34

Khu mindru gakone, koma a di embela nandra waye, khuye: “Vbanova ni wutshigu eni nyi lade ni babe; hongole hi mu levise gambe gasi u hongole nuwe u ya lala naye wutshigu wa muhuno; khu magirelo yaya hi na wusa livelego la babe wathu.”

Ekisodha 32:34

Olu, khuga u thangela vathu vangu, u va yisa iyo nyi nga gu leletelago iyo. Ngilozi yangu yi na thanga mbeli gwago. Aholu, litshigu nya guthethise, nyi na va tsayisa khu kotani nya sighoho sawe.”

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 3:9

Dzikhovbe dzawe dzi ngu va thuledza; dzi bhusa phungu nya sighoho sawe kha nga Sodhoma, nyamba siha gilo. Libango ga mihefemulo yawe! Kholu va gu dzi vangela vabune libango.

Jeremiya 14:15

Khu guralo, Pfhumu Nungungulu a ngu ganela kharati khu mahungu nya vaprofeti va profetago khu lina langu, nyamba rumedwa kheni, va bwelo khavbo va ganela gukhavo kha va na wona dzinyimbi, ambari ndzala tigoni momu, khuye: Vaprofeti vovo, va na sasedwa khu matshari ni ndzala.

Jeremiya 18:23

“Gasi uwe Pfhumu Nungungulu, u ngu mati gwadi makungo yawe va vbwetago gu nyi songa khayo; u nga va divaleli gighoho gegi, ni milandru yawe yi nga khali hwindzo ni maho yago; aholu va na tshunganele mbeli gwago; va girele isoso litshiguni nya likhulo lago.”

Jeremiya 23:12

Khu guralo, dzindzila dzawe dzi na fanana ni wulanga nya gukwirige; va na redwa va thegela gidemani; kholu nyi na resa gwawe dzitshanisa khu mwaga nya tsayiso wawe; a ngu ganela Pfhumu Nungungulu.

Jeremiya 3:3

Khu guralo, ndzadzi kha yiwi, ambari ni iyo nya nango kha yawa; aholu uwe u na ni khovbe nya wubhayi, u si khali dzitshoni.

Jeremiya 44:10

Kala na muhuno mu si gu dzi layi, ambari gu yeyedza githawo ni gu landrisa nayo ni sileletelo nyi si vegidego mbeli gwanu ni ga vababe vanu.”

Jeremiya 5:29

Ina kha nyi yeli gu tsayisa silo sesi, gani? A ngu ganela Pfhumu Nungungulu; ina kha nyi yeli gu dzi phodzela ga vathu nya nga ava, gani?

Jeremiya 5:9

Pfhumu Nungungulu a ngu wudzisa kharati, khuye: “Ina nyi ngu dzi kodza gumba tsayisa silo sesi, gani?” Ina kha nyi yeli gu dzi phodzela ga litigo nya nga eli, gani?

Jeremiya 8:12

Va di yede gupwa dzitshoni khu mavbanyelo yawe nyambasi yadi; aholu ne ni vbadugwana kha va dzipwi dzitshoni; gambe kha va giti gilo muni gu khala dzitshoni. Khu guralo, va na thega gumogo ni vale va fudego; va na mbemba litshiguni nya gulamudwe; a ngu ganela Pfhumu Nungungulu.

Jeremiya 8:9

Va nya guti va na thedwa dzitshoni, va na ndrendremela va modwa; kholu va hambanide ni magana ya Pfhumu Nungungulu; gasi guti muni gogo va gu nago?

Ezekiyeli 13:14

“Nyi na khungumula libhiyo mu li londridego khu phembe; nyi li thesa vbavbatshi. Nyi na li gira li thega vbatshani gwanu mufa mwatshavbo, khavbo mu na nyitigo gukhenu, kheni Pfhumu Nungungulu.”

Ezekiyeli 2:4

Ga vathu nyi na gu rumelago, va bangide mihungo ni guyeyisa. U na ya va embela, khuwe: Mune, Pfhumu Nungungulu, a ngu ganela kharati.

Ezekiyeli 24:7

Kholu novba a wu vbaladzidego womo vbakari gwaye; uye a wu vbaladzide vbagiwindritunu nya gutiye; kha wu vbaladza vbavbatshi, gasi gu wu futela khu mafu.

Hoseya 4:5

Khu guralo, u na thega vbakari nya mihani, vbawutshigutunu u thega gumogo ni muprofeti, nyi na mbembisa mayi wago.

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Mikeya 3:6

Khu guralo, ligovbeni gwanu avbo mu na lalago, kha mu na wona siwoniso; gu na manega gidema, gasi mu si tuguli misihalo, vaprofeti vava, va na pfoledwa khu lidambo, litshigu lawe li khala gidema.

Mikeya 7:4

Uye a gu wadi vbakari gwawe a gu fanana ni girangalabwa; ni uye a lulamidego ngudzu a gu fanana ni litamo nya miba. Li vbohide litshigu li huweledwego khu vawoneleli vawe, a gu litshigu nya tsayiso wa Nungungulu; olu gu na bani guri pfilupfilu vbakari gwawe.

Sofoniya 2:1

Rambanani mu tshangana mu wuyisela mapimo, enu vathu nyambana dzitshoni.

Sofoniya 3:5

Pfhumu Nungungulu a gu romo vbakari nya lidhoropa leli, lulamide, kha giri gilo nya guvivbe. Gugya ni gugya uye a gu thuma gulamula gwaye guwonegelani; kha phazami, aholu va nya guvivbedwa khu monyo kha vapwi dzitshoni.

Zakariya 13:4

Khu litshigu lolo, vaprofeti va na thedwa dzitshoni, moyo ni moyo nya avo khu giwoniso nya wuprofeti waye. Avo gima kha va na dzi kapega gambe khu gifenengelo nya mawoya, va fela gu pfhadza vathu.

Matewu 15:14

Va digeni; sikhumu si vbwetago gu phara kunga sikhumu sikwawe! Kholu gikhumu gya guvbweta gu phara kunga gikhumu gikwawe, sa sivili si ngu ya thegela phalani.”

Vafilipi 3:19

Mahegiso yawe khu gumbemba, kholu Nungungulu wawe khu girumbu. Va gu dzi zundza khu esi va nga yela gu thedwa khiso ndzitshoni, mapimo yawe ma gu alakanya basi sa mafuni momu.