Jeremiya 6:11 - Bhibhiliya Nya Guage

¹¹ Khidzo kharato nyi tadego khu likhulo la Pfhumu Nungungulu; nyi garade kha nyi nga gu dzi kodza gu dzi phara. Nyi na li vbaladza likhulo lolo vbatshani ga sanana sawe si gimbilago dzindzilani numo nya mitshangano nya vathu vaphya; kholu vatshavbo mwama ni ngadzi va na modwa gumogo, vama nya vakhongolo ni avo va gumbidego, vatshavbo va na modwa.

Jeremiya 6:11 Iomraidhean Croise

Isaya 40:30

Vathu vaphya va na vbela tshivba va garala, madzaha ma na dhedhereka ma thega,

Jeremiya 15:17

Gima kha nya khala tshanganoni nya vatseketseli ambari gutsaka navo; nyi di khala nyonga nyi phasedzedwa khu mandza yago, kholu likhulo lago li di tadza hefemulo wangu.

Jeremiya 15:6

Pfhumu Nungungulu a ngu ganela, khuye: Mu nyi digide mu nyi pfhurarela. Khu guralo, nyi na thawuludza gyandza gyangu vbatshani gwago, nyi gu mbembisa; nyi garade khu gu gu divalela.

Jeremiya 18:21

Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Jeremiya 5:9

Pfhumu Nungungulu a ngu wudzisa kharati, khuye: “Ina nyi ngu dzi kodza gumba tsayisa silo sesi, gani?” Ina kha nyi yeli gu dzi phodzela ga litigo nya nga eli, gani?

Jeremiya 7:20

Khu guralo, Pfhumu Nungungulu a ngu ganela kharati, khuye: “Wonani nya gukhenu giviti ni likhulo langu, si na vbalagela wulanga wowu, vbatshani nya vathu, vbatshani nya sirengo, vbatshani nya misimbo ya khabini ni mihandro ya mafuni; li na khondra nyamba tshimega gambe.”

Jeremiya 9:20

Enu vanyamayi yingisani magana ya Pfhumu Nungungulu, tulani dzindzeve dzanu dzi yingise magana ma dugago khu kanani gwaye; hevbudzani gililo sanana sanu nya sagadzyana; moyo ni moyo a na hevbudze mata waye ndzimo nya gililo.

Jeremiya 9:21

Kholu lufu li litide li bela khu sihogo nya dzinyumba dzathu, li ya bela ni dzinyumbani nya wufumu; li sasede sanana dzindzilani ni madzaha malangani nya mitendrela nya madhoropa.

Gililo 1:15

Pfhumu theside dzindrena dzangu dzatshavbo dzi nga bani dzi nyi phasedzela, a rambide nyimbi, yi ta sasela madzaha yangu; Pfhumu gandredzede nyamahegyane nya likendzi wa Judha, gukhwatshi a gu gama dzindzawa. Ain

Gililo 2:21

Sanana ni sikhosane si mbambamede mu dzindzilani. Dzimbiri ni madzaha yangu va sasedwe khu matshari. U va songide khu litshigu nya likhulo lago, u va mbembisa nyamba va tsetsa. Tau

Ezekiyeli 24:21

Embela vathu va Israyeli, khuwe: Mune Pfhumu Nungungulu a ngu ganela kharati, khuye: Nyi womo vbafuvbi ni gu nyenyezisa nyumba yangu nya miphaso, likhokhola mu dzi khusedzago khilo, li tsakisago maho yanu, gilo gi tangadzisago myonyo yanu. Sanana sanu nya sikhwathana nesi nya sagadzyana mu si tshidego iyoyo, si na songetedwa khu matshari.

Ezekiyeli 3:14

Khavbo avbo, Liphuvbo li di nyi dusa khu vbale, hefemulo wangu na wu tade khu guvbisega ni likhulo, aholu gyandza nya tshivba gya Pfhumu Nungungulu gi diri ni eni.

Ezekiyeli 3:3

A di engedza gambe, khuye: “Mwamana wa muthu, hodza libhuku leli nyi gu ningago, tadza girumbu gyago khilo.” Khavbo avbo, eni nyi di li hodza, li di lombela kanani gwangu nga wulombe.

Ezekiyeli 9:6

Songetelani sikhosane, madzaha ni dzimbiri, vanyamayi ni sanana. Aholu mu nga khuhi ni moyo nya vale va gu na ni gifungo. Phelani khu Wulangani gwangu nya Guage.” Khavbo avbo, avo va di phela khu vathangeli va nga bani vari mbeli nya Nyumba ya Nungungulu.

Mikeya 3:8

Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Luka 17:34

Nyi ngu mi embelani, kheni: Wutshigu wowo va na bani varomo vathu vavili vbadawutunu: A na dzegwa moyo a tshidwa mumbe.

Mithumo 17:16

Na nga gu va virela dhoropani ga Atena, hefemulo waye wu di garadzega khu gu wona lidhoropa lile na li tade khu sihuru nya miphaso.

Mithumo 18:5

Aholu, gikhati Silasi ni Thimoti va nga vbohago khu Makedhoniya, Pawulo a di dzi ningela khu tshivba thumoni nya guhevbudze mahungu basi, nyamba thuma mumbe thumo; a tivisa ga Vajudha khuye Jesu khuye Kristo.

Mithumo 4:20

Gasi ethu, kha hi dzi kodzi gumba pwadza vathuni iso hi nga si wonago ni gu sipwa.”

Gutuledwa 16:1

Eni nyi dipwa lito nya likhongolo na li gu duga khu Nyumbani ga Nungungulu, li gu embela dzingilozi dza Nungungulu, khilo: “Indrani mu ya vbaladza tigoni sikombe satshavbo nya livbandre na sivili si tadego khu likhulo la Nungungulu.”