Jeremiya 52:7 - Bhibhiliya Nya Guage

⁷ khu guralo, gu di podwa libhiyo nya lidhoropa gu manega gihogo, vama vatshavbo nya nyimbi va di duga va thava ni vbawutshigutunu, khu ndzila yi guromo khu vbakari nya mabhiyo ya mavili vbafuvbi ni lithembwe nya senge la mufumeli, kholu Vakalidhiya va di gu randrede lidhoropa khu maphuvbo yatshavbo. Avo va nga thavago va di bela khu ndzila yi thononago panini.

Jeremiya 52:7 Iomraidhean Croise

2 Dzipfhumu 25:4

Va di pola gihogo vbalikhokholatunu; va duga khavbo vama vatshavbo nya gudwane nyimbi, va tutuma ni vbawutshigutunu khu mwanya wa vbakari nya dzindzari dza dzimbili, vbafuvbi ni lithembwe nya senge la mufumeli, kholu, Vakalidhiya va di randrede lidhoropa, mufumeli a di tutuma khu ndzila nya kova wa Joridhani.

Jeremiya 34:22

Wonani gukhenu nyi na mi ninga nayo, a ngu ganela Pfhumu Nungungulu. Nyi na va gira va wuya gambe dhoropani momu, va nata li sasela ni gu li wandra va li vbisa, madhoropa ya Judha, ma na vbindrugedza ma khala marumbi, avbo nyamba manega ni muthu nya gukhale umo.”

Jeremiya 39:2

Khu litshigu nya livbandre na mana, nya ngima nya wu na, nya mwaga nya likhumi na moyo nya gufume ga Zedhekiya, gu di tudwa gihogo vbalibhiyotunu nya lidhoropa.

Jeremiya 49:26

Khu guralo, madzaha yaye, ma na mbambamela dzindzilani; ni masotshwa yatshavbo ma na mbembiswa nayo ga litshigu lolo, a ngu ganela Pfhumu Nungungulu nya Tshivba Yatshavbo.

Jeremiya 51:32

va segide dzindzila, va vbisedzede dzinyumba khu nilo, masotshwa ma pilegide hwambo khu hwanga.

Jeremiya 6:5

Khugani hi ya mu sasela wutshigu wowu, hi na ya khungumula dzinyumba dzawe nya wufumu.

Ezekiyeli 12:12

Muthangeli wawe a na vbagara rwalo waye vbasilambotunu, a duga khu gihogo gi na podwago vbalibhiyotunu gasi gu a duga khavbo. Uye a na fenengedza khovbe yaye gasi a si woni gilo gya tigoni.

Ezekiyeli 12:4

Dusa mirwalo yago vbavbandze gu ngari mihani nu gu wonwa khu vathu, gasi uwe u na khuga vbasilambotunu na va gu gu wona, kha nga wule a rurago a hongola ga limbe litigo.

Ezekiyeli 33:21

Khu litshigu nya livbandre, nya ngima nya likhumi, nya mwaga nya likhumi na mivili, a dita avbo gwangu mwama moyo a nga thava khu Jerusalema a ta nyi embela, khuye: “Lidhoropa li khungumudwe.”

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Levhi 26:36

Gasi vale va na gu vbulugago, Eni nyi na va thela hwanga wu na tadzago myonyo yawe, mayigoni ga valala vawe, avbo va na pwago gya gu tshagari, va na thava gukhwatshi va gu wona litshari; va na thega nyamba lundrwa khu muthu.

Amosi 4:3

Moyo nya enu, a na duga khu sihogo nya libhiyo, mu ya thegela Herimoni, a ngu ganela Pfhumu Nungungulu.

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.

Dhewuteronome 32:30

Ga gu kodzega kharini muthu moyo basi a lundra likhumi mazana (1.000), ni vathu vavili va lundra likhumi magumi mazana (10.000) vathu? Kholu Muvhikeli wawe, ava digidego, Pfhumu Nungungulu a va rengiside ga valala.