Jeremiya 52:31 - Bhibhiliya Nya Guage

³¹ Khu mwaga nya magumararu na livbandre na mivili nya gu vbagedwe ga Jowakimi, mufumeli wa Judha, khu litshigu nya magumavili na mavili nya ngima nya likhumi na wuvili, Evhili-Merodhaki, mufumeli wa Bhabhiloni, khu mwaga nya guhegule nya gufume gwaye, a di tsetselela Jowakimi, mufumeli wa Judha, a rumela gu a duswe khu pasoni.

Jeremiya 52:31 Iomraidhean Croise

Genesi 40:13

Hwane nya matshigu mararu, Faro a na gu tshula aya gu vega gambe wulanga wago thumoni gwago. U na ya ningela gambe gikombe gya Faro mandzani gwaye, kha nga idzo u nga bani u gira khidzo gale gwago.

Genesi 40:20

Khu litshigu nya wuraru, a nga bani ari buzo nya matshigu nya guvelegwe ga Faro, uye a di gira buzo a ramba valandreli vatshavbo vaye, vbakari nya buzo a di ranisa nuye muthangeli nya vatheledzeli nya sikombe vbamezatunu ni muthangeli nya vagiri nya mikati khu pasoni a va resa mbeli ga valandreli vaye.

Joba 22:29

Wa gu hembuludwa, uwe u na khuwe: Nyi khusedze! Kholu Nungungulu a gu vbanyisa avo va dzi nogisago.

Dzindzimo 27:6

Olu nyi na khusedza hungo wangu vbatshani ya valala va nyi randredego, nyi na bela nyumbani gwago nyi ningela miphaso nya mhamba nya gubonge. Nyi na embelela nyi womba dzingoma, nyi rungudza Pfhumu Nungungulu.

Dzindzimo 3:3

Aholu, uwe Pfhumu Nungungulu, u gitshangu gyangu, khuwe wuzundzo wangu, khuwe u nyi khusedzago.

Mavingu 21:1

Monyo wa mufumeli, wa gu fanana ni gitsongwana nya mati gi gimbidziswago khu Pfhumu Nungungulu, uye a gu mu rumela ni evbini a gunago.

Jeremiya 37:1

Zedhekiya, mwamana wa Josiya, mufumeli wa Judha, a di emiswa gu khala mufumeli khu Nabhukodhonosori, mufumeli wa Bhabhiloni. A di fuma wulangani wa Koniya, mwamana wa Jowakimi.