Jeremiya 52:27 - Bhibhiliya Nya Guage

²⁷ Mufumeli wa Bhabhiloni a di ya va songa dhoropani ga Ribala, umo nya gipandre gya Hamati; khu guralo, Judha a di vbagedwa a yiswa hwindzo ni tigoni gwaye.

Jeremiya 52:27 Iomraidhean Croise

2 Samuweli 8:9

Avbo Toyi, mufumeli wa Hamati, a nga pwago gupwani Dhavhidhe sasede dzinyimbi dzatshavbo dza Hadhadhezeri,

2 Dzipfhumu 17:20

Khu guralo, Pfhumu Nungungulu a di hambana ni livelego latshavbo la Israyeli, a va tshanisa, a va ningela mandzani ga vaphangi, kala a va dusa mbeli gwaye.

2 Dzipfhumu 17:23

kala Pfhumu Nungungulu a mu ndreyisa mbeli gwaye, kha nga idzo a ganedego khidzo khu magana ya sithumi saye, a gu vaprofeti vatshavbo; khu guralo, Israyeli a di duswa tigoni gwaye a vbagedwa a yiswa tigoni ga Asiriya, umo a vbahidego umo kala na muhuno.

2 Dzipfhumu 23:27

Pfhumu Nungungulu a di ganela, khuye: “Judha nuye, nyi na mu dusa mbeli gwangu, kha nga idzo nyi dusidego khidzo Israyeli, nyi nyenya lidhoropa leli la Jerusalema nyi li hathidego; gumogo gambe ni nyumba nyi nga ganelago gukheni: Lina langu li na khala umo.”

Isaya 24:3

Mafu ma na khala giwula nya guvbelele, kholu Pfhumu Nungungulu ganede magana yaya.

Isaya 27:10

Kholu lidhoropa nya gutiye li khade marumbi, kha gu na khala gambe muthu umo, li vbindrugedzide li khala giwula, va na havisela umo dzimombe, dzi lala umo, dzi hodza matamo ma tshadego.

Isaya 43:28

Khu guralo, nyi na nyenyezisa vathangeli vago va nyumbani nya guage; nyi na ningela Jakobe a mbembiswa ni Israyeli a vadwa, a khala gihegiso.

Jeremiya 13:19

“Madhoropa ya Marandzi ma segidwe, mwalo a kodzago gu ma tula; vatshavbo va na Judha va vbagedwe va yiswa wugumbini; vatshavbo va hongode kha ga tshala muthu.”

Jeremiya 20:4

Kholu Pfhumu Nungungulu a ngu ganela kharati, khuye: Wona nya gukhuwe nyi na gu gira gighevenga, u dzi thusedzela wabune ni gu thusedzela dzipari dzago; avo va na songwa khu matshari khu valala vawe nu gu va wona, va na Judha vatshavbo va na thegela mandzani ga mufumeli wa Bhabhiloni; uye a na va vbagela vayiswa wugumbini tigoni ga Bhabhiloni aya va sasela khu matshari.

Jeremiya 21:7

“Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 39:10

Aholu vale nya sisiwana vbakari nya vathu va nga bani vari mwalo thomba, Nebhuzaradhani, muthangeli nya dzighadhi a di va diga va khala tigoni ga Judha. Khu matshigu yale, a di va ninga gu sayisa marembwe nya miuvha ni malime.

Jeremiya 39:9

Vathu vatshavbo va nga tshalago dhoropani, gumogo ni vayeyisi va nga bani va dzi ningede gwaye ni mitshaledwa nya vathu, Nebhuzaradhani, muthangeli nya dzighadhi, a di va vbagela a va yisa wugumbitunu Bhabhiloni.

Jeremiya 52:9

A di mola Zedhekiya va mu yisa ga mufumeli wa Bhabhiloni dhoropani ga Ribala, tigoni gwa Hamati, avbo uye a nga ya mu lamula a mu rwega nandru.

Ezekiyeli 33:28

Nyi na vbindrugedza litigo li khala giwula nyambana muthu, nyi na fuvisa matshandza nya tshivba yaye, sigomo sa Israyeli si na khala giwula, nya gu, mwalo a na vbindrago khumo.

Mikeya 4:10

Uwe lidhoropa la Siyoni, vbisega nga nyamayi a vbwetago gu velega, kholu u na duga dhoropani u ya khala khabini, u vboha kala Bhabhiloni; khiyo u na gu ya tshudziswago iyo. Khiyoyo Pfhumu Nungungulu, a na gu tshudzisa mandzani ga valala vago.

Dhewuteronome 28:36

Pfhumu Nungungulu a na gu dzega uwe gumogo ni mufumeli, u na mu emisago gu khala mufumeli wago, a gu yisa ga vathu u gu gima uwe ni vababe vago mu si gu vati; iyoyo u na ya khozela vambe vanungungulu nya guvatwe khu misimbo ni siwindri.

Dhewuteronome 28:64

Pfhumu Nungungulu a na mi phalalegisa ga mayigo yatshavbo gukhugela mahegiso kala mambe mahegiso nya litigo; iyoyo mu na ya thumela vanungungulu nya guvatwe khu misimbo ni siwindri, avo mu si vatigo ambari vababe vanu navo va ngamba vati.

Dhewuteronome 4:26

muhuno, ndzadzi ni mafu si na khala dzifakazi dzangu, mwa gu khozela sifananiso nya nga isoso, mu na vbiredza gumbembiswa tigoni momo mu na guya li dzega na mu tshatugide tsongo wa Joridhani; kha mu na ya vbedza matshigu yanu umo; mwatshavbo mu na mbembiswa.