Jeremiya 51:58 - Bhibhiliya Nya Guage

⁵⁸ Pfhumu Nungungulu nya Tshivba Yatshavbo, a ngu ganela kharati, khuye: Mabhiyo nya guaname ma bhiyidego Bhabhiloni, ma na khungumuledwa muphelo, gu vbiswa ni malimba yaye nya gulaphe, mafumbu ya tigoni ma na bani ma thumede mahala, mayigo ma napwa wuvi khesi si vbidego.”

Jeremiya 51:58 Iomraidhean Croise

Dzindzimo 127:1

Nyumba ya gumba vbahwa khu Pfhumu Nungungulu, thumo watshavbo wa vavbahi kha wu phasi gilo; lidhoropa la gumba woneledwa khu Pfhumu Nungungulu, vakhedziseli va gu pilekelana mahala.

Isaya 13:2

“Ghwimbani ngavbya vbatshani nya gigomo nyambana misimbo; khusani lito, va khweneteni khu mandza, gasi va ta bela khu myanya ya vathu nya guthavisege.

Isaya 47:13

Olu u garade khu gu gimbilagimbila ga vagengeli nya vangi u lomba wusingalagadzi! Va na dzi wonegise olu va gu vbanyisa vale va girago wutumbe khu sivangwa sa ndzadzini, avo va matigo magimbilelo nya dzinyeledzi ni gupima misihalo, gasi va kodze gu tivisa iso si na gu gu dugelelago khu ngima ni ngima.

Isaya 65:23

Kha va na thumela mahala, ambari gu velega sanana gasi si tshaniseka, kholu avo gumogo ni situgulwana melego wu kategisidwego khu Pfhumu Nungungulu.

Jeremiya 50:15

Wombani pundru nya nyimbi, mu randreleni khu maphuvbo yatshavbo mu dwane naye! Uye a ngu thesa matshari a dzi ningela, makhokhola yawe ma ngu thega, ni mabhiyo yaye ma ngu khungumuga! Kholu oyu khu tsayiso wa Pfhumu Nungungulu; dzi phodzeleni kha nga idzo va mi giredego.

Jeremiya 51:30

Dzindrena dza Bhabhiloni, dzi digide matshari dzi tutuma, dzi ya sihala makhokholani gwawe, dzi vbede tshivba, dzi khala kha nga vanyamayi, dzinyumba dzawe dzi ngu dagarela, ni migonyo nya malimba yawe yi fanyeledzedwe.

Jeremiya 51:44

Nyi na tsayisa Bheli, nungungulu wa Vabhabhiloni, nyi mu gosisa khu kanani gwaye, satshavbo a hodzidego. Mayigo gima kha ma na ngata tshangana gambe gwaye, ni libhiyo la Bhabhiloni li khungumudwe.

Jeremiya 51:64

u ganela, khuwe: A na rikiswe kharati Bhabhiloni, a si wonegi gambe khu kotani nya libango nyi na gu mu rumelago. Avo va na thega.” Ma gu hegisa avba magana ya Jeremiya.

Jeremiya 51:9

Hi di zamide gu vbodzisa silondra sa Bhabhiloni, aholu hi tandregide. Olu mu digeni hi hongole, muthu ni muthu a na bwelele tigoni gwawe, kholu gulamudwa gwaye gu vbohide kala damboni, gulapha kala mapfhini.

Jeremiya 9:5

Maganani gwawe gu mwalo lisine, va gu kanganyisana khu gyawe, avo va di hevbudza lidimi lawe gu ganela malipha; va olovede gu gira guvivba, kha va kodzi gu dzi laya.

Gililo 5:5

Vasanisi vathu va gu hi sokhovedza, khu mirwalo nya gulemele, ambari na hi garade kha va hi digi hi hefemula.

Habhakuka 2:13

Ina kha guti khu ga Pfhumu Nungungulu nya Tshivba Yatshavbo, gukhuye vathu va gu thumela esi si na guvbyago khu nilo, va dzi garadza khu iso si si phasigo gilo, gani?