Jeremiya 51:57 - Bhibhiliya Nya Guage

⁵⁷ Pfhumu Nungungulu a ngu ganela, khuye: “Nyi na levisa vathangeli ni vagengeli vawe, vafumeli, dzindruna ni masotshwa yawe, va na lala ligovbe nya gupindruge nyamba khendzuga gambe; a ngu ganela Mufumeli, lina laye a gu uye Pfhumu, Nungungulu nya Tshivba Yatshavbo.

Jeremiya 51:57 Iomraidhean Croise

Isaya 37:36

Khavbo avbo, Ngilozi ya Pfhumu Nungungulu yi diya sasela lizumbo la Vaasiriya, yi songa lizana ni livbandre na mararu magumi ni livbandre magumi (185000) mazana vathu; avbo vambe va nga wugago ni dzimindru, va dita va mana nari sirumbi.

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Isaya 6:5

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Jeremiya 13:13

Aholu uwe u na va embela, khuwe: Pfhumu Nungungulu a ngu ganela kharati, khuye: Wona nya gukhuwe vatshavbo vavbanyi va tigoni momu, vafumeli va khalago gikhaloni nya wufumu wa Dhavhidhe, vaphasi nya mhamba, vaprofeti ni vatshavbo vavbanyi va Jerusalema, nyi na va levisa khu wadwa.

Jeremiya 25:27

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “U na va embela, khuwe: Selani mu leva, mu gosa; thegani mu si wugi gambe, khu kotani nya dzinyimbi nyi na gu dzi rumelago vbakari gwanu.

Jeremiya 46:18

Nyi ngu sambanya khu guvbanya gwangu, a ngu ganela mufumeli, lina laye a gu uye Pfhumu Nungungulu nya Tshivba Yatshavbo, uye a nata nga gigomo gya Tabhori vbatshani nya sigomo, nga gigomo gya Karimelo bambe nya linene.

Jeremiya 48:15

Va na Mowabhi va sasedwe va vbela, ni madhoropa yawe ma ngu khungumudwa; madzaha yawe nya yadi ma ngu ya gusongwatunu; a ngu ganela Mufumeli, lina laye a gu uye Pfhumu Nungungulu nya Tshivba Yatshavbo.

Jeremiya 50:30

Khu guralo, madzaha yawe ma na mbambamela vbakari nya dzindzila dzawe, ni masotshwa yawe ma na mbembiswa litshigu lolo, a ngu ganela Pfhumu Nungungulu.

Jeremiya 51:39

Aholu na va nga gupwa ndzala, nyi na va girela buzo nyi va levisa khu wadwa, gasi va tsaka guvbindra pimo, va lala ligovbe nya gupindruge nyamba wuga gambe, a ngu ganela Pfhumu Nungungulu.

Ezekiyeli 20:33

Nyi ngu sambanya khu guvbanya gwangu, a ngu ganela Mune Pfhumu Nungungulu, nyi na mi fumela khu gyandza nya tshivba ni libogo langu nya gukhugege, ni likhulo nyi guhudego, nyi na fuma vbakari gwanu.

Nahume 1:10

Kholu ambari na va tshunganede kha nga miba, va gu fanana ni vathu nya guleve khu wadwa, va na vbiswa nga mwasi nya gubange.

Nahume 3:18

Uwe mufumeli wa Asiriya, vahavisi vago va lade, vathu vago nya guthavisege va lade, vathu vago va mbambamede sigomoni, gu si manegi ni muthu nya gu va wungedzele.

Malakiya 1:14

Kholu libango ga muthu nya mukanganyisi a pimisago gu nyi luva khu girengo nya gyadi gya tshambini gwaye, aholu a tumbisa guluva Pfhumu Nungungulu khu girengo nya guhase; kholu eni kheni Pfhumu nya Yikhongolo, a ngu ganela Pfhumu Nungungulu nya Tshivba Yatshavbo, lina langu li ngu ningwa githawo vbakari nya mayigo.

Gutuledwa 18:9

Vafumeli nya mayigo va nga girago naye wubhemba, va ghiya gumogo naye, va na mu lila va gu dzi laya, va gu wona wutshi nya guvbiswe gwaye.