Jeremiya 51:56 - Bhibhiliya Nya Guage

⁵⁶ Kholu musaseli a nata sasela Bhabhiloni; dzindrena dzaye dzi na modwa, matshari yawe ma fanyeledzedwa; kholu Pfhumu Nungungulu a bweledzelago mihandro ya va nya guvivba, kha digi gu va ninga tshatshazelo nya mithumo yawe.

Jeremiya 51:56 Iomraidhean Croise

Genesi 49:24

Aholu wulaho waye, wu simamide gu tiya ni misivba nya mawogo yaye yi simamide ni tshivba, khu kotani ya Muvhikeli wa Jakobe, Muhavisi ni Giwindri gya Israyeli.

Dzindzimo 137:8

Nyamahegyane wa Bhabhiloni u na khungumudwago, kategide oyu a na gu tsayisago a gu bweledzela guvivba gwatshavbo u hi giredego.

Dzindzimo 37:15

Khu guralo, litshari laye li na mu paya monyo, malaho yaye ma na fanyeledzedwa.

Dzindzimo 46:9

Uye a ngu vbedza mayunga kala mahegiso nya litigo, a ngu fanya wulaho, a fanyeledzela siholoma; a rinya niloni dzikareta nya nyimbi.

Dzindzimo 76:3

Khavbo vbale uye a nga fanyeledzela sighalala nya wulaho, siholoma, sitshangu ni matshari.

Isaya 21:2

Gu dita gwangu giwoniso nya gusamadzise ngudzu gi ta nyi embela, khigyo: “Mukanganyisi a ngu kanganyisa, ni muphangi a ngu phanga. Enu va na Elamo indrani mu ya dwana, enu Vamedhiyani, randrelani lidhoropa; dzihuwa dzawe dzatshavbo nyi ngu dzi vbedza.

Isaya 34:8

Kholu gu na bani guri litshigu nya guphodze ga Pfhumu Nungungulu, ni mwaga nya gubweledzele valala, khu kotani ya Siyoni.

Isaya 35:4

Embelani avo va vbedego tshivba, khenu: “Tiyani, mu nga thavi! Kha mu mu woni oyu Nungungulu wanu, a tago guta mi phodzela, gasi gu bweledzela valala vanu, guvivba va mi giredego. Uye a nguta khu wurumba waye, gasi guta mi vbanyisa.”

Isaya 59:18

A na bweledzela tshatshazelo ga moyo ni moyo gukhedza khu mithumo yaye; a na yisa likhulo laye ga valala vaye; ni gu bweledzela ga avo a dwanago navo iso si vbwetago; ni mayigo ya sidwani, a na ma ninga tshatshazelo yawe.

Jeremiya 49:35

Pfhumu Nungungulu nya Tshivba Yatshavbo, a ngu ganela kharati, khuye: Wona, nyi na fanyeledzela wulaho wa Elamo, uwo a tiyago khuwo nyimbitunu.

Jeremiya 50:10

Litigo la Kalidhiya li na phangwa; vaphangi vakone va na mana nya singi, a ngu ganela Pfhumu Nungungulu.

Jeremiya 50:36

Va na songwa khu matshari vatshavbo vaprofeti vawe nya malipha, gasi va hambanega mapimo, ma sasela gambe ni dzindrena dzawe gasi dzi vbele tshivba.

Jeremiya 51:24

Nyi na bweledzela Bhabhiloni ni vavbanyi vatshavbo va Kalidhiya guvivba gwatshavbo va giredego Siyoni na mu gu si wona khu maho yanu, a ngu ganela Pfhumu Nungungulu.

Jeremiya 51:30

Dzindrena dza Bhabhiloni, dzi digide matshari dzi tutuma, dzi ya sihala makhokholani gwawe, dzi vbede tshivba, dzi khala kha nga vanyamayi, dzinyumba dzawe dzi ngu dagarela, ni migonyo nya malimba yawe yi fanyeledzedwe.

Jeremiya 51:48

Ndzadzi ni mafu gumogo ni satshavbo si guromo umomo, si na tsaka si womba mikulungwane khu kotani ya Bhabhiloni, kholu avo vatago vata sasela litigo leli, va nata khu Wuronga, a ngu ganela Pfhumu Nungungulu.

Jeremiya 51:53

Bhabhiloni ambari nari a di lita kala damboni, aya tiyisa iyoyo makhokhola yaye, Eni nyi di hadza gu rumela vasaseli vaya mu mbembisa, a ngu ganela Pfhumu Nungungulu.

Jeremiya 51:6

Thavani khu dhoropani ga Bhabhiloni! Moyo ni moyo, a na vbulugise womi waye! Mu nga songwa khu kotani nya sighoho sawe, Kholu, egi khu gikhati Pfhumu Nungungulu a dzi phodzelago; a va bweledzela gukhedza khu mithumo yawe.

Gililo 3:64

Pfhumu Nungungulu va tsayise mayelano khu mithumo yawe va thumidego khu mandza yawe.

Ezekiyeli 39:3

Nyi na gu wandrela wulaho wa mandzani gwago gwa nyambade, nyi thesa siholoma sa mandzani gwago gwa nyamudye.

Ezekiyeli 39:9

Vavbanyi va madhoropani ya Israyeli va na duga vata dzega matshari va khutha khayo nilo, gambe va na ma vbisa, sitshangu, nya sikhongolo niso nya sidugwane, malaho, siholoma, dzindronga nya nyimbi ni sighalala; va na vasa khiso nilo, gipimo nya livbandre na mivili myaga.

Amosi 2:15

Uye a gu ni wulaho kha na nga emega gwadi, muthu nya mazambo kha na dzi vbulugisa ni mukhileli nya kavalu kha na vbulugisa womi waye.

Obhadhiya 1:15

Kholu litshigu la Pfhumu lomo vbafuvbi, ga mayigo yatshavbo, a nata gu gira kha nga idzo u nga girago khidzo vakwanu; wuvivbi wago wu na thegela hungoni gwago.

Habhakuka 2:8

Kholu uwe u phangide dzithomba nya mayigo nya mangi, vathu vatshavbo va tshadego va na gu phanga nuwe. Kholu, uwe u vbaladzide novba nya wungi ngudzu, u girela dzihanyi mayigo, ni madhoropa gumogo ni vavbanyi vakone.

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.

2 Vatesalonika 1:6

Khu magirelo ya mamowo, vale va mi sanisago, va na hakha ga Nungungulu tsayiso nya lisine.

Gutuledwa 17:16

Likhumi dzikheho u dzi wonego ni girengo, si na wugela nyamayi nya gibhayi si mu gira gisiwana si mu diga wumbwiri, si hodza nyama yaye, si yi vbisa niloni.

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

Gutuledwa 19:2

Kholu gulamula gwaye khwa lisine ni gululama, khaguva tsayiside gibhayi gikhongolo gi nga mbembisa litigo khu wubhayi waye, gambe phodzede vbatshani ga igyo novba wa sithumi saye.”

1 Samuweli 2:4

Wulaho wa va nya tshivba wu fanyeledzedwe, avo va khunguvanyidego va tadzidwe khu tshivba.