Jeremiya 51:53 - Bhibhiliya Nya Guage

⁵³ Bhabhiloni ambari nari a di lita kala damboni, aya tiyisa iyoyo makhokhola yaye, Eni nyi di hadza gu rumela vasaseli vaya mu mbembisa, a ngu ganela Pfhumu Nungungulu.

Jeremiya 51:53 Iomraidhean Croise

Genesi 11:4

Khu hwane nya ugo va di khavo: “Olu hongoleni hi vbahe lidhoropa ni langwe nya yikhongolo nya gulaphe ngudzu yi manela ndzadzini, kholu gu vbwetega hi pwala ndruma, gasi hi si phalalegiswi ni litigo latshavbo.”

Joba 20:6

Ambari a gu dzi khusedza kala ndzadzini, ni hungo waye wu kuha mapfhi,

Isaya 13:17

Wona, nyi na va ranela Vamedhi, avo va si khathaligo khu parata, ambari gudogorela ndralama.

Isaya 41:25

Nyi ranide mumbe muthu, khu Wuronga; a nata, khu Khugadambo, uye a na rungudza lina langu; a na gandredzela vafumeli kha nga maraga; kha nga muwumbi a gandredzelago libumba, a na va gandredzela kharato.

Isaya 47:5

Khala vbavbatshi huwe kape, u bela vbakari nya gidema, uwe nyamahegyane wa Vakalidhiya, kholu gima khu na ranwa gambe pfhumugadzi nya mifumo.

Isaya 47:7

U di ganela, khuwe: “Eni nyi na khala pfhumugadzi mafuni gwatshavbo kala gupindruga! Kala olu u di si pimisi gwadi silo sesi monyoni gwago, ambari gu dundruga mahegiso ga iso.”

Jeremiya 49:16

Matshandza ni gu dzi khusedza nya monyo wago si gu kanganyiside, uwe u vbanyago dziphagoni nya siwindri, u khalago vbatshani nya sigomo, ambari wa gu vbaha gihaga gyago vbatshani ngudzu kha nga lighama, Eni nyi na gu reledza vbavbatshi; khu Pfhumu Nungungulu a ganelago.

Jeremiya 50:21

Duga ni gikwata nya nyimbi u ya dwanisa litigo la Meratayimi, gumogo ni vavbanyi va Pekodhi; va lundreni mu va sasela mu va mbembisela muphelo, a ngu ganela Pfhumu Nungungulu. Thuma satshavbo nyi gu rumidego.

Jeremiya 50:25

Pfhumu Nungungulu a di tula malanga a vegago matshari yaye, a ma dusa vbavbandze khu likhulo laye; kholu Mune Pfhumu Nungungulu nya Tshivba Yatshavbo a na ni thumo a vbwetago gu wu gira tigoni ga Vakalidhiya.

Jeremiya 50:45

Khu guralo, yingisani iso Pfhumu Nungungulu a hungidego, ni makungo a fungidego khu Bhabhiloni, gumogo ni iso a vbwetago gu gira mayelano khu litigo la Vakalidhiya; khu lisine ni mitshambi yawe nya yidugwane yi na kukulutwa, ni wuhaviseloni gwawe gu na khala giwula.

Jeremiya 51:11

Lodzani sighalala, mu phara sitshangu! Pfhumu Nungungulu a pepugiside mapimo ya vafumeli va tigoni ga Medhiya, kholu makungo yaye, khu gu pfhungumula Bhabhiloni. Pfhumu Nungungulu a na phodza, a dzi phodzela khu nyumba yaye nya miphaso

Jeremiya 51:25

Pfhumu Nungungulu a ngu ganela, khuye: Nyi womo avba gasi gu wugela uwe gigomo nya wupfhungumuli, uwe u pfhungumulago litigo latshavbo; nyi na phela kheni nyi gu handzega mandza yangu, nyi gu wumbulutela khu vbatshani nya siwindri u thega, u khala litala nya nguma.

Jeremiya 51:48

Ndzadzi ni mafu gumogo ni satshavbo si guromo umomo, si na tsaka si womba mikulungwane khu kotani ya Bhabhiloni, kholu avo vatago vata sasela litigo leli, va nata khu Wuronga, a ngu ganela Pfhumu Nungungulu.

Jeremiya 51:56

Kholu musaseli a nata sasela Bhabhiloni; dzindrena dzaye dzi na modwa, matshari yawe ma fanyeledzedwa; kholu Pfhumu Nungungulu a bweledzelago mihandro ya va nya guvivba, kha digi gu va ninga tshatshazelo nya mithumo yawe.

Jeremiya 51:58

Pfhumu Nungungulu nya Tshivba Yatshavbo, a ngu ganela kharati, khuye: Mabhiyo nya guaname ma bhiyidego Bhabhiloni, ma na khungumuledwa muphelo, gu vbiswa ni malimba yaye nya gulaphe, mafumbu ya tigoni ma na bani ma thumede mahala, mayigo ma napwa wuvi khesi si vbidego.”

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Amosi 9:2

Ambari va gu kemba kala va vboha phalani nya vafi, gyandza gyangu gi naya va dusa khumo; va gu lita kala Ndzadzini, nyi naya va tshigisa khiyoyo.

Amosi 9:4

Ambari va gu yiswa wugumbitunu khu valala vawe, nyi na va rumela litshari li ya va songa. Nyi na va khedza khu maho nya guvivbe, nasiri khu wuwadi.

Habhakuka 2:9

Libango ga wule a wungedzelago nyumbani gwaye dzithomba nya gube, gasi gu vega gihaga gyaye vbatshani, gasi a kodza gu dzi vbanyisa ga gyandza nya guvivbe!