Jeremiya 51:50 - Bhibhiliya Nya Guage

⁵⁰ Enu mu vbulugidego gu songwa khu matshari, thavani, vbiredzani gu khuga, thavelani mayigo ya hwindzo, ambari na muri hwindzo mu nga divaledwi khu Pfhumu Nungungulu, myonyo yanu yi na alakanye Jerusalema.

Jeremiya 51:50 Iomraidhean Croise

Dzindzimo 122:6

Lombelelani gasi gu manege gurula Jerusalema! Va na vbanye na va tangade avo va gu golago.

Isaya 48:20

Duga khu tigoni ga Bhabhiloni, thavani vbakari ga Vakalidhiya, mu tivisa esi na mu gu kulungela khu gutsaka; si huweleleni kala mahegiso nya litigo; mu ganela, khenu: “Pfhumu Nungungulu tshudziside githumi gyaye Jakobe.

Isaya 51:11

Gu na gira kharato ga vale va tshudzisidwego khu Nungungulu, va na wuya Siyoni na va gu womba mikulungwane, gutsaka gu si hegisigo gu na wonega dzikhovbeni gwawe, gunengela ni litsako si na manega vbakari gwawe, gima kha va na ngapwa gambe guvbisa ni gudilela.

Isaya 52:2

Khuga u ema u dzi phuphutha kudzudzwane, u khala vbagikhalotunu gwago, uwe Jerusalema. Tshula makhetshe ma guromo thamoni gwago, uwe nyamahegyane nya khumbi ya Siyoni!

Jeremiya 31:21

Vegani mitseneno ni misimbo nya gu layedze ndzila, khedzani gwadi mu gimbila khiyo. Li ngu wuya likendzi la Israyeli, li wuyela madhoropani gwaye.

Jeremiya 44:28

Vadugwana ngudzu avo va na gu vbulugago gu sasedwa khu matshari va wuya tigoni gwawe Judhiya; avo va na vbulugago nya va na Judha va nga bani va khade valuveli tigoni ga Egipito, va na dziti nya gukhavo magana ya mani ma tiyidego: Ayo yangu, mwendro yawe.

Jeremiya 50:8

Enu thavani vbakari ga Bhabhiloni, dugani khu tigoni ga Vakalidhiya, mu girani kha nga vanyamabhongwe va thangago mbeli nya tshambi.

Jeremiya 51:45

Enu vathu vangu dugani vbakari gwaye! Muthu ni muthu a na vbanyise womi waye, thavani likhulo nya guthise la Pfhumu Nungungulu.

Jeremiya 51:6

Thavani khu dhoropani ga Bhabhiloni! Moyo ni moyo, a na vbulugise womi waye! Mu nga songwa khu kotani nya sighoho sawe, Kholu, egi khu gikhati Pfhumu Nungungulu a dzi phodzelago; a va bweledzela gukhedza khu mithumo yawe.

Ezekiyeli 6:9

Mayigoni momo mu na vbagedwago mu ya umo, vale va na vbulugago gu songwa va na nyi alakanya mayigoni mule va na yiswago umo guya girwa dzikhumbi; kholu va nyi swihadzide khu kota nya myonyo yawe nya wuphuphulu va hambana ni eni, maho yawe ma dogorela sifananiso sa vanungungulu vawe nya malipha; khu guhegisani, va na dzi laya vabune kamwe khu kotani nya mithumo yawe yatshavbo nya guvivbe va giridego.

Dhaniyeli 6:11

Khavbo avbo, vama vale va di pwanana vaya ga Dhaniyeli vaya mu mana na gu lombelela, a lomba guphaswa khu Nungungulu waye.

Gutuledwa 18:4

Nyi dipwa gambe lito khu ndzadzini, na li gu ganela, khilo: “Dugani enu vathu vangu khu dhoropani momo, gasi mu si hengeli naye sighoho saye, mu patwa nenu sitsayisoni gwaye.