Jeremiya 51:5 - Bhibhiliya Nya Guage

⁵ kholu Israyeli ni Judha kha va digwa khu Nungungulu wawe, ni Pfhumu Nungungulu nya Tshivba Yatshavbo ambari litigo la Vabhabhiloni li tadego khu sighoho nya gu ghohele Gihathwa gya Israyeli.

Jeremiya 51:5 Iomraidhean Croise

1 Dzipfhumu 6:13

Nyi na vbanya vbakari ga sanana sa Israyeli, gima kha nyi diga vathu vangu va na Israyeli.

2 Dzipfhumu 21:16

Gu diga nya esi, Manasi vbaladzide gambe novba nya wungi ngudzu nyambana nandru, kala a tadza Jerusalema gwatshavbo khuwo, gukhugela mahegiso kala mahegiso, vbavbandze nya gighoho gyaye a nga ghohisa khigyo va na Judha, giride silo nya guvivbe mahoni ga Pfhumu Nungungulu.

Ezira 9:9

kholu ethu hi dzikhumbi; aholu muwugumbini gwathu Nungungulu wathu kha hi diga gilo; Uye a di thawuludza libogo laye a yeyedza wuwadi waye avbo gwathu, mbeli ga vafumeli va Perisiya, a hi vbulugiside gasi hita vbaha Nyumba ya Nungungulu wathu, hi wusedza marumbi yaye, gasi hi ningwa likhokhola nya gutiye tigoni ga Judha ni Jerusalema.

Dzindzimo 94:14

Kholu Pfhumu Nungungulu kha na diga vathu vaye, ambari gu diga thomba yaye.

Isaya 44:21

Dundruga silo sesi uwe Jakobe, ni uwe Israyeli, kholu nyi gu giride githumi gyangu. Nyi gu wumbide gasi gu khala githumi gyangu; uwe Israyeli, gima kha nyi na gu divala.

Isaya 51:15

Kholu eni kheni Pfhumu Nungungulu wago, nyi kutsungago linene ma khusega mavimbi. Lina langu, kheni Pfhumu Nungungulu nya Tshivba Yatshavbo.

Isaya 62:12

Va na ranwa gupwani Vathu va Agidego, Va tshudzisidwego khu Pfhumu Nungungulu; ni uwe Siyoni, u na ranwa pwani u Lidhoropa u Vbwetwago, Khandri u Giwula.”

Jeremiya 14:19

Ina va na Judha u va digede muphelo, gani? Ina kamwe monyo wago wa gu swihala khu Siyoni, gani? Khu ginani u hi podego dzimbanga dzi si vboligo, na? Ha gu lindrela gurula, aholu gimwalo nya gyadi hi gi wonago; Ha gu khedzisela gikhati nya guvbanyiswe, aholu ha guta mana wuvi.

Jeremiya 14:9

Khu ginani u gira nga muthu a garadego, mwendro ndrena nyambana tshivba yi gumba kodza gu vbanyisa? Aholu uwe Pfhumu Nungungulu, u womo vbakari gwathu, ethu ha gu ranwa khu lina lago; u nga hi digi.

Jeremiya 16:18

Khu guhegula, nyi na va bweledzela khu nyondro mbili tshatshazelo nya sighoho ni wuvivbi va nga nyenyezisago khuwo litigo langu, ni sirumbi nya sifananiso sawe, si nyenyezisago thomba yangu.

Jeremiya 19:4

Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 23:15

Khu guralo, Pfhumu Nungungulu nya Tshivba Yatshavbo a ngu ganela kharati mayelano khu vaprofeti, khuye: “Nyi na va ninga va hodza mihandro nya guvave, bwelo khavbo va sela wuhungu; kholu khu ga vaprofeti va Jerusalema gu yadwe sighoho tigoni gwatshavbo.”

Jeremiya 31:37

Pfhumu Nungungulu a ngu ganela kharati, khuye: “Mwa gu kodzani gupima wugulu wa vbatshani ndzadzini ni gu wona mahegiso nya litigo omu vbavbatshi, khavbo neni nyi na gu hambanago ni situgulwana sa Israyeli, khu satshavbo va giridego,” khu Pfhumu Nungungulu a ganelago isoso.

Jeremiya 46:28

Pfhumu Nungungulu a ngu ganela, khuye: U nga thavi, uwe githumi gyangu Jakobe, kholu eni nyi nago, nyi na mbembisa mayigo yatshavbo umo nyi nga gu phalalegiselago umo, gasi uwe, kha nyi na gu mbembisa, nyi na gu tsayisa khu lipimo kha nyi na gu diga nyamba gu tsayisa khu tshivba.

Jeremiya 50:20

Khu matshigu yoyo ni gikhati gyogyo, a ngu ganela Pfhumu Nungungulu, va na vbweta wuvivbi wa Israyeli, va si wu mani, va vbweta sighoho sa Judha, va si si mani, kholu nyi na tsetselela vale nyi na gu va diga va vbanya.

Jeremiya 51:19

Aholu Nungungulu wa Jakobe, kha fanani ni vanungungulu vovo, kholu uye khuye Muvangi nya silo satshavbo, Israyeli lihundzu nya thomba yaye, lina laye khuye Pfhumu Nungungulu nya Tshivba Yatshavbo.

Ezekiyeli 8:17

Khavbo avbo, uye a di nyi embela, khuye: “Mwamana wa muthu, u si wone isoso, gani? Ina silo nya nga isoso, si vbevbugide ga va na Judha gu gira silo nya manyala nya nga esi, gani? Khandri va gu nyi gorosa? Wona! Avo va gu hidzimisa litamo vbafuvbi ni dzithonvu dzawe!

Ezekiyeli 9:9

Uye a di nyi hakha, khuye: “Guvivba ga va na Israyeli ni ga va na Judha, gukhongolo ngudzu; litigo li tade khu novba wu vbaladzidwego, ni lidhoropa li tade khu wudambane. Avo va gu ganela, khavo: Pfhumu Nungungulu dugide tigoni momu; kha hi woni.

Hoseya 2:1

Aholu va na Israyeli, tengo wawe wu nga na gu simama gu andra nga fungu wa phwani wu si kodzwigo gu pimwa ambari gu sayedwa. Aholu, avbo gu nga bani gu ganedwa gupwani: “Enu mu dirisi vathu vangu.” Va na embedwa pwani: “Enu mu vathu va Nungungulu a vbanyago.”

Hoseya 2:3

Ranani vandriyanu nya vama, khenu: “Vathu vangu” ni vandriyanu nya vanyamayi, khenu: “Sigodwa sangu.”

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Hoseya 4:2

Gu wonega basi guvalana, malipha, ni gusongana, wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Mikeya 7:20

U na yeyedza gutumbega gwago ga Jakobe, ni ga Abrahama, wuwadi wago, kha nga u sambanyedego ga vababe vathu gukhugela matshiguni ya gale.

Zakariya 12:6

Khu litshigu lolo, nyi na gira vathangeli va Judha va khala kha nga magala nya gudzure vbakari nya dzikhuni, ni mwenge vbakari nya dzinyandra; va na mbembisa, nyamudye ni nyambade, mayigo yatshavbo ma va randredego. Jerusalema a na wuya a manega ni vathu va vbanyago umo, bwelo khavbo a khala gambe wulangani gwaye.

Zakariya 12:8

Khu litshigu lolo, Pfhumu Nungungulu a na vhikela vathu va vbanyago Jerusalema, khu litshigu lolo, oyu nya gusolege vbakari gwawe, a na fanana ni mufumeli Dhavhidhe, gambe nyumba ya Dhavhidhe yi na wonega kha nga Nungungulu, kha nga ngilozi ya Pfhumu Nungungulu yi thangidego mbeli gwawe.

Zakariya 2:12

Pfhumu Nungungulu a na fumela Judha kha nga thomba yaye tigoni nya gukatege, gambe a na dzi hathela nyaluphye lidhoropa la Jerusalema.

1 Samuweli 12:22

Kholu, khu kotani nya lina laye nya likhongolo, Pfhumu Nungungulu, kha na dzudzuga vathu vaye, kholu si nengedziside Pfhumu Nungungulu, gu mi hathani mu khala vathu vaye.