Jeremiya 51:35 - Bhibhiliya Nya Guage

³⁵ Vavbanyi va Siyoni va na ganele, khavo: Khu iso va hi giredego milini gwathu, novba wathu wu na thegele vbatshani ga Bhabhiloni. Jerusalema nuye a na ganele, khuye: Novba wathu wu na vbalage vbatshani ga vavbanyi va Kalidhiya.

Jeremiya 51:35 Iomraidhean Croise

Genesi 16:5

Sarayi a di embela Abrama, khuye: “Dzitshoni nyi thedwago khu kotani yago dzi na thegela uwe. Eni nyi gu ningide githumi gyangu gu khala mwangadzi wago, olu gi dzipwago na giri ni mimba gya gu nyi nyenya. Pfhumu Nungungulu a na hi lamule ethu ha vavili, uwe ni eni!”

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 9:12

Nungungulu a ngu alakanya avo va sanisekago, gima kha divaledwi khu gulila gwawe, a ngu tsayisa vasongi.

Jeremiya 50:10

Litigo la Kalidhiya li na phangwa; vaphangi vakone va na mana nya singi, a ngu ganela Pfhumu Nungungulu.

Jeremiya 50:29

Rambani vatshavbo va kodzago gu khwandra siholoma; va na hekhe litigo la Bhabhiloni, va li randrela gu si dugi ni wa gu duga. Va bweledzeleni gukhedza khu mithumo yawe, satshavbo a mi giredego mu gireleni nuye kharalo; kholu a dzi khusedzide a wugela Pfhumu Nungungulu, Gihathwa gya Israyeli.

Jeremiya 51:24

Nyi na bweledzela Bhabhiloni ni vavbanyi vatshavbo va Kalidhiya guvivba gwatshavbo va giredego Siyoni na mu gu si wona khu maho yanu, a ngu ganela Pfhumu Nungungulu.

Gililo 1:22

Sighoho sawe satshavbo si na wonege mahoni gwago! U kodza gu va tsayisa nga idzo u nga nyi tsayisago khidzo eni, khu kotani nya sighoho sangu. Kholu gudilela gwangu kha gu hegisi, ni monyo wangu wu ngu vbisa.

Habhakuka 2:17

Kholu dzihanyi u giredego Libhanoni dzi na gu thegela. U na thedwa hwanga khu sirengo u si songetedego. Kholu u vbaladzide novba nya wungi, u sasede mayigo, madhoropa ni vavbanyi vaye.

Zakariya 1:15

Gambe nyi ngupwa likhulo nya likhongolo ngudzu khu kotani nya mayigo ma guromo gukhadzisegani; kholu avbo eni nyi nga bani nyi gorogide vbadugwana khu kotani nya vathu vangu, ayo ma di engedzela gu gira guvivba.

Matewu 7:2

Kholu, idzo mu na lamulago khidzo vakwanu, mu na lamudwa nenu khidzo. Ndronga mu na pimago khiyo vakwanu, khiyo mu na pimwago nenu khiyo.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Gutuledwa 16:6

U va sedziside novba, kholu va vbaladzide novba wa va nya gukatega ni vaprofeti, va fanedwe khu tsayiso yoyo.”

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

Gutuledwa 18:6

Mu bweledzeleni guvbindrisa guvili, gukhedza khu guvivba a nga mi girelago. Omu nya gikombe a nga mi sedza khigyo, thelani sipimo sivili.

Gutuledwa 6:10

Va di gu huwelela khu tshivba, khavo: “ Pfhumu, uwe khuwe u agidego ni gutumbega! Hi na lirela kala lini gasi u lamule vathu va tigonimu, u hi phodzela olu va nga hi songetelago?”

Valamuli 9:20

Aholu a gu bani na siri kharato, gu na duge nilo khavbo ga Abhimeleki wu na gumbembisago vatshavbo vavbanyi va Bheti-Milo, wu mbembisa gambe ni Abhimeleki.

Valamuli 9:24

Gasi ndrwadza yeyi yi nga girwa ga sanana sa Jerubhahali nya livbandre na mavili magumi, novba wawe wu phodzedwago khu gu thegela vbatshani ga Abhimeleki, ndriyawe, a nga va songago, ni ga vavbanyi va dhoropani ga Sikemi, va nga mu tiyisago mawogo, gasi a sasela vandriyaye.