Jeremiya 51:30 - Bhibhiliya Nya Guage

³⁰ Dzindrena dza Bhabhiloni, dzi digide matshari dzi tutuma, dzi ya sihala makhokholani gwawe, dzi vbede tshivba, dzi khala kha nga vanyamayi, dzinyumba dzawe dzi ngu dagarela, ni migonyo nya malimba yawe yi fanyeledzedwe.

Jeremiya 51:30 Iomraidhean Croise

Dzindzimo 107:16

Kholu pandrelede malimba nya sikete, a fanyeledzela migonyo nya dzisimbi.

Dzindzimo 147:13

Kholu a ngu tiyisa malimba nya dzinyangwa dzago, a kategisa sanana sago ndrani nya libhiyo lago.

Dzindzimo 76:5

Dzindrena dzawe dzi wandredwe matshari; va nya tshivba kha va dzi kodza gu gira gilo. Olu va lade ligovbe nya mahegiso, yi mwalo ndrena ni mweyo yi nga tshalago, gasi gu thumisa matshari yawe.

Isaya 19:16

Khu litshigu lolo, Vagipiti va na fanana ni vanyamayi, va na ndrendremela va thava gu vetwa khu gyandza gya Pfhumu Nungungulu nya Tshivba Yatshavbo, a gi khusedzidego gasi gu va wugela.

Isaya 47:14

Avo va na khala kha nga mavivi nya gubange, va na tsaganiswa khu nilo. Avo kha va na dzi vbulugisa tshivbani nya malavbelavbe nya nilo; ma na bani ma siri magala nya guworwe khu muthu, ambari nilo nya gukhale vbafuvbi u wora.

Jeremiya 48:41

Madhoropa yawe ma na phangwa, ma wandrwa makhokhola yawe; khu litshigu lolo, myonyo nya dzindrena dza Mowabhi, yi na fanana ni monyo nya nyamayi a lumwago.

Jeremiya 50:15

Wombani pundru nya nyimbi, mu randreleni khu maphuvbo yatshavbo mu dwane naye! Uye a ngu thesa matshari a dzi ningela, makhokhola yawe ma ngu thega, ni mabhiyo yaye ma ngu khungumuga! Kholu oyu khu tsayiso wa Pfhumu Nungungulu; dzi phodzeleni kha nga idzo va mi giredego.

Jeremiya 51:32

va segide dzindzila, va vbisedzede dzinyumba khu nilo, masotshwa ma pilegide hwambo khu hwanga.

Jeremiya 51:57

Pfhumu Nungungulu a ngu ganela, khuye: “Nyi na levisa vathangeli ni vagengeli vawe, vafumeli, dzindruna ni masotshwa yawe, va na lala ligovbe nya gupindruge nyamba khendzuga gambe; a ngu ganela Mufumeli, lina laye a gu uye Pfhumu, Nungungulu nya Tshivba Yatshavbo.

Gililo 2:9

Malimba ya Jerusalema ma thegide vbavbatshi; ma pandregide gu funyega sikwinyaro; vafumeli ni vathangeli va phalalegide ni mayigo. Olu wu mwalo gambe nayo, ambari ni vaprofeti Pfhumu Nungungulu kha ngu va tulela gambe siwoniso. Yod

Amosi 1:5

Nyi na fanyeledzela migonyo ya Dhamasiko, nyi mbembisa vavbanyi va Bhekiyati-Avheni, ni wule a pharago ndronga nya wufumu wa Bheti-Edheni; vathu va Siriya va na yiswa wugumbitunu tigoni ga Kiri, a ngu ganela Pfhumu Nungungulu.

Nahume 3:13

Wona nya gukhuwe masotshwa yago ma na khala kha nga vanyamayi! Malimba ya tigoni gwago, yatshavbo ma na tuledwa valala vago, sikwinyaro sago si na vbiswa khu nilo.

Gutuledwa 18:10

Va na ema khu hwindzo khu gu thava gutshaniseka gwaye, khavo: “Libango! Libango lago uwe lidhoropa nya likhongolo la Bhabhiloni, lidhoropa nya gutale khu tshivba! Kholu u vbohedwe khu gikhati nya gutsayiswe gwago.”