Jeremiya 51:29 - Bhibhiliya Nya Guage

²⁹ Mafu ma na tsekatseka khu gu vbisega, kholu makungo ya Pfhumu Nungungulu, momo vbafuvbi ni gu gira iso a sambanyidego gu gira ga litigo la Bhabhiloni, gu li gira marumbi nyamba khadwa gambe khu muthu.

Jeremiya 51:29 Iomraidhean Croise

Isaya 14:16

Avo va na gu wonago va na samala, khavo: Khandruye oyu a nga bani a ndrendremedzisa mafu, a kutsunga ni mifumo, gani?

Isaya 24:20

Mafu ma na khuyuga ma dhedhereka kha nga muthu nya guleve, ma na kutsungega gu fanana ni mwendra nya gu vhikele dzitshuna; ma na lemedwa khu sighoho saye, ma na thega nyamba kodza gu wuga gambe.

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Jeremiya 50:13

Khu kotani nya likhulo la Pfhumu Nungungulu, mwalo na moyo a na gu khalago umo, aholu li na bani liri marumbi nya guvbelele; ni vatshavbo va na vbindrago khu Bhabhiloni, va na samala ni gu womba ndrodzi, khu gu wona dzimhango dzatshavbo dzi na gu mu dugelelago.

Jeremiya 50:36

Va na songwa khu matshari vatshavbo vaprofeti vawe nya malipha, gasi va hambanega mapimo, ma sasela gambe ni dzindrena dzawe gasi dzi vbele tshivba.

Jeremiya 50:43

Avbo mufumeli wa Bhabhiloni, a nga pwago ndruma yawe, a di pilega hwambo a vbela tshivba, a tedwa khu rerema, a vbisega kha nga nyamayi a lumwago.

Jeremiya 50:45

Khu guralo, yingisani iso Pfhumu Nungungulu a hungidego, ni makungo a fungidego khu Bhabhiloni, gumogo ni iso a vbwetago gu gira mayelano khu litigo la Vakalidhiya; khu lisine ni mitshambi yawe nya yidugwane yi na kukulutwa, ni wuhaviseloni gwawe gu na khala giwula.

Jeremiya 50:46

Mafu ma na ndrendremela khu ligwaha nya gu wandrwe Bhabhiloni, dzihuwa dzawe dzi na pwala khala ga mambe mayigo.”

Jeremiya 51:26

Mwalo muthu a na gu thumisago gambe siwindri sa vbandzaritunu gwago, gasi gu gira khiso madingo mwendro khokhweni, kholu uwe u na khala marumbi kala gupindruga, a ngu ganela Pfhumu Nungungulu.

Jeremiya 51:28

Rambani mayigo yatshavbo ni vafumeli va Medhi, ni vathangeli nya dzinyimbi dzawe, madhota ni mayigo yatshavbo a ma fumelago.

Jeremiya 51:37

Bhabhiloni a na vbindrugedza a khala litala nya siwindri umo yi na vbanyelago umo migehe, gilo nya gisamadziso ni gihegiso, wulanga wu si khadwigo khu muthu.

Jeremiya 51:43

Madhoropa yaye ma vbindrugedzide ma khala marumbi, ma khala marumbi ni gihala, giwula nyamba khadwa khu muthu umo ni muthu moyo a si vbindrigo khumo.

Jeremiya 8:16

Gukhugela Dhani gu pwala ligwaha nya dzikavalu; litigo latshavbo li ngu tsekatseka khu kotani nya lito lawe; va nguta vata mbembisa litigo ni satshavbo si guromo umomo, lidhoropa gumogo ni vatshavbo va vbanyago umo.

Joyele 2:10

Mbeli gwawe mafu ma gu tsekatseka, ni damboni gu ndrendremela; lidambo ni ngima si pfhupela, ni dzinyeledzi dzi na dusa wenengedzo wawe.

Amosi 8:8

Khu kotani nya isoso, ina litigo kha li na tsekatseka, ni vatshavbo va vbanyago umo, kha va na lila, gani? Litigo leli latshavbo li na khugega nga tsongo nya wukhongolo Nilo, li na khugega bwelo khavbo li bosa nga tsongo wa Egipito.

Gutuledwa 18:2

Yi di huwata khu tshivba khu lito nya gukhugege, khiyo: “Thegide! Thegide Bhabhiloni nya khongolo, gu vbindrugedzide gu khala wulanga nya madhimoni, phago nya maphuvbo yatshavbo nya guvivbe, ni wuthavelo nya sinyoni satshavbo nya gunyenyeze, si vengegago.