Jeremiya 51:28 - Bhibhiliya Nya Guage

²⁸ Rambani mayigo yatshavbo ni vafumeli va Medhi, ni vathangeli nya dzinyimbi dzawe, madhota ni mayigo yatshavbo a ma fumelago.

Jeremiya 51:28 Iomraidhean Croise

Genesi 10:2

Sanana sa Jafeti khesi: Ghomeri, Magogi, Madhayi, Javani, Tubhali, Meseki ni Tira.

1 Dzikoronika 1:5

Sanana sa Jafeti si diri esi: Ghomeri, Magogi, Madhayi, Javani, Tubhali, Meseki ni Tirasi.

Isaya 13:17

Wona, nyi na va ranela Vamedhi, avo va si khathaligo khu parata, ambari gudogorela ndralama.

Isaya 21:2

Gu dita gwangu giwoniso nya gusamadzise ngudzu gi ta nyi embela, khigyo: “Mukanganyisi a ngu kanganyisa, ni muphangi a ngu phanga. Enu va na Elamo indrani mu ya dwana, enu Vamedhiyani, randrelani lidhoropa; dzihuwa dzawe dzatshavbo nyi ngu dzi vbedza.

Jeremiya 25:14

Kholu Vabhabhiloni navo va na khoziswa khu mayigo nya mangi ni vafumeli nya vakhongolo; khu kharato nyi na va bweledzela gukhedza khu sigiro sawe ni gukhedza khu mithumo ya mandza yawe.”

Jeremiya 25:25

ni vafumeli vatshavbo va Ziniri, ni vafumeli vatshavbo va Elamo ni vafumeli vatshavbo va Medhi;

Jeremiya 50:41

Wonani, va nguta vathu va dugelago khu phuvbo ga Wuronga; litigo nya likhongolo, ni vafumeli nya vangi nya tshivba, va na dugelela khu mahegiso nya litigo;

Jeremiya 51:11

Lodzani sighalala, mu phara sitshangu! Pfhumu Nungungulu a pepugiside mapimo ya vafumeli va tigoni ga Medhiya, kholu makungo yaye, khu gu pfhungumula Bhabhiloni. Pfhumu Nungungulu a na phodza, a dzi phodzela khu nyumba yaye nya miphaso

Jeremiya 51:27

Ghwimbani ngavbya mafuni, mu womba pundru vbakari nya mayigo, mu rana mayigo ma ya mu sasela; mu mu rambela mifumo ya Ararati, Mini ni Asikinazi! Mu hatha muthangeli nya nyimbi, mu rumela dzikavalu nya gutale, dzi mu fenengedza kha nga mwamba nya dzimbera.

Jeremiya 51:29

Mafu ma na tsekatseka khu gu vbisega, kholu makungo ya Pfhumu Nungungulu, momo vbafuvbi ni gu gira iso a sambanyidego gu gira ga litigo la Bhabhiloni, gu li gira marumbi nyamba khadwa gambe khu muthu.

Dhaniyeli 6:1

Mufumeli Dhariyo, a di wona nari gwadi gu emisa lizana ni magumavili (120) vathangeli nya gufumele litigo laye latshavbo,

Dhaniyeli 6:8

Gasi olu uwe mufumeli, vega nayo yoyu u wu sayina gasi wu si vbindrugedzwi, kha nga idzo wu rumago khidzo nayo wa Vamedhi ni Vaperesi, owu wu si kodzwigo gu vbindrugedzwa.

Dhaniyeli 8:20

Hamba nya dzikheho dzimbili u yi wonidego, ya gu yeyedza vafumeli va Medhi ni va Peresi.

Dhaniyeli 9:1

Khu mwaga nya guhegule nya gufume ga Dhariyo, mwamana wa Asuwero, nya lihundzu nya Vamedhi, oyu a nga bani na emisidwe gu khala mufumeli nya mufumo wa Vakalidhiya.