Jeremiya 51:27 - Bhibhiliya Nya Guage

²⁷ Ghwimbani ngavbya mafuni, mu womba pundru vbakari nya mayigo, mu rana mayigo ma ya mu sasela; mu mu rambela mifumo ya Ararati, Mini ni Asikinazi! Mu hatha muthangeli nya nyimbi, mu rumela dzikavalu nya gutale, dzi mu fenengedza kha nga mwamba nya dzimbera.

Jeremiya 51:27 Iomraidhean Croise

Genesi 10:3

Sanana sa Ghomeri khesi: Asikenazi, Rifati ni Togarima.

Genesi 8:4

Khu litshigu nya likhumi na livbandre na mavili nya ngima nya livbandre na mivili, litaro li diya tshegema gigomoni gya Ararati.

2 Dzipfhumu 19:37

Avbo a nga bani na gu khidzimide nyumbani ga nungungulu waye Nesiroki, sanana saye Adharameleki ni Sarezeri, va di mu songa khu gu mu paya khu litshari, va tutuma va hongola tigoni ga Ararati. Mwanaye Esari-Hadhomi, khuye a mu tshikedzidego vbagikhalotunu gwaye nya wufumu.

1 Dzikoronika 1:6

Sanana sa Ghomeri si diri esi: Asikenazi, Rifati ni Togarima.

Isaya 18:3

Enu, mwatshavbo vavbanyi va mafuni ni sivelegwa sa tigoni, ya gu ghwimbwa ngavbya vbatshani nya sigomo, mu na yi wonani; avbo gu wombwago pundru, mu na wu pwani.

Isaya 37:38

Tshigu mwedo na gu khozela nyumbani ga Nisiroki, nungungulu waye, sanana saye, Adharameleki ni Sarezeri, va di mu songa khu litshari va tutuma va thavela tigoni ga Ararati; Mwanaye Esari-Hadhomi a di fuma wulangani gwaye.

Jeremiya 25:14

Kholu Vabhabhiloni navo va na khoziswa khu mayigo nya mangi ni vafumeli nya vakhongolo; khu kharato nyi na va bweledzela gukhedza khu sigiro sawe ni gukhedza khu mithumo ya mandza yawe.”

Jeremiya 46:23

Pfhumu Nungungulu a ngu ganela, khuye: “Va di hagata magabi yawe ambari ma nga bani ma khumide, kholu avo vangi guvbindra mbasa tengo wawe kha wu valedwi khu muthu;

Jeremiya 50:2

Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Jeremiya 50:3

Kholu, litigo li dugelago Wuronga, li nguta guta sasela litigo lawe, li na li vbindrugedza li khala marumbi; vathu ni sirengo sawe, vatshavbo va na tutuma va thava.

Jeremiya 50:9

Kholu wonani nya gukhenu eni nyi na resela Bhabhiloni mitsawa ni sidzemo sa mayigoni nya makhongolo si tago khu Wuronga, va nata wumba gikwata va dwana naye kala va mu pala; matshari yawe, ma na fanana ni ya ndrena yi gengedego ni limwedo kha li na wuya mahala.

Jeremiya 51:12

Ghwimbani ngavbya mudzindzarini ga Bhabhiloni, engedzelani vaemeledzi mu vega dzighadhi, va vandrameleni, kholu Pfhumu Nungungulu a ngu tadzisa gikungo a hungidego khu gale nya guwugele vavbanyi va Bhabhiloni.

Jeremiya 51:14

Pfhumu Nungungulu nya Tshivba Yatshavbo, sambanyide khu wurumba waye kamwe, khuye: “Nyi na rumela vathu nya gutale, nya gufanane ni mwamba nya dzimbera, va nata womba mikulungwane nya gu ghiye khu gu gupala.”

Jeremiya 51:28

Rambani mayigo yatshavbo ni vafumeli va Medhi, ni vathangeli nya dzinyimbi dzawe, madhota ni mayigo yatshavbo a ma fumelago.

Jeremiya 6:1

Enu sanana sa Bhejami, thavani vbakari ga Jerusalema; wombani pundru tigoni ga Tekowa, khusedzani giyeyedzo nya nilo tigoni ga Bheti-Hakerimi; kholu libango li nguta ni valala khu phuvbo ga Wuronga ni wusaseli nya wukhongolo.

Joyele 3:9

Huwelelani esi ga mayigo, khenu: Dzi lulamiseleni guya nyimbitunu, khendzugisani dzindrena, masotshwa yatshavbo nya nyimbi ma tshangane ma ya litungatunu.

Amosi 3:6

Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?

Zakariya 14:2

Kholu nyi na tombanisa mayigo yatshavbo ma ta hengela gu dwanisa Jerusalema; lidhoropa li na wandrwa, dzinyumba dzi na pfhungumuledwa, vanyamayi va na pfinywa, gipandre nya vathu va dhoropani va na vbagedwa va yiswa wugumbini, aholu avo va na tshalago kha va na tutumiswa dhoropani.

Valamuli 6:5

Kholu avo va dita ni sifuyo sawe gumogo ni mitshatsha yawe; avo gumogo ni dzingameriya dzawe, va diri vangi ngudzu kha nga dzimbera nya gutale nyambana tengo; va dita gasi guta khungumula litigo.