Jeremiya 51:25 - Bhibhiliya Nya Guage

²⁵ Pfhumu Nungungulu a ngu ganela, khuye: Nyi womo avba gasi gu wugela uwe gigomo nya wupfhungumuli, uwe u pfhungumulago litigo latshavbo; nyi na phela kheni nyi gu handzega mandza yangu, nyi gu wumbulutela khu vbatshani nya siwindri u thega, u khala litala nya nguma.

Jeremiya 51:25 Iomraidhean Croise

Genesi 11:4

Khu hwane nya ugo va di khavo: “Olu hongoleni hi vbahe lidhoropa ni langwe nya yikhongolo nya gulaphe ngudzu yi manela ndzadzini, kholu gu vbwetega hi pwala ndruma, gasi hi si phalalegiswi ni litigo latshavbo.”

Dzindzimo 138:7

Nya gu bani nyiri vbakari nya dzimhango, uwe u ngu nyi vbanyisa, wa gu thawuludza libogo lago la nyamudye u nyi vhikela ga valala vangu; u nyi vbanyisa khu tshivba yago.

Isaya 13:2

“Ghwimbani ngavbya vbatshani nya gigomo nyambana misimbo; khusani lito, va khweneteni khu mandza, gasi va ta bela khu myanya ya vathu nya guthavisege.

Jeremiya 25:12

Khu guralo, Pfhumu Nungungulu a ngu ganela, khuye: Hwane nya gu bani gu vbede livbandre na mavili magumi myaga, nyi na tsayisa mufumeli wa Bhabhiloni khu kotani nya sighoho saye gumogo ni vathu vaye, kha nga gambe ni litigo nya Vakalidhiya nyi na li vbindrugedza li khala marumbi nyamba vbela.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 50:25

Pfhumu Nungungulu a di tula malanga a vegago matshari yaye, a ma dusa vbavbandze khu likhulo laye; kholu Mune Pfhumu Nungungulu nya Tshivba Yatshavbo a na ni thumo a vbwetago gu wu gira tigoni ga Vakalidhiya.

Jeremiya 50:31

Wona nya gukhuwe eni nyi dzi emisede gu dwana nago, uwe nyamatshandza wewe, a ngu ganela Pfhumu Nungungulu nya Tshivba Yatshavbo, kholu, li vbohide litshigu ni gikhati nya tsayiso wago:

Jeremiya 51:53

Bhabhiloni ambari nari a di lita kala damboni, aya tiyisa iyoyo makhokhola yaye, Eni nyi di hadza gu rumela vasaseli vaya mu mbembisa, a ngu ganela Pfhumu Nungungulu.

Jeremiya 51:58

Pfhumu Nungungulu nya Tshivba Yatshavbo, a ngu ganela kharati, khuye: Mabhiyo nya guaname ma bhiyidego Bhabhiloni, ma na khungumuledwa muphelo, gu vbiswa ni malimba yaye nya gulaphe, mafumbu ya tigoni ma na bani ma thumede mahala, mayigo ma napwa wuvi khesi si vbidego.”

Jeremiya 51:7

Litigo la Bhabhiloni li di gu fanana ni gikombe nya ndralama Pfhumu Nungungulu a pharidego mandzani, a sedza a levisa litigo latshavbo; mayigo ma di sela vbinyu yaye; khu guralo, ayo ma di handrugiswa mapimo.

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Zakariya 4:7

Uwe gigomo nya gulaphe, u ginani uwe mbeli ga Zorobhabheli? U na wonega kha nga lipani basi; kholu uye a na handzega giwindri nya guhegule na gu huwelela, khuye: Wuyani! Wuyani! Nungungulu a na kategise!

2 Pedro 3:10

Aholu Litshigu la Pfhumu li na vboha kha nga mbafa vbakari nya wutshigu. Litshigu lolo, ndzadzi yi na mwalalega gu pwala ligwaha nya gusamadzise. Satshavbo si guromo ndzadzini si navbya, litigo ni satshavbo si guromo tigoni si na fuviswa.

Gutuledwa 8:8

Ngilozi nya wuvili yi di womba pundru. Gilogyo nya gufanane ni gigomo nya gikhongolo nya gungangamele nga nilo gi di rinywa linene. Khavbo avbo, gipandre nya wuraru nya yiphwa yi di vbindrugedza yi khala novba.