Jeremiya 51:22 - Bhibhiliya Nya Guage

²² nyi gu thumiside gu vbadzulela vama ni vanyamayi; nyi gu thumiside gu vbadzulela sikhosane ni sikhwathana; nyi gu thumiside gu vbadzulela madzaha ni dzimbiri;

Jeremiya 51:22 Iomraidhean Croise

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Isaya 13:15

Uye a na manwago a na songwa, vatshavbo va na modwa va paywa khu matshari.

Isaya 13:16

Sanana sawe sa beleni si na pfareledwa mbeli gwawe, dzindranga dzawe dzi na phangwa, vagadzi vawe, va na pfinywa va sagaredwa.

Isaya 13:18

Malaho yawe va na songa khayo madzaha; gima kha va na pwa gisiro khu sanana si ngarigu ndrani; maho yawe kha ma na tsetsa sanana sa beleni.

Isaya 20:4

a na gira kharato mufumeli wa Asiriya, a na vbagela sibotshwa sa Egipito ni valuveli Vaetiyopiya, a va yisa wugumbini madzaha mwendro sikhosane na vari wumbwiri ni gumbana silato migondroni gwawe, marago yawe mari vbavbandze, va thela dzitshoni litigo la Egipito.

Jeremiya 44:7

Gasi olu, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Khu ginani mu dzi vangelago libango leli mwabune, kala gufa vbakari gwanu vama, vanyamayi, sanana, niso sa beleni; gu si tshali ni moyo nya guvbanye?

Jeremiya 50:37

Matshari ma na sasela dzikavalu, gumogo ni dzikareta dzawe ni ga valuveli vatshavbo va guromo vbakari gwawe, gasi va khala gukhwatshi vanyamayi! Matshari ma na sasela gambe dzithomba dzawe, dzi phangwa dzatshavbo.

Jeremiya 51:23

nyi gu thumiside gu mbembisa vahavisi ni mitshambi yawe; ni gu vbadzulela mulimi ni dzimombe dzaye; nyi gu thumiside gu vbadzulela dzindruna ni madhota yawe.

Jeremiya 6:11

Khidzo kharato nyi tadego khu likhulo la Pfhumu Nungungulu; nyi garade kha nyi nga gu dzi kodza gu dzi phara. Nyi na li vbaladza likhulo lolo vbatshani ga sanana sawe si gimbilago dzindzilani numo nya mitshangano nya vathu vaphya; kholu vatshavbo mwama ni ngadzi va na modwa gumogo, vama nya vakhongolo ni avo va gumbidego, vatshavbo va na modwa.

Gililo 2:11

Maho yangu guvbisa khu gu lila; hefemulo wangu wa gu garadzega, monyo wangu wu vbede tshivba khu guvbisega, khu gu wona gumbembiswa ga litigo langu, kholu nya gu wona sanana, niso sa beleni si titivalago dzindzilani nya lidhoropa Lamed

Gililo 2:21

Sanana ni sikhosane si mbambamede mu dzindzilani. Dzimbiri ni madzaha yangu va sasedwe khu matshari. U va songide khu litshigu nya likhulo lago, u va mbembisa nyamba va tsetsa. Tau

Ezekiyeli 9:6

Songetelani sikhosane, madzaha ni dzimbiri, vanyamayi ni sanana. Aholu mu nga khuhi ni moyo nya vale va gu na ni gifungo. Phelani khu Wulangani gwangu nya Guage.” Khavbo avbo, avo va di phela khu vathangeli va nga bani vari mbeli nya Nyumba ya Nungungulu.

Dhewuteronome 32:25

Vbavbandze, va naya sasedwa khu matshari, dzinyumbani va na mbemba khu guvbisa; lidzaha lina mbemba gumogo ni likendzi, gyanana gya beleni gumogo ni gikhosane.

1 Samuweli 15:3

Olu indra uya sasela Amaleki, u mu pfhungumulela muphelo ni satshavbo si mu lumbago nyamba mu tsetsa; khu guralo, u na songetela vanyamayi, ni sanana niso sa beleni, dzimombe ni dzinvuta, dzingameriya ni dziburu.”