Jeremiya 51:2 - Bhibhiliya Nya Guage

² Nyi na rumela va nya mayigo tigoni ga Bhabhiloni, vata mu vbevbera nga mungu wu vbuvbiswago khu phuvbo va ya thegela hwindzo ni litigo lawe, kholu va nata randredwa khavo khu maphuvbo yatshavbo khu litshigu nya tsayiso.

Jeremiya 51:2 Iomraidhean Croise

Isaya 41:16

U na si vbevbera, si vbuvbiswa khu phuvbo; si phalalegiswa khu gipupwane; aholu uwe u na nengela khu Pfhumu Nungungulu, u zundzega ga oyu a Agidego wa Israyeli.

Isaya 43:14

Pfhumu Nungungulu, mutshudzisi wago, Nyaguage wa Israyeli, a ngu ganela kharati, khuye: “Khu kotani nya lihaladzo nyi gu nalo khu enu, nyi na rumela mabutho guya sasela Bhabhiloni, Vakalidhiya vatshavbo, va na tutuma khu mataro yawe va nga bani va dzi zundza khayo.

Jeremiya 15:7

Nyi va vbevberide khu gisavala dzinyangwani nya litigo, vathu vangu nyi va dzegede sanana sawe, nyi bwelo khavbo nyi va mbembisa; gambe kha va diga dzindzila dzawe nya guwegele.

Jeremiya 50:29

Rambani vatshavbo va kodzago gu khwandra siholoma; va na hekhe litigo la Bhabhiloni, va li randrela gu si dugi ni wa gu duga. Va bweledzeleni gukhedza khu mithumo yawe, satshavbo a mi giredego mu gireleni nuye kharalo; kholu a dzi khusedzide a wugela Pfhumu Nungungulu, Gihathwa gya Israyeli.

Jeremiya 50:32

Matshandza yago ma na gu tshunganisa u thega nyamba mana wago nya gu gu wuse. “Nyi na khondrisa nilo madhoropani gwago, si dagarela satshavbo si guromo umo.”

Ezekiyeli 5:12

Gipandre nya wuraru nya vathu vago gi nafa khu mitungu mwendro ndzala vbakari gwago; gipandre nya wuraru va na songwa khu matshari vbavbandze nya lidhoropa, ni gipandre nya wuraru nyi na va phalalegisa khu maphuvbo yatshavbo ni gu va lundra na nyiri ni litshari mandzani.

Matewu 3:12

A na ni gisalava mandzani gwaye; a na vbiyela githala gyaye, a vbevbera dzimbewu a thela mugisangalani, gasi mafisi a na ma vbisa niloni nyamba tshimega.”