Jeremiya 51:18 - Bhibhiliya Nya Guage

¹⁸ Iso kha si phasi gilo, mithumo nya wupumbu; khu litshigu nya tsayiso, satshavbo si na mbemba.

Jeremiya 51:18 Iomraidhean Croise

Ekisodha 12:12

Ni wutshigu wowo, nyi na vbindra tigoni ga Egipito, nyi na songa satshavbo sanana nya matiwula ya tigoni ga Egipito, nya vathu ni sifuyo; nyi na lamula vanungungulu vatshavbo va Egipito. Eni kheni Pfhumu Nungungulu!

Isaya 19:1

Gitiviso khu litigo la Egipito: Wonani gukhenu, Pfhumu Nungungulu, a nguta na khilede vbatshani nya lipfhi nya mazambo, ata tigoni ga Egipito. Sifananiso nya vanungungulu va Egipito, si na ndrendremela mbeli gwaye, ni myonyo ya Vagipiti yi na ghavata ndrani gwawe.

Isaya 2:18

Sifananiso satshavbo nya vanungungulu nya malipha si na khungumuledwa muphelo.

Isaya 46:1

Bheli, nungungulu nya malipha thegide, ni Nebhu nogide vbavbatshi; sifananiso sawe si ngu rwegwa vbatshani nya sirengo ni dziburu; mirwalo yanu ya gu lemela dziburu dzi garadego khu gu lemedwa.

Isaya 57:12

Gululama gogo gwago, nyi na gu huwelela, ni mithumo yago, kha yi na gu phasa gilo.

Jeremiya 10:11

Khu guralo, va embeleni gukhenu: “Vanungungulu vava va ngamba gira ndzadzi ni mafu, va na fuva tigoni ni vbavbatshi nya lidambo leli.”

Jeremiya 10:14

Vatshavbo va si wonago va gu samala va si pimi gilo; vapfhuli vatshavbo va khala dzitshoni khu kotani nya sifananiso sawe nya guvatwe; kholu sifananiso va si pfhudego khya malipha, iso si mwalo hefemulo.

Jeremiya 10:15

Kha si phasi gilo va gu dzi pfhadza khu mithumo nya wukanganyisi, litshiguni la Pfhumu, si nata mwalalega.

Jeremiya 10:8

Aholu vatshavbo va dhadhavade va vbindrugedza va khala sipumbu; kholu vanungungulu vawe va di girwa khu misimbo.

Jeremiya 18:15

Kholu vathu vangu va nyi divade, vaya vbisela libani vanungungulu nya sifananiso; si va tshunganisa ndzilani gwawe va thega va diga ndzila yawe ya gale, gasi va ndreya va gimbila khu dzindzila dza khabini nyamba lulama;

Jeremiya 46:25

Pfhumu Nungungulu nya Tshivba Yatshavbo, Nungungulu wa Israyeli, a ngu ganela, khuye: Nyi na tsayisa Amoni wa No, Faro ni Egipito, vanungungulu vaye ni vafumeli vaye; nyi na tsayisa uye mune Faro ni vale va mu tumbago.

Jeremiya 48:7

Kholu, kha nga u tumbago sigiro sago ni dzithomba dzago, uwe nuwe u na wandrwa. Kemosi u na vbagedwa u yiswa wugumbitunu, gumogo ni vaphasi nya mhamba ni vathangeli vago.

Jeremiya 50:2

Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Ezekiyeli 6:6

Ni evbini mu na ya vbahago umo, madhoropa ma na khungumudwa, ni siluvelo nya wuhedheni si na pandreledwa si khala marumbi, ni siluvelo sawe nya libani si na khungumudwa ni yatshavbo mithumo ya mandza yanu yi na fuviswa.

Jona 2:8

Vale va khodwago khu sifananiso nyamba phasa gilo, va gu kanyisa wuhindzi wago.

Sofoniya 2:11

Pfhumu Nungungulu a na thisa vbakari gwawe, kholu a na fuvisa vbakari gwawe vanungungulu vatshavbo va mafuni; vatshavbo va nata mu khozela, muthu ni muthu gukhugela tigoni gwawe, ambari sidwa sa hwindzo ni lihundzu lawe.

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.