Jeremiya 51:16 - Bhibhiliya Nya Guage

¹⁶ Khu libara nya lito laye, mati ma gu dzuma ndzadzini, gu khusega mapfhi khu mahegiso nya litigo, gwa gu lasa, ya guwa ndzadzi, gu khuga dziphuvbo khu malangani gwaye.

Jeremiya 51:16 Iomraidhean Croise

Genesi 8:1

Nungungulu a di alakanya Nowa ni sirengo satshavbo nya likhabi, ni sifuyo si nga bani siri ni Nowa taroni. A di wusa phuvbo yi gu furugedza mafuni, mati ma phela gubosa.

Joba 37:13

Uye a gu resa mapfhi, a gu dzina guta tsayisa vathu, a gu dzina a ta nonisa litigo laye, mwendro gu resa makategwa ga vathu vaye.

Joba 38:22

Ina u di nga bela umo yi dugelago umo thondrwane mwendro gu wona madhamu nya maralala,

Joba 40:9

U na ni tshivba yi fananago ni ya Nungungulu, gani? Lito lago li ngu kodza gu zindza gu fanana ni lito laye, gani?

Dzindzimo 104:7

Aholu, khu gu ma kawuka gwago, ma di tutuma, ma di thuruga ma thava khu gupwa gudzuma nya lito lago.

Dzindzimo 135:7

Khuye a wusago mapfhi gukhugela mahegiso nya mafu; khuye a girago gulasa ni mabara, guwa ndzadzi; a tulela phuvbo yi duga khu gukhothedwani gwaye.

Dzindzimo 147:18

A gu rumela magana yaye, siwindri nya mati sa gu nyiviliga; a wusa phuvbo yi furugedza khu tshivba, ma goga mati.

Dzindzimo 18:13

Pfhumu Nungungulu a di pandra mabara ndzadzini, oyu a guromo vbatshani ngudzu a di pwadza lito laye.

Dzindzimo 46:6

Ma di thuruga mayigo, gu ndrendremela mifumo; Nungungulu a di pwadza lito laye, litigo li tsekatseka.

Dzindzimo 68:33

Uye a guromo khu gale vbatshani ndzadzini; yingisani, uye a ngu pwadza lito laye, a gu lito nya tshivba.

Dzindzimo 78:26

A furugedza khu ndzadzini phuvbo ya Khugadambo khu tshivba yaye a di resa phuvbo nya siga.

Ekisodha 10:13

Khavbo avbo, Mosi a di khusedza ndronga yaye vbatshani nya litigo la Egipito, Pfhumu Nungungulu a di wusa phuvbo khu Khugadambo yi furugedza tigoni litshigu rumba, wutshigu ni mihani. Ni dzimindru, phuvbo ya Khugadambo yi di resa mbasa.

Ekisodha 10:19

Khavbo avbo, Pfhumu Nungungulu a di vbindrugedza phuvbo, gu bela phuvbotshani, yi furugedza khu Muhwadambo, yi vbiyela mbasa yatshavbo yi ya guhudwa phwani nya Gufuvile. Kha gwa tshala ni mbasa mweyo basi tigoni gwatshavbo ga Egipito.

Ekisodha 14:21

Khavbo avbo, Mosi a di thawuludza mandza vbatshani nya yiphwa, Pfhumu Nungungulu a di reda yiphwa ni vbakari nya wutshigu, khu tshivba nya phuvbotshani. A di bangisa yiphwa, mati ma di kabanega khu vbakari.

Ezekiyeli 10:5

Ligwaha nya mambapi nya dzikerubhimi, li di pwala kala likupakupani la vbavbandze, kha nga lito la Pfhumu Nungungulu nya Tshivba Yatshavbo, gikhati a ganelago.

Amosi 9:7

Ina enu va na Israyeli, avbo gwangu kha mu khali kha nga sanana nya Vaetiyopiya, gani kha nga idzo nyi golago khidzo Vaetiyopiya, gani? A ngu ganela Pfhumu Nungungulu. Ina kha nya dusa va na Israyeli khu tigoni ga Egipito, ni Vafilisitiya khu tigoni ga Kafitori, ni Vaasiriya khu tigoni ga Kiri, gani?

Jona 1:4

Khu guralo, Pfhumu Nungungulu a di rumela phuvbo nya yikhongolo linene, gu manega gingulu nya gikhongolo, avbo litaro li nga hadza gupandrega.

Jona 4:8

Avbo li nga duga lidambo, Nungungulu a di rumela phuvbo nya guvbise nya gute khu Khugadambo, lidambo li di vbisa hungo wa Jona, uye a di titivala, a lomba gufa, khuye: “Avbo gwangu i tshukwana gufa guvbindra guvbanya.”