Jeremiya 51:10 - Bhibhiliya Nya Guage

¹⁰ Pfhumu Nungungulu a hi lamulede; hongoleni Siyoni hi ya tivisa vambe, iso hi giredwego khu Pfhumu Nungungulu wathu.

Jeremiya 51:10 Iomraidhean Croise

Dzindzimo 118:17

Kha nyi na ngafa, aholu nyi na vbanya; nyi fela gu tivisa mithumo ya Pfhumu Nungungulu.

Dzindzimo 37:6

A na wonegisa gululama gwago kha nga wenengedzo ni dzifanelo dzago kha nga lidambo li wenengedzago vbamihanitunu.

Dzindzimo 64:9

Vathu vatshavbo va na thava, va huwelela mithumo ya Nungungulu, va pima esi a thumago.

Dzindzimo 66:16

Deluni enu mwatshavbo mu gu ni githawo ga Nungungulu, deluni mu ta nyi yingisa nyi na mi embeledzela mithumo a nyi giredego.

Dzindzimo 9:14

Nyi fela gu embelela wuzundzo dzinyangwani ga gyagadzyana gya Siyoni, nyi nengela kholu u nga nyi vbanyisa.

Isaya 24:14

Avo va na khusedza lito va embelela khu gutsaka; khu kotani nya wudhumo wa Pfhumu Nungungulu, na va gu womba huwa gukhugela phwani.

Isaya 40:2

Ganelani khu gutsaka ga Jerusalema, mu mu tiyisa hwambo, khenu gusaniseka nya wugumbi waye guvbede, sighoho saye si futidwe, kholu eni Pfhumu Nungungulu, nyi va vetide gukhedza khu sighoho va giridego.

Isaya 51:11

Gu na gira kharato ga vale va tshudzisidwego khu Nungungulu, va na wuya Siyoni na va gu womba mikulungwane, gutsaka gu si hegisigo gu na wonega dzikhovbeni gwawe, gunengela ni litsako si na manega vbakari gwawe, gima kha va na ngapwa gambe guvbisa ni gudilela.

Jeremiya 50:28

Gu pwala malito nya avo va nga thava ni gu vbuluga khu tigoni ga Bhabhiloni gasi gu ya huwelela gigomoni gya Siyoni guphodza ga Pfhumu Nungungulu wathu, a dzi phodzela ga avo va vbisidego nyumba yaye.

Jeremiya 50:45

Khu guralo, yingisani iso Pfhumu Nungungulu a hungidego, ni makungo a fungidego khu Bhabhiloni, gumogo ni iso a vbwetago gu gira mayelano khu litigo la Vakalidhiya; khu lisine ni mitshambi yawe nya yidugwane yi na kukulutwa, ni wuhaviseloni gwawe gu na khala giwula.