Jeremiya 50:9 - Bhibhiliya Nya Guage

⁹ Kholu wonani nya gukhenu eni nyi na resela Bhabhiloni mitsawa ni sidzemo sa mayigoni nya makhongolo si tago khu Wuronga, va nata wumba gikwata va dwana naye kala va mu pala; matshari yawe, ma na fanana ni ya ndrena yi gengedego ni limwedo kha li na wuya mahala.

Jeremiya 50:9 Iomraidhean Croise

2 Samuweli 1:22

Nyambana novba wa vale va bayisidwego, ni mafura nya dzindrena, wulaho wa Jonatane, gima kha wa wuya gambe, ni litshari la Sawule, gima kha la wuya liphanga.

Gizimba 3:8

Vatshavbo va ngu kodza gu thumisa matshari, dzindrena nya nyimbi; moyo ni moyo nari ni litshari giwununi gwaye, gasi a dzi vhikela khilo vbawutshigutunu.

Isaya 21:2

Gu dita gwangu giwoniso nya gusamadzise ngudzu gi ta nyi embela, khigyo: “Mukanganyisi a ngu kanganyisa, ni muphangi a ngu phanga. Enu va na Elamo indrani mu ya dwana, enu Vamedhiyani, randrelani lidhoropa; dzihuwa dzawe dzatshavbo nyi ngu dzi vbedza.

Isaya 41:25

Nyi ranide mumbe muthu, khu Wuronga; a nata, khu Khugadambo, uye a na rungudza lina langu; a na gandredzela vafumeli kha nga maraga; kha nga muwumbi a gandredzelago libumba, a na va gandredzela kharato.

Jeremiya 15:14

U na girwa khumbi khu valala vago ga litigo u si li pimigo; kholu nilo nya likhulo langu wu khondride, wu na dzura wu mi vbisa.

Jeremiya 25:14

Kholu Vabhabhiloni navo va na khoziswa khu mayigo nya mangi ni vafumeli nya vakhongolo; khu kharato nyi na va bweledzela gukhedza khu sigiro sawe ni gukhedza khu mithumo ya mandza yawe.”

Jeremiya 25:26

ni vafumeli vatshavbo va Wuronga, va vbafuvbi ni va hwindzo, khu gulandrelana, ni mifumo yatshavbo ya tigoni yi guromo vbatshani nya mafu; khu hwane nya avo vatshavbo, a na sela mufumeli wa Bhabhiloni.

Jeremiya 50:14

Dzi dongiseleni enu mwatshavbo mu ghwimbago wulaho; randrelani lidhoropa la Bhabhiloni mu dwane nalo, va hekheni khu sighalala mu nga va tsetsi, kholu va ghohede Pfhumu Nungungulu.

Jeremiya 50:21

Duga ni gikwata nya nyimbi u ya dwanisa litigo la Meratayimi, gumogo ni vavbanyi va Pekodhi; va lundreni mu va sasela mu va mbembisela muphelo, a ngu ganela Pfhumu Nungungulu. Thuma satshavbo nyi gu rumidego.

Jeremiya 50:26

Mu rangeni khu maphuvbo yatshavbo nya mahegiso nya litigo, mu tula sisangala saye, mu dusela silo saye satshavbo si khala dzinyandra, mu pfhungumula litigo laye latshavbo nyamba mu tshiyela ni moyo.

Jeremiya 50:29

Rambani vatshavbo va kodzago gu khwandra siholoma; va na hekhe litigo la Bhabhiloni, va li randrela gu si dugi ni wa gu duga. Va bweledzeleni gukhedza khu mithumo yawe, satshavbo a mi giredego mu gireleni nuye kharalo; kholu a dzi khusedzide a wugela Pfhumu Nungungulu, Gihathwa gya Israyeli.

Jeremiya 50:3

Kholu, litigo li dugelago Wuronga, li nguta guta sasela litigo lawe, li na li vbindrugedza li khala marumbi; vathu ni sirengo sawe, vatshavbo va na tutuma va thava.

Jeremiya 51:11

Lodzani sighalala, mu phara sitshangu! Pfhumu Nungungulu a pepugiside mapimo ya vafumeli va tigoni ga Medhiya, kholu makungo yaye, khu gu pfhungumula Bhabhiloni. Pfhumu Nungungulu a na phodza, a dzi phodzela khu nyumba yaye nya miphaso