Jeremiya 50:7 - Bhibhiliya Nya Guage

⁷ Vatshavbo avo va va manago va gu va sasela; valala vawe na va gukhavo: Ethu hi mwalo nandru; kholu avo va ghohede Pfhumu Nungungulu gumogo ni wulanga nya wululamo, a gu Pfhumu Nungungulu, gitumbo gya vababe vawe.

Jeremiya 50:7 Iomraidhean Croise

Dzindzimo 71:5

Kholu uwe Pfhumu Nungungulu, khuwe gitumbo gyangu, nyi tumbide uwe gukhugela wananani wangu.

Dzindzimo 79:7

Kholu khavo va nga saselago vathu va Jakobe va fuvisa dzindranga dzawe.

Dzindzimo 90:1

Pfhumu Nungungulu u khade wuthavelo wathu, gukhugela mimela ni mimelana.

Dzindzimo 91:1

Muthu wule a thavelago ga Pfhumu Nungungulu a guromo vbatshani ngudzu, a hefemulago mutsani ga mune nya Tshivba Yatshavbo,

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Isaya 56:9

Enu mwatshavbo sirengo sa khabini, ni enu sirengo satshavbo nya wurena, deluni muta hodza.

Isaya 9:12

Vaasiriya khu Khugadambo, ni Vafilisitiya khu Pfoladambo; va di hama likana va midza Israyeli. Ambari khu guralo, likhulo laye kha la bosa gilo, ni libogo laye li nga thawulugide.

Jeremiya 10:25

“Likhulo lago li vbaladze ga mayigo ma si gutigo, ni mafumbu ma si thavigo lina lago; kholu va hodzide Jakobe va mu midza, va pfhungumula wulanga a nga bani a vbanya avbo.”

Jeremiya 14:8

Uwe khuwe gitumbo gya Israyeli, mutshudzisi gikhatini nya wuvi! Khu ginani u khala nga muluveli tigoni, kha nga muvbindri nya ndzila a ndreyago gasi guya lala a gedwa basi?

Jeremiya 17:13

Uwe Pfhumu Nungungulu u gitumbo gya Israyeli! Vatshavbo va gu digago va na thedwa dzitshoni; malina ya avo va hambanago ni uwe ma na lowa phalani nya vafi; kholu va hambanide ni Pfhumu Nungungulu, a gu nambo nya mati nya womi.

Jeremiya 2:3

Gikhati gyogyo Israyeli a diri vathu va phasedwego Nungungulu gambe a diri mihandro nya guhegule nya guvbwere gwaye, vatshavbo va nga bani va mi sasela, va di gu dzi vangela nandru, va thegedwa khu libango; a ngu ganela Pfhumu Nungungulu.

Jeremiya 31:23

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “La gu vboha litshigu nyi na kategisago litigo la Judha gumogo ni madhoropa yaye, avo va na ganela gambe magana yaya, khavo: Pfhumu Nungungulu a na gu kategise, uwe ndranga nya gululame, uwe gigomo nya gukatege!”

Jeremiya 33:15

Khu matshigu yoyo ni ga gikhati gyogyo, nyi na bugisa khu ga Dhavhidhe; pfhundre nya wululamo; uye a na lamula litigo khu gululama ni lisine.

Jeremiya 33:16

Khu matshigu yoyo, Judha a na vbanyiswa, Jerusalema a na vbanya na tiyide, eli khu lina va na mu ranago khilo, khavo: “Pfhumu Nungungulu khuye Gululama Gwathu.”

Jeremiya 5:17

Va nata hodza dzimbewu dzago ni guhodza gwago, va hodza madzaha yago ni dzimbiri dzago; va na hodza dzinvuta ni dzimombe dzago; va na ghohetela gambe marembwe yanu nya mikandzu nayo nya miuvha; va khungumulela khu matshari madhoropa yago nya makhokhola u ma tumbago.

Jeremiya 50:14

Dzi dongiseleni enu mwatshavbo mu ghwimbago wulaho; randrelani lidhoropa la Bhabhiloni mu dwane nalo, va hekheni khu sighalala mu nga va tsetsi, kholu va ghohede Pfhumu Nungungulu.

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Jeremiya 50:33

A ngu ganela kharati Pfhumu Nungungulu nya Tshivba Yatshavbo, khuye: “Va na Israyeli gumogo ni va na Judha vomo gutshanisekani; vatshavbo avo va nga va vbagelago va va yisa wugumbini, kha va dzumeli gu va tshula.

Ezekiyeli 34:5

Khu guralo, olu dzi phalalegide, kholu dzi mwalo muhavisi, dzi khala guhodza nya sirengo satshavbo sa khabini.

Ezekiyeli 35:12

U na dziti gukhuwe, eni Pfhumu Nungungulu, nyi pwide guyuyutela gwatshavbo u gu giridego musigomoni sa Israyeli, u ganela, khuwe: Olu va khade marumbi, va ningedwe mandzani gwathu gasi hi va vbadzulela.

Dhaniyeli 9:16

Gasi olu, uwe Pfhumu, gukhedza khu sigiro sago satshavbo si lulamidego, hi ngu lomba u ndreyisa likhulo lago dhoropani gwago gwa Jerusalema, li guromo gigomoni gwago nya gukatege. Kholu sighoho sathu ni guvivba gu giridwego khu vababe vathu, va girede Jerusalema gumogo ni vathu vago gilo nya gihegiso ga mayigo ma hi randredego.

Dhaniyeli 9:6

Kha ha yingisa malito ya vaprofeti, sithumi sago, va ganedego khu lina lago ga vafumeli vathu, ga vathangeli vathu, ga vababe vathu, kha nga gambe ga vathu vatshavbo va tigoni.

Zakariya 1:15

Gambe nyi ngupwa likhulo nya likhongolo ngudzu khu kotani nya mayigo ma guromo gukhadzisegani; kholu avbo eni nyi nga bani nyi gorogide vbadugwana khu kotani nya vathu vangu, ayo ma di engedzela gu gira guvivba.

Zakariya 11:5

vale va dzi rengago va gu dzi songa, aholu mwalo va tsayiswago khuye. Gasi vale va dzi rengisago va gu ganela, khavo: A na rungudzwe Pfhumu Nungungulu, kholu nyi khade gitetema! Ambari vahavisi vakone kha vapwi wusiwana khidzo.

1 Thimoti 1:1

Eni Pawulo, Mupostoli wa Kristo Jesu, khu gu rumwa khu Nungungulu Muvbanyisi wathu ni Jesu Kristo, gutumba gwathu,