Jeremiya 50:6 - Bhibhiliya Nya Guage

⁶ Vathu vangu va gu fanana ni dzinvuta dzi dzimedego; va ndreyisidwe khu vahavisi vawe, va dzimedzidwe sigomoni ni sigomwanani, va gu legalega basi, kha va nga gu guti ni phandroni gwawe.

Jeremiya 50:6 Iomraidhean Croise

Dzindzimo 116:7

Hefemulo wangu, waya gurulani gwago, kholu Pfhumu Nungungulu a gu kategiside.

Dzindzimo 119:176

Nyi ngu legalega kha nga nvuta yi pengago; vbweta githumi gyago, kholu kha nyi divali sirumo sago.

Dzindzimo 23:2

A ngu nyi hefemudza panini, nya mwasi nya gunyuge a nyi yisa matini nya gutenge;

Dzindzimo 32:7

Uwe u wuthavelo wangu; u ngu nyi vbulugisa sigaradzoni, nyi gire nyipwa basi dzindzimo nya gupale.

Dzindzimo 90:1

Pfhumu Nungungulu u khade wuthavelo wathu, gukhugela mimela ni mimelana.

Dzindzimo 91:1

Muthu wule a thavelago ga Pfhumu Nungungulu a guromo vbatshani ngudzu, a hefemulago mutsani ga mune nya Tshivba Yatshavbo,

Isaya 1:3

Mombe yi ngu muti mune waye, buru niyo, yi ngu giti gighowolo gya mune waye; aholu Israyeli, kha nyiti, vathu vangu kha va pimi gilo.”

Isaya 30:15

Kholu Mune, Pfhumu Nungungulu, Nyaguage wa Israyeli, a ngu ganela kharati, khuye: “Mwa gu vbindrugedza mu dzi rudzisa mu wuya eno gwangu, mu nata mana guvbanya; tshivba yanu yi di hadza gu mana gutangala ni gitumbo, aholu enu kha mwa dzumela, mu di bomba.”

Isaya 32:2

Moyo ni moyo nya avo va na fanana ni wulanga nya wuthavelo gikhatini nya phuvbo ni gingulu. Va na fanana gambe ni mitsongo mafuni nya gihala, ni mutsa nya giwindri nya gikhongolo tigoni nya lihani.

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Jeremiya 10:21

Kholu vathangeli vathu va hambaniside nayo, kha va yingisa Pfhumu Nungungulu; khu guralo, kha va dugelela, mitshambi yawe yatshavbo yi phalalegide.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Jeremiya 2:20

Gukhugela gale, nyi fanyide kanga wago, nyi kavilela dzitshinga dzi nga bani dzi gu hungide, uwe u di ganela, khuwe: “Gima kha nyi na ghoha gambe aholu u di noga musigomoni satshavbo nya gulaphe, ni vbavbatshi nya misimbo yatshavbo nya gunyuge, u gira wuphuphulu.”

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Jeremiya 23:1

Pfhumu Nungungulu a ngu ganela, khuye: Libango ga vahavisi va pfhungumulago ni gu phalalegisa dzinvuta nya tshambi wangu.

Jeremiya 3:23

Khu lisine, wukhozeli nya malipha wa musigomoni wu ngu kanganyisa; esi va si girago giwulani ligwaha basi; guvbanyiswa ga Israyeli gwa guta khu ga Pfhumu Nungungulu wanu.

Jeremiya 3:6

Pfhumu Nungungulu a di ganela gambe gikhatini gya mufumeli Josiya, khuye: U wonide iso a giridego Israyeli, muthu nyamba tumbega, gani? A di gwela sigomoni gwatshavbo nya gukhugege ni vbavbatshi nya misimbo nya gunyuge, a gira umo wuphuphulu waye watshavbo.

Jeremiya 33:12

Pfhumu Nungungulu nya Tshivba Yatshavbo, a ngu ganela kharati, khuye: “Wulanga wowu wu gu giwula, nyambana vathu ambari sirengo, madhoropani gwawe gwatshavbo, gu nga na gu manega lizumbo avbo vahavisi va na gu hefemulago avbo ni mitshambi yawe.

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Jeremiya 50:19

Israyeli nyi na mu wuyisa nyaluphye tigoni gwaye. Va nata hava gigomoni gya Karimelo ni gigomoni gya Bhasani, va na khura sigomoni sa Efrayimi ni Gileyadhi.

Ezekiyeli 13:10

Kholu, va gu pengisa vathu vangu, va va embela, khavo: Gurude, narigu gu mwalo gurula. Vambe gu vbaha libhiyo khu maraga, vambe va gu li londra khu phembe li thega.

Ezekiyeli 34:14

Nyi na dzi havisa mahawoni nya yadi, ni sigomoni nya gulaphe sa Israyeli, gu na bani guri wuhaviseloni gwawe; dzi na khala umo wuhaviseloni gwawe, dzi na mana mahawo nya yadi sigomoni sa Israyeli.

Ezekiyeli 34:15

Eni kamwe nyi na havisa dzinvuta dzangu, nyi na dzi gira dzi hefemula, a ngu ganela Mune Pfhumu Nungungulu.

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Matewu 10:6

Phelani khu gu yela dzinvuta dzi dzimedego dza nyumbani ga Israyeli.

Matewu 15:24

Uye a di va hakha, khuye: “Eni nyi di rumedwa guta vbanyisa basi dzinvuta dzi dzimedego dza Israyeli.”

Matewu 9:36

Na wonide gidzemo, a di gi pwela gisiro, kholu vatshavbo va di garade havo hokohoko, kha nga dzinvuta nyambana muhavisi.

1 Pedro 2:25

Kholu enu, gale mu di gu khala nga dzinvuta nya gudzimele, olu mu wuyisidwe ndzilani, gasi muta landra Muhavisi ni Musayisi nya mihefemulo yanu.