Jeremiya 50:38 - Bhibhiliya Nya Guage

³⁸ Gu na manega gambe lihani, li vbwisa mitsongo yawe yi khala gihala nyambana mati! Kholu tigoni gwawe gu tade khu vanungungulu nya sifananiso si hambanisago mapimo nya vathu vawe.

Jeremiya 50:38 Iomraidhean Croise

Genesi 8:1

Nungungulu a di alakanya Nowa ni sirengo satshavbo nya likhabi, ni sifuyo si nga bani siri ni Nowa taroni. A di wusa phuvbo yi gu furugedza mafuni, mati ma phela gubosa.

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Isaya 44:27

Nyi na embela guetani nya yiphwa, kheni: “Uvbwa, eni nyi na bangisa mitsongo yago.”

Jeremiya 50:12

Mayi wanu a na thedwa ngudzu dzitshoni, uye a mu velegidego a na tala khu dzitshoni, wonani nya gukhenu litigo lanu li na bani liri vbavbatshi nya mayigo yatshavbo, kholu li na vbindrugedza li khala giwula nya mafu nya gihala.

Jeremiya 50:2

Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Jeremiya 51:44

Nyi na tsayisa Bheli, nungungulu wa Vabhabhiloni, nyi mu gosisa khu kanani gwaye, satshavbo a hodzidego. Mayigo gima kha ma na ngata tshangana gambe gwaye, ni libhiyo la Bhabhiloni li khungumudwe.

Jeremiya 51:47

Khu guralo, ma nguta matshigu nyi na gu tsayisa vanungungulu nya sifananiso nya guvatwe va Bhabhiloni; litigo latshavbo li na tala khu dzitshoni, ni vathu vatshavbo va na gu songwago, va na mbambamela vbakari gwaye.

Jeremiya 51:52

Khu guralo, ma nguta matshigu, a ngu ganela Pfhumu Nungungulu; nyi na gu khungumulelago sifananiso satshavbo nya guvatwe; vathu vatshavbo va payidwego dzimbanga, va na keta tigoni gwawe gwatshavbo.

Jeremiya 51:7

Litigo la Bhabhiloni li di gu fanana ni gikombe nya ndralama Pfhumu Nungungulu a pharidego mandzani, a sedza a levisa litigo latshavbo; mayigo ma di sela vbinyu yaye; khu guralo, ayo ma di handrugiswa mapimo.

Dhaniyeli 5:4

Avbo va nga levago khu wadwa, va di phela gu rungudza vanungungulu vawe nya ndralama, nya parata, nya sugu, nya dzisimbi, nya misimbo ni siwindri.

Mithumo 17:16

Na nga gu va virela dhoropani ga Atena, hefemulo waye wu di garadzega khu gu wona lidhoropa lile na li tade khu sihuru nya miphaso.

Gutuledwa 16:12

Ngilozi nya livbandre na mweyo yi di vbaladza gikombe gyaye tsongoni nya khongolo wa Ewufrate, mati yaye ma di banga gasi gu tulega ndzila nya guvbindre vafumeli va Khugadambo.

Gutuledwa 17:5

Vbagiwombotunu gwaye gu di lovidwe lina nya sihalo gupwani: “Bhabhiloni nya Khongolo, Melegi nya sibhayi ni Guvivba ga tigoni.”

Valamuli 6:30

Khavbo avbo, vama va dhoropani mule va di embela Jowasi, khavo: “Dusa mwanago vbavbandze. Uye fanede gu songwa, kholu khungumude giluvelo gya Bhahali, bwelo khavbo a fanya lidingo nya guage li nga bani li khala vbafuvbi gwaye.”