Jeremiya 50:37 - Bhibhiliya Nya Guage

³⁷ Matshari ma na sasela dzikavalu, gumogo ni dzikareta dzawe ni ga valuveli vatshavbo va guromo vbakari gwawe, gasi va khala gukhwatshi vanyamayi! Matshari ma na sasela gambe dzithomba dzawe, dzi phangwa dzatshavbo.

Jeremiya 50:37 Iomraidhean Croise

Dzindzimo 46:9

Uye a ngu vbedza mayunga kala mahegiso nya litigo, a ngu fanya wulaho, a fanyeledzela siholoma; a rinya niloni dzikareta nya nyimbi.

Dzindzimo 76:6

Avbo u nga va thusa, uwe Nungungulu wa Jakobe, u di emisa dzikareta ni dzikavalu dzawe.

Isaya 19:16

Khu litshigu lolo, Vagipiti va na fanana ni vanyamayi, va na ndrendremela va thava gu vetwa khu gyandza gya Pfhumu Nungungulu nya Tshivba Yatshavbo, a gi khusedzidego gasi gu va wugela.

Isaya 45:3

Nyi na gu ninga gyuma gi sihidwego ni thomba yi fenengedzidwego malangani nya gusihale, gasi u kodza gu dziti gukhuwe eni, kheni Pfhumu Nungungulu wa Israyeli, a gu ranago khu lina lago.

Jeremiya 25:20

ni vathu nya mafumbu nya guhambanelane va vbanyago umomo, ni vafumeli vatshavbo va tigoni ga Uzi, vafumeli va tigoni nya Vafilisitiya, va Asikaloni, va Gaza, va Ekoroni ni mitshaledwa ya Asidhodhi;

Jeremiya 25:24

ni vatshavbo vafumeli va Arabhiya ni vafumeli vatshavbo nya guhambanelane va vbanyago mugiwulani;

Jeremiya 48:41

Madhoropa yawe ma na phangwa, ma wandrwa makhokhola yawe; khu litshigu lolo, myonyo nya dzindrena dza Mowabhi, yi na fanana ni monyo nya nyamayi a lumwago.

Jeremiya 50:10

Litigo la Kalidhiya li na phangwa; vaphangi vakone va na mana nya singi, a ngu ganela Pfhumu Nungungulu.

Jeremiya 50:26

Mu rangeni khu maphuvbo yatshavbo nya mahegiso nya litigo, mu tula sisangala saye, mu dusela silo saye satshavbo si khala dzinyandra, mu pfhungumula litigo laye latshavbo nyamba mu tshiyela ni moyo.

Jeremiya 51:21

nyi gu thumiside gu vbadzulela kavalu ni mukhileli waye, nyi gu thumiside gu vbadzulela dzikareta nya nyimbi ni vagimbidzisi vakone;

Jeremiya 51:22

nyi gu thumiside gu vbadzulela vama ni vanyamayi; nyi gu thumiside gu vbadzulela sikhosane ni sikhwathana; nyi gu thumiside gu vbadzulela madzaha ni dzimbiri;

Jeremiya 51:30

Dzindrena dza Bhabhiloni, dzi digide matshari dzi tutuma, dzi ya sihala makhokholani gwawe, dzi vbede tshivba, dzi khala kha nga vanyamayi, dzinyumba dzawe dzi ngu dagarela, ni migonyo nya malimba yawe yi fanyeledzedwe.

Jeremiya 51:4

Va nafa va mbambamela mudzindzilani dza tigoni ga Vakalidhiya,

Ezekiyeli 30:5

Etiyopiya, Puti, Ludhi ni Arabhiya watshavbo, avo va Kubhi ni vathu nya litigo va giridego navo gidzumeledzwano, va na songetedwa khu matshari gumogo ni Egipito.

Ezekiyeli 39:20

Vbamezatunu gwangu, enu mu na khura khu nyama nya dzikavalu, ni ya vagimbidzisi nya dzikareta, ni ya dzindrena gumogo ni ya masotshwa yatshavbo nya nyimbi, a ngu ganela Mune Pfhumu Nungungulu.

Nahume 2:13

Wona nya gukhuwe nyi gu wugede, a ngu ganela Pfhumu Nungungulu nya Tshivba Yatshavbo; nyi na vbisa khu nilo dzikareta dzago nya nyimbi, singhalana sago si na songetedwa khu matshari, nyi na wandra mafuni sirengo u nga molago, ma si pwali gambe malito nya sirumwa sago.

Nahume 3:13

Wona nya gukhuwe masotshwa yago ma na khala kha nga vanyamayi! Malimba ya tigoni gwago, yatshavbo ma na tuledwa valala vago, sikwinyaro sago si na vbiswa khu nilo.

Agewu 2:22

nyi na thesa sikhalo nya mifumo, nyi khungumula dzitshivba nya mifumo ya va nya mayigo, nyi khungumulela dzikareta ni vakhileli vakone, dzikavalu ni vakhileli vakone dzi na theswa, moyo ni moyo a na songwa khu litshari la ndriyaye.