Jeremiya 50:36 - Bhibhiliya Nya Guage

³⁶ Va na songwa khu matshari vatshavbo vaprofeti vawe nya malipha, gasi va hambanega mapimo, ma sasela gambe ni dzindrena dzawe gasi dzi vbele tshivba.

Jeremiya 50:36 Iomraidhean Croise

2 Samuweli 15:31

Khavbo avbo, va diya tivisa Dhavhidhe, khavo: “Ayitofeli nuye womo mugikungoni gya Abhisalamo.” Dhavhidhe a di ganela, khuye: “Pfhumu Nungungulu, hafumula wusingalagadzi wa Ayitofeli, wu khala wupumbu!”

2 Samuweli 17:14

Abhisalamo ni vatshavbo va na Israyeli, va dipwa gikungo gya Husayi Muaraki nari gyadi gu vbindra gya Ayitofeli. Kholu Pfhumu Nungungulu a di gode gukhuye gi fuviswa gikungo nya gyadi gya Ayitofeli, gasi Abhisalamo a kodze gu thegedwa khu libango.

2 Dzikoronika 25:16

Na nga gu ganela muprofeti, mufumeli a di khuye: “Gasi va gu vegide gu khala moyo nya vasingalagadzi va mufumeli, gani? Degula! Wa gu vbweta gu songedwa ginani avba?” Khavbo avbo, muprofeti a di degula, aholu a di mu embela, khuye: “Nyi ngu dziti gukheni Nungungulu a dzi emisede gu gu mbembisa, kholu u giridego esi, u bwelo khavbo u si yingisi gulaya gwangu.”

Isaya 43:14

Pfhumu Nungungulu, mutshudzisi wago, Nyaguage wa Israyeli, a ngu ganela kharati, khuye: “Khu kotani nya lihaladzo nyi gu nalo khu enu, nyi na rumela mabutho guya sasela Bhabhiloni, Vakalidhiya vatshavbo, va na tutuma khu mataro yawe va nga bani va dzi zundza khayo.

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Jeremiya 48:30

Eni kamwe, nyi ngu liti likhulo laye, a ngu ganela Pfhumu Nungungulu, aholu isoso khandri sa gilo, ni malipha yaye kha ma na phasa gilo.

Jeremiya 49:22

Wonani nala a tago khu gu vbuvba kha nga lighama, ata mbaka vbatshani ga Bhozira; khu litshigu lolo, myonyo nya dzindrena dza Edhomi yi na fanana ni monyo wa nyamayi a lumwago.

Jeremiya 50:30

Khu guralo, madzaha yawe ma na mbambamela vbakari nya dzindzila dzawe, ni masotshwa yawe ma na mbembiswa litshigu lolo, a ngu ganela Pfhumu Nungungulu.

Jeremiya 51:23

nyi gu thumiside gu mbembisa vahavisi ni mitshambi yawe; ni gu vbadzulela mulimi ni dzimombe dzaye; nyi gu thumiside gu vbadzulela dzindruna ni madhota yawe.

Jeremiya 51:30

Dzindrena dza Bhabhiloni, dzi digide matshari dzi tutuma, dzi ya sihala makhokholani gwawe, dzi vbede tshivba, dzi khala kha nga vanyamayi, dzinyumba dzawe dzi ngu dagarela, ni migonyo nya malimba yawe yi fanyeledzedwe.

Jeremiya 51:32

va segide dzindzila, va vbisedzede dzinyumba khu nilo, masotshwa ma pilegide hwambo khu hwanga.

Nahume 2:8

Gukhugela gale Ninivha a di gu fanana ni litsiva nya mati. Gasi olu va gututuma pwani: “Emani, emani!” Ambari va gu ranwa, gambe mwalo a na khedzago hwane.

Nahume 3:13

Wona nya gukhuwe masotshwa yago ma na khala kha nga vanyamayi! Malimba ya tigoni gwago, yatshavbo ma na tuledwa valala vago, sikwinyaro sago si na vbiswa khu nilo.

Nahume 3:7

Avbo vatshavbo va na gu wonago, va na gu thava va ganela, khavo: Ninivha mbembisidwe! Khu mani a na mu pwelago gisiro? Nyi naya dzega hayi vathu nya gute gu tangadzisa?

1 Thimoti 4:2

Va na landrisela ava va hevbudzago malipha khavo lisine, ava mapimo yawe ma fudego.

1 Thimoti 6:4

uyoyo muthu nya matshandza, gambe khati gilo. Muthu nya gudwale, khwa gu wusa maregera ni guphikizana, lidiwo, milembo, guvalana, gusingedzelana guvivba,

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.