Jeremiya 50:35 - Bhibhiliya Nya Guage

³⁵ Vakalidhiya va na sasedwa khu matshari, a ngu ganela Pfhumu Nungungulu, ni vatshavbo vavbanyi va Bhabhiloni, vathangeli ni vagengeli vawe.

Jeremiya 50:35 Iomraidhean Croise

Isaya 29:14

Khu guralo, nyi na simama gu gira mithumo nya gusamadzise vbakari nya vathu vava, eyi yi liwugisago ni guthurugisa; kholu guti ga va nya gugengela vawe gu na fuva, ni gupima ga vathu vawe nya gugengele gu na vbela.

Isaya 41:25

Nyi ranide mumbe muthu, khu Wuronga; a nata, khu Khugadambo, uye a na rungudza lina langu; a na gandredzela vafumeli kha nga maraga; kha nga muwumbi a gandredzelago libumba, a na va gandredzela kharato.

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Isaya 45:1

Pfhumu Nungungulu a ngu ganela ga Kiro, a mu todzidego khu mafura, uye a mu pharide khu libogo laye la nyamudye, a mu ninga tshivba gasi a pala mayigo mbeli gwaye, nyi na thela hwanga vafumeli gasi va tule malimba nya lidhoropa, nyamba segwa gambe.

Isaya 66:16

Kholu, Pfhumu Nungungulu a na lamula vathu vatshavbo, khu nilo ni litshari; vangi ngudzu va na gu songwago khu gyandza gya Pfhumu Nungungulu.

Jeremiya 10:7

U Mufumeli nya mayigo, khu mani a si yeligo gu gu ninga githawo? U fanede gu ningwa githawo; kholu vbakari ga va nya guti nya mayigo yatshavbo ni mifumo yawe yatshavbo, mwalo a fananago nago.

Jeremiya 47:6

Yowe! U na degula lini Uwe Litshari la Pfhumu Nungungulu? Bwelela u ya dzi tshomega gikhwesoni gwago, u hegisa gu songa.

Jeremiya 50:27

Songani khu matshari dzimombe dzaye dzatshavbo ni dzindrena dzaye; vatshavbo va na yiswe gusongwatunu; libango avbo gwawe! Kholu li vbohide litshigu ni gikhati nya tsayiso wawe.

Jeremiya 50:30

Khu guralo, madzaha yawe ma na mbambamela vbakari nya dzindzila dzawe, ni masotshwa yawe ma na mbembiswa litshigu lolo, a ngu ganela Pfhumu Nungungulu.

Jeremiya 51:39

Aholu na va nga gupwa ndzala, nyi na va girela buzo nyi va levisa khu wadwa, gasi va tsaka guvbindra pimo, va lala ligovbe nya gupindruge nyamba wuga gambe, a ngu ganela Pfhumu Nungungulu.

Jeremiya 51:47

Khu guralo, ma nguta matshigu nyi na gu tsayisa vanungungulu nya sifananiso nya guvatwe va Bhabhiloni; litigo latshavbo li na tala khu dzitshoni, ni vathu vatshavbo va na gu songwago, va na mbambamela vbakari gwaye.

Jeremiya 51:57

Pfhumu Nungungulu a ngu ganela, khuye: “Nyi na levisa vathangeli ni vagengeli vawe, vafumeli, dzindruna ni masotshwa yawe, va na lala ligovbe nya gupindruge nyamba khendzuga gambe; a ngu ganela Mufumeli, lina laye a gu uye Pfhumu, Nungungulu nya Tshivba Yatshavbo.

Jeremiya 8:9

Va nya guti va na thedwa dzitshoni, va na ndrendremela va modwa; kholu va hambanide ni magana ya Pfhumu Nungungulu; gasi guti muni gogo va gu nago?

Ezekiyeli 14:2

Khavbo avbo, Pfhumu Nungungulu, a di nyi embela, khuye:

Dhaniyeli 5:30

Khu wutshigu wowo kamwe, a di songwa Bhalitazari, mufumeli wa Vakalidhiya.

Hoseya 11:6

Madhoropa yawe ma na sasedwa khu matshari, va fanyeledzela migonyo nya malimba yawe nya dzisimbi, va sasedwa khu kota nya makungo va ma giridego vabune.

Levhi 26:25

Khu kotani nya gu hambaniseni gidzumeledzwano gyangu, nyi phodza khu gu mi rumela dzinyimbi; mwa gu tshanganani madhoropani gwanu, nyi na rumela vbakari gwanu mitungu, nyi na mi ningelani mandzani ga valala vanu.

Zakariya 11:17

Libango ga muhavisi nya gipumbu, a si sayisigo tshambi; a na paywe libogo laye khu litshari, li mu pole liso la nyamudye; libogo laye latshavbo li na bange ni liso laye la nyamudye li na khale gidzogo.