Jeremiya 50:31 - Bhibhiliya Nya Guage

³¹ Wona nya gukhuwe eni nyi dzi emisede gu dwana nago, uwe nyamatshandza wewe, a ngu ganela Pfhumu Nungungulu nya Tshivba Yatshavbo, kholu, li vbohide litshigu ni gikhati nya tsayiso wago:

Jeremiya 50:31 Iomraidhean Croise

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Jeremiya 21:13

Wona nya gukhuwe nyi mi wugede, enu vavbanyi va kovani, ni uwe giwindri gi ladzidwego panini, a ngu ganela Pfhumu Nungungulu; nyi na wugela ni enu mu ganelago khenu khu mani a na gu relelago ata hi wugela? Mwendro khu mani a na gu belago dzinyumbani gwathu?

Jeremiya 48:29

Hi pwide na gu ganedwa khu matshandza ya Mowabhi, gu dzi khusedza gwaye ni gu vega vbavbatshi vambe vathu, khu matshandza ya monyoni gwaye.

Jeremiya 49:16

Matshandza ni gu dzi khusedza nya monyo wago si gu kanganyiside, uwe u vbanyago dziphagoni nya siwindri, u khalago vbatshani nya sigomo, ambari wa gu vbaha gihaga gyago vbatshani ngudzu kha nga lighama, Eni nyi na gu reledza vbavbatshi; khu Pfhumu Nungungulu a ganelago.

Jeremiya 50:29

Rambani vatshavbo va kodzago gu khwandra siholoma; va na hekhe litigo la Bhabhiloni, va li randrela gu si dugi ni wa gu duga. Va bweledzeleni gukhedza khu mithumo yawe, satshavbo a mi giredego mu gireleni nuye kharalo; kholu a dzi khusedzide a wugela Pfhumu Nungungulu, Gihathwa gya Israyeli.

Jeremiya 50:32

Matshandza yago ma na gu tshunganisa u thega nyamba mana wago nya gu gu wuse. “Nyi na khondrisa nilo madhoropani gwago, si dagarela satshavbo si guromo umo.”

Jeremiya 51:25

Pfhumu Nungungulu a ngu ganela, khuye: Nyi womo avba gasi gu wugela uwe gigomo nya wupfhungumuli, uwe u pfhungumulago litigo latshavbo; nyi na phela kheni nyi gu handzega mandza yangu, nyi gu wumbulutela khu vbatshani nya siwindri u thega, u khala litala nya nguma.

Ezekiyeli 29:3

U va embela, khuwe: Mune Pfhumu Nungungulu, a ngu ganela kharati, khuye: “Nyi na gu wugela uwe Faro, mufumeli wa Egipito, uwe ngona nya yikhongolo, u ladego vbakari nya mitsongo yago, na wu gu ganela, khuwe: Tsongo wa Nilo khwangu; kheni nyi wu giridego gasi wu khale wangu kamwe.”

Ezekiyeli 38:3

u mu embela, khuwe: Mune Pfhumu Nungungulu, a ngu ganela kharati, khuye: Nyi na gu wugela, uwe Gogi, mufumeli wa Rosi, wa Meseki ni Tubhali.

Ezekiyeli 39:1

“Khu guralo, uwe, mwamana wa muthu, profeta gambe u embela Gogi, khuwe: Mune Pfhumu Nungungulu, a ngu ganela kharati, khuye: Eni nyi na gu wugela uwe Gogi, muthangeli nya khongolo wa Rosi, Meseki ni wa Tubhali.

Ezekiyeli 5:8

khu guralo, Mune, Pfhumu Nungungulu a ngu ganela kharati, khuye: Wonani nya gukhenu eni, mune kamwe, nyi na gu lamula uwe Jerusalema; nyi gu ninga tsayiso nu gu wonwa khu va nya mayigo.

Nahume 2:13

Wona nya gukhuwe nyi gu wugede, a ngu ganela Pfhumu Nungungulu nya Tshivba Yatshavbo; nyi na vbisa khu nilo dzikareta dzago nya nyimbi, singhalana sago si na songetedwa khu matshari, nyi na wandra mafuni sirengo u nga molago, ma si pwali gambe malito nya sirumwa sago.

Nahume 3:5

Wona nya gukhuwe nyi na gu wugela, a ngu ganela Pfhumu Nungungulu, nya Tshivba Yatshavbo, nyi na funungula dzitshalu dzago nyi fenengedza khovbe yago, nyi yeyedza wumbwiri wago va nya mayigo, ni ga mifumo, dzitshoni dzago.

Jakobe 4:6

Uye a ngu ninga giphaso; kholu, Milowo nya Guage yari, khiyo: “Nungungulu a ngu wugela va nya matshandza, a phasedzela va nya gu dzi nogisa.”

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”

Gutuledwa 18:8

Khu kharato, khu litshigu limwedo yi nata mitungu yaye khu gipitipiti: Gufa, gililo, ndzala; a na tsagamiswa khu nilo, kholu Pfhumu Nungungulu a mu lamudego, a na ni tshivba.”