Jeremiya 50:30 - Bhibhiliya Nya Guage

³⁰ Khu guralo, madzaha yawe ma na mbambamela vbakari nya dzindzila dzawe, ni masotshwa yawe ma na mbembiswa litshigu lolo, a ngu ganela Pfhumu Nungungulu.

Jeremiya 50:30 Iomraidhean Croise

Jeremiya 18:21

Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 48:15

Va na Mowabhi va sasedwe va vbela, ni madhoropa yawe ma ngu khungumudwa; madzaha yawe nya yadi ma ngu ya gusongwatunu; a ngu ganela Mufumeli, lina laye a gu uye Pfhumu Nungungulu nya Tshivba Yatshavbo.

Jeremiya 49:26

Khu guralo, madzaha yaye, ma na mbambamela dzindzilani; ni masotshwa yatshavbo ma na mbembiswa nayo ga litshigu lolo, a ngu ganela Pfhumu Nungungulu nya Tshivba Yatshavbo.

Jeremiya 50:36

Va na songwa khu matshari vatshavbo vaprofeti vawe nya malipha, gasi va hambanega mapimo, ma sasela gambe ni dzindrena dzawe gasi dzi vbele tshivba.

Jeremiya 9:21

Kholu lufu li litide li bela khu sihogo nya dzinyumba dzathu, li ya bela ni dzinyumbani nya wufumu; li sasede sanana dzindzilani ni madzaha malangani nya mitendrela nya madhoropa.

Gutuledwa 19:18

gasi muta hodza nyama nya vafumeli, nyama nya vathangeli nya dzinyimbi, nyama nya dzindrena, nyama nya dzikavalu, ni ya vale va khiledego idzo, nyama nya mafumbu yatshavbo, va nya gutshulega ni dzikhumbi, nya vadugwana ni vakhongolo.”

Gutuledwa 6:15

Vafumeli nya mayigo, ni vathangeli nya dzinyimbi, sitetema, va nya tshivba, vatshavbo, dzikhumbi ni va nya gutshulega, va di sihala mudziphagoni nya siwindri sa musigomoni;