Jeremiya 50:3 - Bhibhiliya Nya Guage

³ Kholu, litigo li dugelago Wuronga, li nguta guta sasela litigo lawe, li na li vbindrugedza li khala marumbi; vathu ni sirengo sawe, vatshavbo va na tutuma va thava.

Jeremiya 50:3 Iomraidhean Croise

Genesi 6:7

Khavbo avbo, Pfhumu Nungungulu a di khuye: “Nyi na fuvisa vathu nyi va vangidego mafuni, nyi na va mbembisa tigoni, nyi vbedza vathu, sirengo ni sinyoni sa damboni ni sirengwanana satshavbo si khwirirago khu lididi, kholu nyi ngu dzi laya khu olu nyi si giridego.”

Ekisodha 12:12

Ni wutshigu wowo, nyi na vbindra tigoni ga Egipito, nyi na songa satshavbo sanana nya matiwula ya tigoni ga Egipito, nya vathu ni sifuyo; nyi na lamula vanungungulu vatshavbo va Egipito. Eni kheni Pfhumu Nungungulu!

Isaya 41:25

Nyi ranide mumbe muthu, khu Wuronga; a nata, khu Khugadambo, uye a na rungudza lina langu; a na gandredzela vafumeli kha nga maraga; kha nga muwumbi a gandredzelago libumba, a na va gandredzela kharato.

Isaya 45:1

Pfhumu Nungungulu a ngu ganela ga Kiro, a mu todzidego khu mafura, uye a mu pharide khu libogo laye la nyamudye, a mu ninga tshivba gasi a pala mayigo mbeli gwaye, nyi na thela hwanga vafumeli gasi va tule malimba nya lidhoropa, nyamba segwa gambe.

Jeremiya 21:6

Nyi na sasela vavbanyi va dhoropani momu, vathu gumogo ni sirengo; va nafa khu tungu nya guthise.

Jeremiya 50:9

Kholu wonani nya gukhenu eni nyi na resela Bhabhiloni mitsawa ni sidzemo sa mayigoni nya makhongolo si tago khu Wuronga, va nata wumba gikwata va dwana naye kala va mu pala; matshari yawe, ma na fanana ni ya ndrena yi gengedego ni limwedo kha li na wuya mahala.

Jeremiya 51:11

Lodzani sighalala, mu phara sitshangu! Pfhumu Nungungulu a pepugiside mapimo ya vafumeli va tigoni ga Medhiya, kholu makungo yaye, khu gu pfhungumula Bhabhiloni. Pfhumu Nungungulu a na phodza, a dzi phodzela khu nyumba yaye nya miphaso

Jeremiya 51:48

Ndzadzi ni mafu gumogo ni satshavbo si guromo umomo, si na tsaka si womba mikulungwane khu kotani ya Bhabhiloni, kholu avo vatago vata sasela litigo leli, va nata khu Wuronga, a ngu ganela Pfhumu Nungungulu.

Jeremiya 51:62

U ganela, khuwe: Uwe Pfhumu Nungungulu, khuwe u ganedego khu gu pfhungumula lidhoropa leli khuwe, li na khala marumbi nyambana muthu mwendro girengo, gambe li na vbindrugedza li khala giwula kala gupindruga.

Jeremiya 7:20

Khu guralo, Pfhumu Nungungulu a ngu ganela kharati, khuye: “Wonani nya gukhenu giviti ni likhulo langu, si na vbalagela wulanga wowu, vbatshani nya vathu, vbatshani nya sirengo, vbatshani nya misimbo ya khabini ni mihandro ya mafuni; li na khondra nyamba tshimega gambe.”

Jeremiya 9:10

Nyi na lila khu kotani nya sigomo ni gu womba huwa ni gu embelela dzindzimo nya gililo khu kotani nya wuhaviselo wa giwulani; kholu malanga yaya ma dagarede khu luvbya, olu mwalo ni moyo a vbindrago gambe khumo; mule kha gu nga gu pwala gambe ligwaha nya mitshambi; ambari sinyoni sa damboni gumogo ni sirengo si phalalegide.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Sofoniya 1:3

Nyi na mbembisa vathu ni sirengo; nyi vbedza sinyoni sa damboni ni dzindzandzi dza phwani; avo va khunguvanyisago vakwawe ni va nya guvivbedwa khu monyo, nyi na fuvisa vathu mafuni, a ngu ganela Pfhumu Nungungulu.